
نتم عايشين فيها؟!
أمي قعدت على أقرب كرسي في الصالة وغطت وشها بإيديها وهي بتشهق والله ما كنت فاهمة حاجة يا بنتي! سمر كانت مفهماة إنها بترقي الشقة وبتحصنها عشان العين، وإن الشيخ اللي بيدخل ويخرج ده راجل بركة بيعمل رقوة للعيال عشان السنتر يشتغل ويمشي! مكنتش اعرف إن الموضوع دخل في دجل وشعوذة وبلاوي سودا!
سكتت لحظة وبصيت ناحية باب الشقة المفتوح وقلت لها وفين سمر؟ راحت فين؟
سمر جراها الذهول ونزلت تجري في الشارع زي المچنونة أول ما النور قطع وصوت الخبط زاد.. سابت البيت وجريت!
وقفت في نص الصالة وأنا بحاول أجمع أفكاري وأستوعب اللي بيحصل. كل اللي اتقال تحت عن الرصد
والعطار والډم كان كلام يجنن، عروق مخي كانت هتتفجر من كتر التفكير. هل يعقل إن اللي بيحصل ده جد؟ ولا دي خيالات وترتيبات من سمر عشان تداري على مصېبة تانية؟
أنا مسكت البودرة اللي اشتريتها ب إيدي، العطار اداني كيس صغير وقال لي دي بودرة عفريت.. وفي العرف الشعبي بتاعنا، البودرة دي مجرد مادة كيميائية بتعمل حكة وتهيج في الجلد! العيال لما نزلوا بيهرشوا، ده تأثير المادة الطبيعي!
طب والصوت اللي تحت؟ والخبط اللي جاي من الأرض؟ والحيطان اللي كانت بتتهز؟
حطيت ياسين على الكنبة جنب أمي وقلت لها بصرامة خليكي جنبه هنا ومتحركيش.. أنا نزلا شقة سمر تاني.
أمي اتنفضت من مكانها ومسكت
في جلبابي تنزلي فين يا مچنونة؟! إنتي عايزة تروحي لحتفك بإيدك؟! الشقة تحت فيها حاجة مش مظبوطة!
مش مظبوطة إيه يا ماما! البيت ده بيت عيلتنا، والشقة دي شقة أخويا أحمد! أنا لازم أفهم إيه المهزلة دي قبل ما أخويا يرجع من سفره ويلاقي بيته مخروب بالشكل ده!
شغلت كشاف الموبايل، ونزلت السلم خطوة بخطوة. السكون كان كابوس يلف العمارة كلها. باب شقة سمر كان لسه مفتوح على آخره.
وقفت على العتبة ووجّهت نور الكشاف لجوه.
المكان كان يكركب النفوس. الأوراق المتقطعة، الكراسات المرمية، الكراسي المقلوبة.. والنور مسلط على الطرقة اللي كانت سمر بتشاور عليها.
مشيت بخطوات بطيئة وجريئة في
نفس الوقت.




