
أمي كانت قاعدة قدام داليا وبتتكلم معاها بمنتهى الهدوء وهي بتقولها
متقلقيش يا داليا أنا هتصرف مع نجلاء دي بنفسي فؤاد طول عمره بيسمع كلامي وأول ما يمضي على الورق مش هيبقى ليها أي حق في البيت ولا في الشركة
داليا ضحكت وقالت
بس هي عنيدة ومش راضية تمضي يا طنط سعاد
أمي ردت بثقة
سيبيها عليا أنا هخليها تكره اليوم اللي دخلت فيه البيت ده
حسيت إن نفسي اتسحب مني وأنا ببص لأمي مش قادر أصدق إن الست اللي ربتني وكنت فاكرها بتحافظ على بيتي هي نفسها اللي بتخطط تطرد مراتي الحامل
بصيت لأمي وقلت بصوت مخنوق
إنتي كنتي عارفة بكل اللي بيحصل لنجلاء؟
أمي حاولت تتكلم لكني رفعت إيدي وطلبت منها تسكت
ياسين كان واقف جنبي وبيحاول يمنع دموعه وقال
بابا أنا صورت كل حاجة عشان محدش يقدر يقول إن ماما كدابة
نجلاء بدأت تعيط وضمته لحضنها وهي بتقول
كفاية يا حبيبي خلاص
لكن ياسين فتح تسجيل تالت وقال
لا يا ماما لازم بابا يعرف هما كانوا بيعملوا إيه وإنتي لوحدك
ظهر فيديو لداليا وهي واقفة قدام نجلاء وبتحط قدامها ملف كبير
وقالتلها
دي ورقة تنازل عن حقوقك في البيت والشركة وإمضي من غير وجع دماغ أحسنلك
نجلاء ردت عليها بثبات رغم خوفها
أنا مش همضي على أي حاجة وإنتي ملكيش صفة تتكلمي معايا أصلا
داليا قربت منها ومسكت دراعها بعنف وقالت
إنتي فاكرة إنك لسه ليكي مكان هنا؟ فؤاد اختارني وأنا اللي هبقى مراته الجاية
وفجأة دفعتها ناحية الترابيزة
نجلاء وقعت على الأرض وحطت إيديها على بطنها وصرخت من الوجع
ياسين ظهر في آخر الفيديو وهو بيجري ناحيتها وبيعيط
ماما ردي عليا أرجوكي
لكن اللي صدمني أكتر إن أمي كانت واقفة على باب الصالون وشايفة كل حاجة
ولا اتحركت ولا حتى حاولت تساعدها
قمت من مكاني وصرخت
إنتوا كنتوا ممكن تخسروني بنتي قبل ما تتولد!
أمي قالت ببرود
هي اللي كانت بتستفز داليا وبتحاول تخرب حياتك
بصيتلها وقلت
حياتي؟ إنتي بتسمي خيانة مراتي وترويعها في بيتها حياة؟
داليا حاولت تتدخل وقالت
فؤاد إنت فاهم الموضوع غلط وإنت عارف إني بحبك
بصيتلها وقلت
الحب عمره ما كان إهانة ولا تهديد ولا اعتداء على واحدة حامل
طلعت موبايلي واتصلت بالمحامي وطلبت منه يوقف أي إجراءات أو أوراق تخص البيت أو أملاك العيلة لحد ما نراجع كل حاجة قانونيا
وبعدها طلبت من الأمن يمنع داليا من دخول الفيلا أو الشركة لحد ما التحقيق يخلص
داليا اتجننت وبدأت تصرخ
إنت مش هتقدر تعمل فيا كده أنا عارفة أسرارك كلها
لكن كلامها ما بقاش يهمني
قربت من نجلاء وركعت قدامها وقلت
سامحيني أنا ظلمتك ومكنتش موجود لما كنتي محتاجاني
نجلاء بصتلي بعيون مليانة دموع وقالت
أنا مش عايزة أسمع اعتذار يا فؤاد أنا عايزة أحس إن بيتي آمن وإن ابني وبنتي مش هيعيشوا الخوف اللي أنا عيشته
قبل ما أرد ياسين مسك إيدي وقال
بابا في حاجة تانية لازم تعرفها
بصيتله وقلبي اتقبض
قال وهو بيشاور على التابلت
في تسجيل أخير أنا مخبيه من يوم ما سافرت
فتحت أمي عينيها بخوف لأول مرة وقالت بسرعة
ياسين اقفل التابلت وماتفتحش التسجيل ده
لكن ابني بص لها وقال
ليه يا تيتة؟ مش إنتي اللي قلتي لداليا إن بابا عمره ما هيعرف الحقيقة؟
وبعدين ضغط على تشغيل الفيديو
ظهرت أمي وهي بتتكلم في التليفون مع شخص غريب وبتقول جملة واحدة خلتني أقف مكاني مش قادر أتنفس
فؤاد لازم يفضل بعيد عن البيت لحد ما نخلص موضوع نجلاء والورق اللي هنخليه يمضي عليه
لكن الصدمة الحقيقية كانت لما الصوت التاني رد عليها وقال
اطمني يا مدام سعاد أنا نفذت الجزء بتاعي ومفيش حد هيقدر يعرف إن الحادثة كانت مدبرة
ياسين بصلي بخوف وقال
بابا هما كانوا مخططين لحاجة أكبر من طرد ماما
وفجأة عرفت إن التسجيل ده مش بس هيفضح خيانة أمي وداليا
ده ممكن يكشف جريمة محدش فينا كان يتخيل إنها حصلت جوه عيلتنا…
فضلت واقف مكاني مش قادر أستوعب اللي سمعته
حادثة إيه اللي أمي بتتكلم عنها؟ ومين الشخص اللي بيقول إنه نفذ الجزء بتاعه؟
بصيت لأمي وقلت بصوت مليان غضب
إنتي كنتي ناوية تعملي إيه؟ وإيه الحادثة اللي بتتكلموا عنها؟
أمي بدأت ترتعش وقالت
فؤاد إنت فاهم غلط ده كلام اتقال في لحظة عصبية ومفيش حاجة حصلت
لكن ياسين رد عليها بسرعة
لأ يا تيتة أنا سمعت المكالمة دي قبل كده وسمعتك بتقولي إن العربية لازم تتعطل قبل ما بابا يرجع
حسيت إن قلبي وقف
افتكرت فجأة إن قبل سفري بيومين فرامل عربيتي كانت فيها مشكلة غريبة والميكانيكي قالي إن في حد لعب في خرطوم الزيت وإن الموضوع كان ممكن يعمل حادثة خطيرة
وقتها افتكرت إننا عدينا من غير خسائر واعتبرت الموضوع مجرد عطل
لكن دلوقتي كل حاجة بدأت تتربط ببعضها
مسكت موبايلي واتصلت بالمحامي وطلبت منه ييجي الفيلا فورًا وبعدها كلمت الشرطة وبلغتهم بالتسجيلات والتهديدات اللي حصلت لمراتي
داليا حاولت تهرب من البيت لكن الأمن منعها لحد ما وصلت الشرطة
أما أمي فكانت قاعدة على الكنبة وبتردد إن كل ده مؤامرة عليها
بعد شوية وصل ضابط المباحث ومعاه فردين من الشرطة وطلب يشوف التسجيلات كاملة
ياسين كان متردد وخايف لكني حضنته وقلتله
إنت عملت الصح يا حبيبي ومحدش هيقدر يلومك على إنك حميت مامتك
الضابط شاف التسجيلات وسأل أمي عن الشخص اللي كانت بتكلمه
في الأول أنكرت معرفتها بيه لكن لما شغلنا باقي المكالمة ظهر اسمه
كان اسمه مدحت وكان مسؤول عن صيانة عربيات الشركة وعنده صلاحية يدخل الجراج في أي وقت
الضابط طلب التحفظ على التسجيلات وبدأ يتواصل مع القسم عشان يجيب مدحت للتحقيق
داليا حاولت تبرر موقفها وقالت إنها كانت بتحاول تساعدني أحل مشاكلي الزوجية
لكن الضابط سألها
ومين اداكي الحق تهددي زوجته وتدفعيها وهي حامل؟
سكتت ومقدرتش ترد
وفي اللحظة دي نجلاء حست بدوخة شديدة وحطت إيديها على بطنها
جريت عليها وأنا بصرخ
نجلاء مالك؟ حاسة بإيه؟
قالت بصوت ضعيف
بطني بتوجعني يا فؤاد ومش قادرة أقف
الضابط طلب الإسعاف فورًا وأنا شيلت عنها أي ضغط وحاولت أطمنها لحد ما وصلت العربية
في المستشفى الدكتور دخلها الكشف بسرعة وبعد دقائق خرج ووشه جاد
قلتله بلهفة
مراتي والبنت عاملين إيه؟
رد عليا وقال
الحمد لله الجنين بخير لكن حصل لها إجهاد شديد ولازم تفضل تحت الملاحظة والراحة التامة الفترة الجاية
حسيت إن رجلي مش شايلاني
كنت ممكن أخسر مراتي وبنتي بسبب خيانتي وسكوتي وثقتي في ناس مكنش المفروض يدخلوا حياتنا أصلًا
ياسين كان قاعد جنبي وبيعيط
قربت منه وحضنته وقلتله
أنا آسف يا ابني إني خليتك تشيل مسؤولية أكبر من سنك
رد عليا وهو بيمسح دموعه
أنا مكنتش عايز غير إن ماما متعيطش تاني
الكلام ده وجعني أكتر من أي حاجة
بعد ساعات رجع الضابط للمستشفى ومعاه خبر جديد
مدحت اعترف إنه أخد فلوس من أمي مقابل إنه يعبث بفرامل عربيتي قبل سفري وإنه كان متفق معاها إن العطل يحصل وأنا على الطريق
لكن لما سألناه عن السبب الحقيقي قال إن الموضوع مش مجرد خلاف عائلي
كان فيه ورق ملكية وأملاك كبيرة عايزين يسيطروا عليها بعد ما يحصل لي حادث
والأخطر إن مدحت أكد إن أمي كانت بتخطط تنقل جزء من أسهم الشركة باسمها وباسم داليا بمساعدة شخص من داخل الإدارة
بصيت للضابط وسألته
يعني أمي كانت عايزة تقتلني عشان الفلوس؟
رد عليا
إحنا لسه بنجمع الأدلة لكن الاعترافات والتسجيلات بتشير لكده
في اللحظة دي تليفوني رن
كان المحامي
قاللي إن في مستندات اتبعتت لمكتبه من رقم مجهول وإن المستندات دي بتثبت إن داليا كانت بتحاول تستولي على جزء من الشركة باستخدام توكيل مزور
فتحت الصور اللي بعتها المحامي وبدأت أقلب فيها
لكن أول ما وصلت لآخر صفحة حسيت إن الصدمة أكبر من كل اللي حصل
لأن التوقيع الموجود على التوكيل كان توقيع شخص من عيلتي
شخص مكنتش أتخيل أبدًا إنه ممكن يبيعني بالطريقة دي
رفعت عيني ناحية نجلاء اللي كانت نايمة على سرير المستشفى وبعدين بصيت لياسين
وقلت لنفسي إن اللي جاي مش مجرد حساب مع داليا وأمي
دي معركة عشان أرجع حق مراتي وأحمي ولادي وأعرف مين الشخص اللي خانني من أقرب الناس ليا
لكن قبل ما أقدر أتصرف وصلني اتصال تاني من المحامي وقال جملة واحدة
يا فؤاد لازم تيجي تشوف المستند الأصلي بنفسك لأن الشخص اللي مضى التوكيل مش بس من عيلتك ده كمان عنده مفتاح خزنة أوراقك السرية
ساعتها فهمت إن الخطر لسه مخلصش…
أول ما سمعت كلام المحامي حسيت إن في مصيبة أكبر مستنياني
سألته بصوت متوتر
مين الشخص اللي مضى التوكيل؟
رد عليا وقال
أخوك شريف يا فؤاد
حسيت إن حد ضربني على دماغي
شريف أخويا الوحيد اللي كنت بثق فيه وبعتبره إيدي اليمين في الشركة
قفلت مع المحامي وطلبت منه يحتفظ بكل المستندات لحد ما أوصل
رجعت البيت بعد ما اطمنت إن نجلاء حالتها استقرت وإن ياسين فضل معاها في المستشفى مع خالته
دخلت مكتبي وفتحت الخزنة وبدأت أراجع الأوراق القديمة
لقيت إن في مستندات ناقصة وإن شريف كان بيحاول من شهور ينقل ملكية بعض الأراضي باسم شركة جديدة
اتصلت بيه وطلبت منه ييجي البيت من غير ما أواجهه بأي حاجة
بعد ساعة وصل وكان داخل بابتسامة عادية
قاللي
حمد الله على السلامة يا فؤاد سمعت إن في مشاكل حصلت عندك
بصيتله وقلت




