منوعات

الست الا لابسه زي عسكري

أول ما الست اللي لابسة الزي العسكري قالتلي يا سيادة المقدم حسيت إن الدنيا كلها سكتت للحظة

 

أبويا كان واقف عند باب الجراج وعينيه مفتوحة على آخرها وأمي حاطة إيدها على بقها وندى وقعت منها فنجان القهوة واتكسر على الأرض

 

أبويا قرب خطوتين وهو بيحاول يفهم

 

مقدم إيه بس هو إنتوا بتتكلموا عن مين

 

الضابطة بصتله بصرامة وقالت

 

حضرتك بتتكلم عن المقدم مريم أحمد زوجة الشهيد المقدم أحمد منصور

 

ندى ضحكت ضحكة متوترة وقالت

 

أكيد فيه غلط دي أختي مريم اللي كانت قاعدة في أوضتها طول اليوم ومش بتشتغل

 

بصتلها بهدوء وقلت

 

أنا مكنتش قاعدة مستنية حد يصرف عليا يا ندى أنا كنت بجهز لحاجة أكبر من إنك تتخيليها

 

الضابطة سلمتني ملف أسود وقالت

 

كل الإجراءات تمت يا فندم والاستحواذ على شركة النسر للصناعات الجوية بقى رسمي وحضرتك بقيتي المالكة الوحيدة للشركة

 

كريم اللي كان واقف ورا ندى اتغير لون وشه فجأة

 

قال بصوت مهزوز

 

إنتي بتقولي إيه شركة النسر دي

 

بصتله الضابطة وقالت

 

الشركة اللي حضرتك شغال فيها يا أستاذ كريم

 

ساعتها أبويا قرب مني وقال بعصبية

 

يعني إيه الكلام ده إنتي معاكي فلوس منين وكل ده حصل إمتى

 

رديت وأنا بقفل الملف

 

من فلوس أحمد اللي سابهالي ومن شغلي طول الشهور اللي فاتت

 

ندى قربت مني وقالت وهي بتحاول تبتسم

 

طب يا مريم إحنا إخوات ومفيش بينا الكلام ده كله أكيد هنقدر نتفاهم

 

بصتلها وقلت

 

إنتي من شوية كنتي شايفة إن وجودي في البيت عبء وإن بنتي اللي لسه متولدتش ملهاش مكان هنا دلوقتي بقيتي فاكرة إننا إخوات

 

وشها اتقلب وقالت

 

إنتي مكبرة الموضوع ليه إحنا كنا بنهزر

 

قبل ما أرد عليها الضابطة فتحت الملف الأسود وطلعت صورة من تسجيل كاميرا وقالت

 

يا فندم فيه حاجة أهم لازم تشوفيها بنفسك

 

أخدت الصورة وبصيت فيها

 

كانت صورة لاجتماع سري حصل في مقر الشركة قبل موت أحمد بيومين

 

واللي خلاني أحس إن الأرض بتتهز من تحتي إن الشخص اللي كان قاعد على رأس الترابيزة كان كريم جوز أختي

 

بصيتله وقلت

 

إنت كنت تعرف جوزي

 

كريم بلع ريقه ومردش

 

الضابطة كملت

 

إحنا اكتشفنا إن فيه أوامر اتبعتت لتعطيل أجهزة الاتصال أثناء المهمة اللي استشهد فيها المقدم أحمد منصور وإن التوقيع الإلكتروني المستخدم في إصدار الأوامر مرتبط بحساب إداري داخل الشركة

 

أبويا اتدخل بسرعة وقال

 

أكيد فيه سوء تفاهم كريم موظف عادي وملوش علاقة بالكلام ده

 

لكن الضابطة بصتله وقالت

 

الغريب يا فندم إن اسم حضرتك موجود في نفس الملف

 

بصيت لأبويا وقلبي بدأ يدق بعنف

 

إنت مالك بالموضوع يا بابا

 

رجع خطوة لورا وقال

 

أنا معرفش هما بيتكلموا عن إيه

 

في اللحظة دي كريم حاول يتحرك ناحية الباب لكن اتنين من أفراد الحراسة وقفوا قدامه

 

ندى صرخت

 

إنتوا بتعملوا إيه جوزي معملش حاجة

 

الضابطة قالت بحزم

 

محدش اتهم حد قبل التحقيق لكن فيه مستندات لازم تتراجع

 

وبعدين طلعت ورقة تانية من الملف وحطتها قدامي

 

وقالت بصوت واطي

 

يا فندم فيه تحويل مالي اتعمل قبل المهمة بأربع وعشرين ساعة من حساب والد حضرتك لحساب شركة وسيطة مرتبطة بالمجموعة اللي كانت مسؤولة عن تعطيل الاتصالات

 

بصيت لأبويا وأنا مش قادرة أصدق

 

يعني إنت كنت عارف إن فيه حاجة هتحصل لأحمد

 

أبويا نزل عينه للأرض وسكت

 

قربت منه وأنا دموعي بدأت تنزل

 

أحمد كان بيثق فيك وكان بيعتبرك أبوه التاني

 

رفع عينه وبصلي وقال جملة خلت الدم يتجمد في عروقي

 

أنا مكنتش أعرف إنهم هيقتلوه يا مريم أنا كنت فاكر إنهم هيوقفوا المهمة بس

 

وقبل ما أقدر أنطق بكلمة الموبايل المشفر رن

 

كان رقم مجهول

 

رديت وسمعت صوت راجل بيقول بهدوء مخيف

 

لو عايزة تعرفي مين اللي أصدر الأمر الحقيقي بتعطيل أجهزة الاتصال متصدقيش أي ورقة في إيد الضابطة

 

وبعدها قال جملة واحدة خلتني أبص لكريم وأبويا في نفس اللحظة

 

اللي قتل جوزك لسه عايش وبيجهز دلوقتي عشان يتخلص من آخر شاهد على اللي حصل

 

وبعدها الخط اتقفل

 

لكن المفاجأة إن الضابطة أول ما سمعت صوت الراجل وشافت الرقم على الشاشة وشها اتغير تماما وقالتلي

 

يا فندم اقفلي الموبايل فورا

 

لأن الرقم ده المفروض صاحبه مات من سبع شهور في نفس المهمة اللي استشهد فيها أحمد

 

والأخطر إن اسمه كان مكتوب في شهادة وفاة جوزي باعتباره واحد من الضحايا…

فضلت باصة للموبايل في إيدي ومش قادرة أستوعب اللي سمعته

 

الراجل اللي المفروض مات مع أحمد من سبع شهور لسه عايش وبيكلمني وبيحذرني من الضابطة نفسها

 

بصيت للضابطة وقلت بصوت مرتعش

 

إنتي تعرفي صاحب الرقم ده

 

سكتت ثواني وبعدين قالت

 

أيوه يا فندم ده المقدم شريف فوزي وكان قائد المجموعة اللي أحمد استشهد فيها

 

حسيت إن رجلي مش شايلاني

 

يعني إيه هو مات ولا عايش

 

الضابطة بصت ناحية أبويا وكريم وقالت

 

ده اللي إحنا بنحاول نعرفه من شهور لكن واضح إن فيه ناس كانت بتخبي معلومات مهمة

 

كريم فجأة صرخ

 

أنا مليش دعوة بأي حاجة إنتوا بتتهموني ليه

 

بصيتله وقلت

 

طب إنت كنت بتعمل إيه في الاجتماع اللي قبل موت أحمد

 

رد بسرعة

 

اجتماع شغل عادي وأنا مالي بالمهمة العسكرية دي

 

الضابطة طلعت ورقة تانية وقالت

 

الغريب إن الشركة اللي حضرتك كنت بتتعامل معاها حولت مبلغ تلاتين مليون جنيه لشركة وهمية قبل الحادث بيوم واحد

 

أبويا قاطعها وهو بيزعق

 

كفاية بقى إنتوا هتخربوا بيتنا بالكلام ده

 

بصيتله وقلت

 

البيت ده إنتوا اللي خربتوه يوم ما طردتوني وأنا حامل بعد ما دفنت جوزي بس الفرق إنكم لسه مش عارفين حجم المصيبة اللي مخبينها

 

في اللحظة دي بنتي اتحركت في بطني بقوة وحسيت بوجع شديد

 

الضابطة لاحظت وطلبت الإسعاف فورا

 

لكن قبل ما العربية توصل سمعت صوت الموبايل مرة تانية

 

رسالة من نفس الرقم

 

مريم متثقيش في أبوكي ولا كريم وخصوصا ندى

 

بصيت لأختي اللي كانت واقفة ورا أمي ووشها شاحب

 

ندى إنتي مالك بالموضوع

 

بدأت تعيط وقالت

 

والله ما أعرف حاجة

 

لكن إيديها كانت بتترعش بشكل غريب

 

الضابطة قربت منها وطلبت منها تفتح شنطتها

 

ندى رفضت وصرخت

 

إنتوا مالكوش حق تفتشوا حاجتي

 

لكن في اللحظة دي وقع من شنطتها ظرف بني صغير

 

الضابطة انحنت وأخدته وفتحته

 

كان جواه صورة لأحمد وهو داخل مقر الشركة قبل المهمة بيوم وسند قبض بمبلغ خمسة مليون جنيه

 

وتحته ورقة مكتوب فيها بخط إيد أحمد

 

لو حصل لي أي حاجة سلموا الملف لمريم فقط

 

حسيت إن نفسي اتقطع

 

أحمد كان عارف إن حياته في خطر وكان بيحاول يوصل لي الحقيقة قبل ما يموت

 

بصيت لندى وقلت

 

إنتي وصلتي للورق ده إزاي

 

ندى انهارت في العياط وقالت

 

أنا ملقتش الورق ده أنا كريم هو اللي اداهولي وقالي أخبيه عندي ومقولش لحد

 

كل العيون اتحولت ناحية كريم

 

لكنه ابتسم ابتسامة باردة وقال

 

إنتي بتكدبي يا ندى

 

في اللحظة دي الضابطة طلبت من الحراسة تسيطر عليه لكنه فجأة طلع موبايل صغير من جيبه وضغط على زر بسرعة

 

وبعد ثواني سمعنا صوت انفجار بعيد هز الشبابيك

 

كل الناس جريت ناحية الباب إلا أنا

 

لأن الموبايل المشفر بتاعي استقبل رسالة جديدة

 

كانت صورة مباشرة من كاميرا مراقبة داخل المستشفى اللي كانت أمي بتتابع فيها حملي

 

وتحت الصورة رسالة قصيرة

 

إحنا عارفين ميعاد ولادتك ومكان بنتك

 

حسيت إن الدم نشف في عروقي

 

رفعت عيني للضابطة وقلت

 

هما عايزين بنتي

 

ردت بسرعة وهي بتطلب تعزيزات

 

من اللحظة دي حضرتك وبنتك تحت حماية كاملة ومحدش هيقدر يقرب منكم

 

لكن قبل ما نتحرك سمعت صوت كريم من ورايا وهو بيضحك

 

إنتي فاكرة إنك كسبتي يا مريم

 

بصيتله وقلت

 

أنا مش عايزة أكسب أنا عايزة أعرف مين قتل جوزي

 

قرب مني رغم إن الحراسة كانت ماسكاه وقال بصوت واطي

 

يبقى اسألي أمك عن اللي حصل في الليلة اللي أحمد جه فيها البيت قبل سفره بيوم

 

اتجمدت مكاني وبصيت لأمي

 

لقيتها قاعدة على الأرض وبتعيط ومش قادرة ترفع عيني في عيني

 

قربت منها وسألتها

 

إنتي كنتي تعرفي إن أحمد جه هنا قبل سفره

 

أمي فضلت ساكتة

السابق1 من 2
تابع المقال

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى