
شريف قالها
مدام هدى لازم نرجع القصر حالاً
هدى رفعت عينها وقالت
ليه؟
شريف بص للموبايل وقال
محمود بيه بعتلي رسالة بيقول فيها إن فؤاد هرب من القصر
هدى حضنت الصندوق لصدرها
لكن شريف كمل
وفيه خبر تاني يا مدام هدى حد دخل القصر بعد ما مشيتي وسرق ملف قديم من مكتب محمود بيه
هدى سألت بخوف
ملف إيه؟
شريف اتردد قبل ما يرد
ملف اختفاء خالد منصور
رجعوا القصر بسرعة
كان محمود واقف في مكتبه قدام خزنة مفتوحة ووشه متغير
أول ما شاف هدى سألها
لقيتي حاجة؟
هدى ادته الجواب والمفتاح والفلاشة
محمود قرأ الجواب ولما وصل لاسم خالد قعد على الكرسي وسند راسه بإيده
قال بصوت مكسور
يعني أختي كانت عارفة كل حاجة وأنا كنت فاكر إنها باعتنا
هدى قعدت جنبه وقالت
هي ماكانتش عايزة تخسرك يا خالي هي كانت خايفة على بنتها
محمود رفع عينه ليها لأول مرة وابتسم ابتسامة حزينة وقال
خالي دي أول مرة أسمعها منك
هدى ابتسمت وسط دموعها
بس الفرحة ماكملتش
لأن شريف دخل المكتب وهو ماسك تليفونه وقال
محمود بيه الفلاشة دي لازم نشوف اللي عليها فوراً
وصل شريف الفلاشة بالكمبيوتر وظهر فيديو قديم
كان خالد منصور قاعد في أوضة صغيرة ووشه متعب وورا منه باب حديد
قرب من الكاميرا وقال
لو التسجيل ده وصل لهدى أو محمود يبقى أنا غالباً مش هقدر أرجع
محمود قرب من الشاشة وهو مش قادر يصدق
خالد كمل
الفلوس اللي اختفت مش أنا اللي سرقتها وفيه مستندات تثبت إن فؤاد كان بيحوّل أموال الشركة لحسابات بره البلد
هدى حطت إيدها على بقها
لكن المفاجأة كانت في آخر الفيديو
خالد بص للكاميرا وقال
والشخص اللي ساعد فؤاد في كل ده مش غريب عن عيلة الشناوي
محمود اتجمد مكانه
وبعدين ظهر صوت خالد وهو بيقول الاسم بوضوح
الشخص ده هو أخوك الكبير حسن الشناوي
محمود قام من مكانه بعنف لدرجة إن الكرسي وقع وراه
قال بصوت مخنوق
حسن مات من عشر سنين
هدى بصت للشاشة وقالت
يبقى مين اللي كان بيساعد فؤاد؟
وفجأة شاشة الكمبيوتر اسودت وظهر عليها سطر واحد
أنا عارف إنكم شوفتوا التسجيل
وبعدها وصل لمحمود اتصال من رقم مجهول
رد محمود وحط الموبايل على السماعة
جاله صوت راجل ضحك وقال
وحشتني يا أخويا الصغير
محمود وشه شحب وهو بيهمس
حسن؟
الصوت رد
أيوه يا محمود أنا لسه عايش
وبعدين قال جملة خلت محمود يقع على الكرسي من الصدمة
أنا مش جاي آخد فلوس أبويا ولا أملاك العيلة أنا جاي آخد البنت اللي اسمها ليلى لأنها الوحيدة اللي معاها الدليل اللي ممكن يوديني السجن طول عمري
هدى بصت لبنتها اللي كانت واقفة عند باب المكتب ماسكة كراستها وألوانها
وفجأة ليلى رفعت إيدها الصغيرة وقالت
ماما هو ليه الراجل ده عايز ياخد مني الرسمة؟
هدى قربت منها بسرعة وسألتها
رسمة إيه يا حبيبتي؟
ليلى فتحت كراستها وطلعت ورقة كانت راسمة فيها راجلين واقفين جنب عربية سودا
وقالت
الراجل اللي كان تحت بيتنا امبارح اداني الصورة دي وقالي أخبيها عندي عشان محدش ياخدها
محمود أخد الرسمة وبص فيها
ولما قلبها من ورا لقى أرقام مكتوبة بخط صغير وتحتها توقيع والده القديم
رفع عينه لهدى وقال
يا نهار أبيض
هدى سألته
فيه إيه؟
محمود رد بصوت مرتعش
دي مش رسمة يا هدى
دي أرقام الخزنة السرية اللي أبويا خبّى فيها المستندات الأصلية اللي تثبت كل جرائم حسن وفؤاد
لكن قبل ما حد يقدر يتحرك ناحية الخزنة سمعوا صوت طلقة نارية جاية من ناحية البوابة الرئيسية للقصر
وشريف جري ناحية الباب وهو بيصرخ
محمود بيه اقفلوا الأبواب بسرعة
وفي اللحظة دي انطفأت أنوار القصر كلها
ولما رجعت بعد ثواني لقوا إن ليلى اختفت من جنب أمها
وفوق الترابيزة كانت فيه ورقة صغيرة مكتوب فيها
لو عايزين البنت ترجع لازم تسلموا المفتاح قبل منتصف الليل
هدى صرخت باسم بنتها ووقعت على الأرض
أما محمود فمسك الورقة وإيده بتترعش وقال جملة واحدة
حسن رجع علشان ينتقم من العيلة كلها وهدى وليلى بقوا في خطر أكبر مما تخيلنا
يتبع…
هدى كانت بتصرخ باسم بنتها في كل ركن في القصر وهي مش قادرة تستوعب إن ليلى اختفت من قدام عينيها في ثواني
كانت بتجري بين الأوض وهي بتقول
بنتي فين يا محمود بنتي راحت فين؟ رجعولي بنتي والنبي دي مليش غيرها
محمود مسك كتافها وقالها
اهدي يا هدى أنا أوعدك إن ليلى هترجعلك ومش هسمح لحد يمس شعره منها
هدى زقته بعيد عنها وهي بتعيط
إنتوا السبب في كل ده أنا بنتي مالهاش ذنب في مشاكل عيلتكم أنا كان كل اللي عايزاه أربيها وأعيش مستورة
الكلام وجع محمود لكنه ما ردش
في اللحظة دي شريف دخل المكتب وقال
محمود بيه لقينا كاميرات المراقبة اللي ناحية البوابة اتعطلت قبل اختفاء البنت بدقايق لكن فيه عربية خرجت من البوابة الخلفية
محمود سأله
عرفت رقمها؟
شريف رد
أيوه يا فندم العربية متسجلة باسم شركة قديمة كانت بتتعامل مع حسن بيه
محمود قبض إيده وقال
جهز الرجالة حالاً وعايز أعرف العربية دي راحت فين
هدى مسكت إيده وقالت
أنا جاية معاك
محمود حاول يمنعها
المكان ممكن يكون خطر
هدى بصتله بعينين مليانين دموع وقالت
دي بنتي يا محمود ومهما حصل مش هسيبها لوحدها تاني
محمود سكت لحظة وبعدين هز راسه
بعد أقل من نص ساعة وصلوا لمخزن قديم في منطقة صناعية بعيد عن البيوت
كان المكان ضلمة والبوابة الحديد مفتوحة شوية
محمود أشار لشريف إنه يدخل الأول ومعاه اتنين من الرجالة
وفجأة سمعوا صوت ليلى من جوه
ماماااا
هدى ماقدرتش تستنى وجريت ناحية الصوت
دخلت المخزن ولقت بنتها قاعدة على كرسي وإيديها مربوطين برباط خفيف لكن مافيش فيها أي إصابة
جريت عليها وحضنتها وهي بتعيط
يا قلب ماما إنتي كويسة؟ حد عملك حاجة؟
ليلى هزت راسها وقالت
لا يا ماما بس أنا خايفة
هدى فضلت تبوس وشها وإيديها
محمود كان واقف قدام راجل كبير لابس بدلة غالية
حسن الشناوي
الأخ اللي الكل كان فاكر إنه مات من عشر سنين
محمود بصله بصدمة وقال
إنت إزاي لسه عايش؟
حسن ضحك وقال
كنت فاكر إنك هتصدق بسهولة إني مت؟ أنا كنت محتاج أختفي شوية لحد ما أخلص اللي ورايا
محمود قال بغضب
كل السنين دي وإنت بتخطط تسرق الشركة وتدمر خالد وتخوف بنت أخته؟
حسن رد ببرود
أنا كنت عايز حقي في الورث وأبوك حرمني منه وخلاني أعيش طول عمري تحت رحمتك
محمود قرب منه وقال
أبويا ماحرمكش من حاجة إنت اللي خنت الأمانة وسرقت فلوس الناس وحاولت تلبسها لخالد
حسن ابتسم وقال
والدليل فين؟ كل الورق اللي كان ممكن يدينني اختفى
في اللحظة دي هدى افتكرت المفتاح الفضي اللي كان في الصندوق
طلعت المفتاح من شنطتها وقالت




