منوعات

كريم فضل واقف مكانه

كريم فضل واقف مكانه وعينيه متسمرة على الاسم المكتوب في آخر الورقة وكأنه مش قادر يستوعب اللي بيقرأه

 

نادين الشافعي!

 

إزاي اسمها موجود في مستند قديم من سبع سنين؟ وإيه علاقتها بميلاد بناته؟ وليه أمه كانت مخبية عنه كل ده؟

 

رفع عينيه ناحية مريم وقال بصوت متقطع

 

إنتي متأكدة إن الورقة دي حقيقية؟

 

مريم ردت وهي بتمسح دموعها

 

أنا محتفظة بيها من يوم ما خرجت من المستشفى ومش بس الورقة دي يا كريم أنا عندي حاجات تانية هتخليك تعرف إن اللي حصل معايا كان متخططله من البداية

 

كريم مسك الورقة وبدأ يقراها تاني بعناية

 

كان المستند عبارة عن محضر استلام ملف طبي صادر من مستشفى خاص في مصر الجديدة وكان واضح فيه إن شخص استلم نسخة من تقرير الولادة وأربع شهادات ميلاد مؤقتة باسماء مختلفة

 

لكن اللي لفت نظره أكتر كان التوقيع الموجود تحت اسم المستلم

 

توقيع نادين بنفس الطريقة اللي كان بيشوفها على العقود والمستندات اللي بتمضيها في شركتهم

 

حط الورقة على الترابيزة ولف لمريم

 

عايز أفهم كل حاجة من أول لحظة عرفتي فيها إنك حامل

 

مريم قعدت على طرف الكنبة وبدأت تحكي وهي بتبص للبنات من وقت للتاني

 

قالتله إنها بعد ما اختفت من حياته اكتشفت إنها حامل في أربع بنات وإنها وقتها كانت بتحاول توصله بأي طريقة لكنها كانت بتتفاجئ إن تليفونه مقفول وإن كل اللي حواليه بيقولولها إنه سافر بره مصر ومش عايز يسمع سيرتها

 

وبعد شهور من التعب والخوف ولدت البنات في مستشفى خاص كانت والدتها بتشتغل فيه زمان

 

في اليوم التاني من الولادة دخلت عليها ست متأنقة وقدمت نفسها على إنها مندوبة من عيلة الدمنهوري

 

وقالتلها إن سميحة هانم عايزة تشوفها

 

مريم وقتها كانت لسه تعبانة من الولادة ومش قادرة تقوم من السرير لكن الست طلعت ظرف فيه مبلغ كبير وحطته جنبها

 

وقالتلها إن المبلغ ده مقابل إنها تمضي على تنازل عن أي حق ليها أو لبناتها في عيلة الدمنهوري

 

مريم رفضت وطردتها من الأوضة

 

لكن بعدها بساعات اكتشفت إن واحدة من الممرضات أخدت البنات من الحضّانة بحجة إجراء فحوصات إضافية

 

فضلت تصرخ وتدور عليهم لحد ما عرفت إنهم اتنقلوا لقسم تاني من غير إذنها

 

ولما واجهت إدارة المستشفى قالولها إن فيه تعليمات من الإدارة العليا وإن الموضوع هيتحل

 

لكن في نفس الليلة دخلت عليها سميحة بنفسها

 

كانت لابسة فستان غالي وماسكه شنطة جلد فاخرة وبصتلها من فوق لتحت وقالت ببرود

 

واضح إنك لسه مش فاهمة إن وجودك في حياة ابني انتهى من زمان

 

مريم ردت عليها وهي بتحاول تقوم من السرير

 

فين بناتي؟ أنا عايزة بناتي

 

سميحة قربت منها وقالت

 

بناتك هيفضلوا معاكي بشرط واحد إنك تنسي كريم نهائي وتختفي من حياته وماتحاوليش توصليله تاني

 

مريم قالت وهي بتعيط

 

أنا مش عايزة منك فلوس أنا عايزة بنتي وبس

 

سميحة ابتسمت ابتسامة باردة وقالت

 

هما أربع بنات مش بنت واحدة يا مريم ويبدو إنك مش مستوعبة حجم المسؤولية اللي وقعت عليكي

 

وبعدين حطت قدامها ورقة وقالتلها

 

امضي هنا وهتخرجي من المستشفى ومعاكي بناتك ومحدش هيقربلك تاني

 

مريم رفضت تمضي لكن سميحة خرجت من الأوضة وسابت وراها تهديد واضح

 

ولو فكرتي توصلي لكريم هتندمي وهتخسري البنات للأبد

 

بعد يومين خرجت مريم من المستشفى ومعاها بناتها الأربعة لكن من اللحظة دي بدأت رحلة طويلة من الخوف والتنقل بين أماكن كتير

 

كانت كل ما تلاقي شغل أو تستقر في مكان تكتشف إن فيه حد بيسأل عنها وإن حد من عيلة الدمنهوري عايز يعرف مكانها

 

كريم كان بيسمع الكلام وهو حاسس إن كل كلمة بتخترق صدره

 

سألها بصوت مبحوح

 

طب ونادين؟ إيه اللي دخلها في الموضوع؟

 

مريم مدت إيديها ناحية شنطتها وطلعت صورة قديمة كانت محتفظة بيها

 

الصورة كانت متصورة قدام المستشفى وفيها نادين واقفة جنب عربية سوداء وسميحة بتتكلم معاها

 

كريم خد الصورة وبص فيها كويس

 

دي نادين؟

 

مريم هزت راسها

 

أيوه دي هي اللي كانت بتدخل المستشفى وتخرج منه في الفترة اللي البنات اتولدوا فيها وكنت بشوفها بتتكلم مع أمك أكتر من مرة

 

كريم حس إن دماغه هتنفجر من كتر الأسئلة

 

قالها

 

ليه ماحاولتيش تروحي الشرطة؟

 

مريم ضحكت ضحكة قصيرة كلها وجع

 

روحت يا كريم وقدمت بلاغ وفضلت أتابع فيه شهور لكن كل مرة كنت بروح فيها القسم ألاقي المحضر اختفى أو حد يقولي إن مفيش دليل وإن الموضوع مجرد خلاف عائلي

 

وبعدين حصلت حاجة خلتني أخاف أكتر

 

كريم قرب منها وقال

 

إيه اللي حصل؟

 

مريم بصت ناحية البنات وقالت

 

في يوم كنت راجعة من الشغل ولقيت واحدة واقفة قدام البيت ومعاها راجلين وبيسألوا الجيران عني ولما شافوني قربوا مني وقالولي إنهم جايين ياخدوا البنات عشان فيه قرار من المحكمة

 

أنا وقتها اتجننت وفضلت أصرخ وأطلب منهم يوروني الورق لكن واحد منهم مسكني من دراعي وقاللي إن لو عملت مشكلة هتتحبسي بتهمة خطف الأطفال

 

ومن يومها قررت أعيش بعيد عن أي حد يعرفني

 

كريم حط إيده على راسه ومشي خطوتين في الصالة

 

كان بيحاول يجمع الأحداث في دماغه لكنه كل ما يفكر يلاقي نفسه قدام سؤال أكبر

 

وفجأة صوت صغير قطع الصمت

 

بابا؟

 

كريم لف بسرعة

 

كانت ليلى واقفة قدامه وبتبصله بعينيها الخضرا

 

سألته بخجل

 

هو إنت بجد بابانا؟

 

كريم حس إن عينيه بتدمع لأول مرة من سنين

 

نزل على ركبته قدامها وقال

 

أيوه يا حبيبتي أنا بابا

 

ليلى بصتله شوية وبعدين سألت السؤال اللي كسر قلبه

 

طب إنت كنت فين كل السنين دي؟ إحنا كنا بنقول لماما إننا نفسنا نشوف بابانا وهي كانت بتقول إنه مسافر ومشغول

 

كريم مقدرش يرد

 

مد إيده وحضنها بهدوء وبعدها قربت منه البنات التلاتة واحدة ورا التانية

 

اتجمعوا حواليه وفضل يحضنهم كأنه بيحاول يعوض سبع سنين ضاعوا منه في لحظة واحدة

 

لكن اللحظة دي ماكملتش كتير لأن تليفونه رن تاني

 

الاسم اللي ظهر على الشاشة كان سميحة الدمنهوري

 

المرة دي قرر يرد ويحط المكالمة على السماعة الخارجية

 

صوت أمه جه غاضب

 

إنت لسه مصمم على اللي بتعمله يا كريم؟

 

رد عليها بهدوء غريب

 

أنا عايز أسألك سؤال واحد يا أمي

 

إيه علاقة نادين بمستندات ولادة بناتي؟

 

سميحة سكتت ثواني وبعدها قالت

 

إنت بتسمع كلام واحدة كدابة وبتصدق أي ورقة تتحط قدامك؟

 

كريم رد بسرعة

 

الورقة عليها توقيع نادين والمستند صادر من المستشفى

 

أمه بدأت ترفع صوتها

 

نادين مالهاش دعوة بحاجة وإنت لو عايز تحافظ على اسم العيلة لازم تنهي الموضوع ده قبل ما يكبر

 

كريم ضحك بسخرية وقال

 

اسم العيلة؟ وإنتي فكرتي في اسم العيلة وإنتي بتحرميني من بناتي سبع سنين؟

 

سميحة ردت بحدة

 

أنا عملت اللي كان لازم يتعمل عشان أحميك من واحدة كانت عايزة تستغلك وتدخل عيلتنا

 

كريم صرخ لأول مرة

 

مريم كانت حامل في بناتي يا أمي! أربع بنات من دمي! وإنتي كنتي عارفة وسايباني أعيش سبع سنين فاكر إنها باعتني!

 

لكن سميحة قالت جملة خلت مريم تقوم من مكانها وهي مرعوبة

 

إنت فاكر إن البنات دول أولادك فعلًا؟ طب اسأل مريم ليه المستشفى طلب منها تعمل تحليل بعد الولادة وليه هي رفضت توريك نتيجته لحد النهارده

 

كريم بص ناحية مريم بسرعة

 

مريم وشها اتغير ودموعها نزلت من غير ما تتكلم

 

كريم قرب منها وقال

 

إيه التحليل اللي أمي بتتكلم عنه؟

 

مريم حاولت ترد لكن سميحة كملت من التليفون

 

أنا عندي نسخة من نتيجة التحليل يا كريم ولو عايز تعرف الحقيقة تعالى بكرة على البيت وهفهمك كل حاجة

 

وبعدين قفلت المكالمة

 

كريم فضل واقف وهو ماسك التليفون وعينيه على مريم

 

قال بصوت هادي لكنه مليان خوف

 

مريم إيه موضوع التحليل ده؟

 

مريم نزلت عينيها وقالت

 

أنا كنت عارفة إن اليوم ده هييجي وكنت خايفة منه أكتر من أي حاجة تانية

 

كريم قرب منها

 

يعني إيه؟

 

مريم راحت ناحية شنطتها وفتحت الجيب الداخلي وطلعت ظرف صغير متقفل عليه بختم مستشفى

 

حطته قدامه وقالت

 

دي نتيجة التحليل اللي أمك بتتكلم عنها وأنا عمري ما خبيتها عنك عشان أشك فيك لكن خبيتها عشان كنت مستنية الوقت المناسب أقولك الحقيقة

 

كريم فتح الظرف بسرعة وطلع الورقة

 

بدأ يقرا السطور الأولى وعينيه بتتحرك من سطر للتاني

 

وفجأة إيده بدأت تترعش

 

لأن نتيجة التحليل كانت بتأكد إن البنات الأربعة بناته بالفعل بنسبة تطابق وراثي تجاوزت تسعة وتسعين في المية

 

لكن كان فيه ملاحظة مكتوبة بخط واضح في آخر التقرير

 

ملاحظة بخصوص عينة إضافية تم سحبها من أحد المواليد بناء على طلب جهة خارجية

 

كريم رفع عينيه لمريم وسألها

 

يعني إيه عينة إضافية؟ ومين الجهة الخارجية دي؟

 

مريم بدأت تعيط وقالت

 

العينة دي كانت السبب في كل اللي حصل بعد الولادة

 

وقبل ما تكمل كلامها سمعوا صوت خبط عنيف على باب الشقة

 

كريم قام وراح ناحية الباب وبص من العين السحرية

 

لقى أمه واقفة قدامه ومعاها نادين ورجلين من الأمن

 

فتح الباب وهو بيبصلهم بغضب وقال

 

إنتوا جايين تعملوا إيه هنا؟

 

سميحة دخلت من غير ما تستأذن وبصت ناحية البنات وقالت ببرود

 

أنا جاية أخد حفيداتي قبل ما ترتكبوا غلطة أكبر من اللي حصلت

 

كريم وقف قدامها ومنعها تقرب وقال

 

محدش هياخد البنات من هنا

 

نادين ابتسمت ابتسامة غريبة وقالت

 

إنت لسه فاكر إن الموضوع مجرد خلاف بينك وبين أمك؟

 

وبعدين طلعت من شنطتها ملف أزرق وحطته على الترابيزة

 

وقالت وهي بتبص لمريم مباشرة

 

واضح إنك ماحكيتيش لكريم كل حاجة يا مريم

 

كريم فتح الملف ولقى جواه صورة لطفل رضيع مش واحدة من بناته الأربعة

 

وتحت الصورة تاريخ ميلاد نفس يوم ولادتهم

 

رفع عينيه لنادين وسألها

 

مين الطفل ده؟

 

نادين قربت منه وقالت بهدوء مرعب

 

ده السبب الحقيقي اللي خلى أمك تصر إنك تبعد عن مريم من سبع سنين

 

وبعدين بصت لمريم وقالت

 

قولي له يا مريم مين الطفل الخامس اللي اتولد معاهم واختفى من المستشفى في نفس الليلة…

 

يتبع…

كريم حس إن رجليه مش شايلينه وهو بيبص للصورة اللي قدامه ومش قادر يستوعب إن فيه طفل خامس اتولد في نفس يوم ولادة بناته واختفى من المستشفى من غير ما حد يعرف عنه حاجة

 

رفع عينيه ناحية مريم وقال بصوت مخنوق

 

مريم إيه اللي بيحصل؟ إيه حكاية الطفل الخامس ده؟

 

مريم كانت واقفة مكانها ودموعها بتنزل على خدودها وهي بتبص للصورة كأنها بتشوف كابوس قديم رجع يطاردها من جديد

 

نادين ابتسمت وقالت

 

واضح إنك مش عارف إن حبيبتك القديمة كانت مخبية عنك سر أكبر من مجرد أربع بنات

 

كريم بص لها بغضب وقال

 

إنتي آخر واحدة تتكلم عن الأسرار يا نادين لأن اسمك موجود في مستندات المستشفى من سبع سنين

 

نادين ردت بثقة

 

اسمي موجود لأن أبويا كان شريك في المستشفى وقتها وكنت بتابع بعض الإجراءات الإدارية وبس

 

كريم مسك الملف ورفعه قدامها

 

طب والطفل ده إيه علاقته بالإجراءات الإدارية؟

 

نادين سكتت لحظة وبعدين بصت لمريم وقالت

 

هي اللي لازم تجاوبك

 

مريم أخدت نفس طويل وقعدت على الكنبة وهي بتحاول تسيطر على رعشة إيديها

 

وقالت بصوت ضعيف

 

لما ولدت يا كريم الدكتورة قالتلي إن فيه خمس مواليد مش أربعة وإن الطفل الخامس كان ولد لكن حالته كانت حرجة واتنقل للحضانة

 

كريم قرب منها وقال

 

وإنتي ماقولتيليش ليه؟

 

مريم ردت وهي بتعيط

 

لأني ماعرفتش عنه غير بعد ما فوقت من الولادة بيوم كامل ولما سألت عليه قالولي إنه اتنقل لمستشفى تانية بسبب احتياجه لرعاية خاصة وبعدها قالولي إنه مات

 

كريم حس بصدمة جديدة

 

مات؟

 

مريم هزت راسها

 

أيوه وطلبت أشوفه لكن محدش سمحلي وفضلت أصرخ وأطلب شهادة الوفاة لكن كل مرة كانوا يقولولي إن الأوراق لسه بتتجهز

 

نادين قاطعتها بسخرية

 

والغريب إنك صدقتي الكلام ده سبع سنين من غير ما تدوري ورا الحقيقة

 

مريم بصتلها بغضب وقالت

 

أنا دورت في كل مكان ومحدش كان بيرضى يديني معلومة واحدة وكل ما أقرب من الحقيقة يحصل حاجة تخليني أهرب وأخاف على بناتي

 

كريم رجع بص للصورة وسأل

 

طب الطفل ده مين؟ وإزاي وصل ليكي؟

 

نادين فتحت الملف وطلعت شهادة ميلاد قديمة وقالت

 

الطفل ده اسمه يوسف واتسجل باسم عيلة تانية واتربى بعيد عنكم واللي استلمه وقتها كان شخص تابع لأحد أقارب عيلتكم

 

كريم حس إن الأرض بتتهز تحته

 

يعني الولد ده ابني؟

 

نادين ابتسمت وقالت

 

دي الحقيقة اللي أمك حاولت تخبيها عنك

 

سميحة تدخلت بسرعة وقالت

 

نادين كفاية كلام فاضي إحنا جايين نحل الموضوع مش نفتح دفاتر قديمة

 

كريم لف ناحيتها وقال

 

لا يا أمي الموضوع مش هيتقفل غير لما أعرف كل حاجة

 

سميحة قربت منه وحاولت تمسك إيده

 

يا حبيبي أنا عملت كل ده عشان مصلحتك إنت متعرفش مريم كانت عايزة تدخل العيلة إزاي

 

كريم سحب إيده وقال

 

مصلحتي إنك تحرميني من خمس أطفال؟ مصلحتي إنك تخليني أكره أمهم سبع سنين؟

 

سميحة بصت لمريم وقالت

 

إنتي السبب في كل اللي حصل ولو كنتي بعدتي من الأول ماكنش ده كله حصل

 

مريم قامت من مكانها وقالت بصوت قوي رغم دموعها

 

أنا بعدت سبع سنين يا سميحة هانم وكنت كل يوم بحاول أوفر لبناتي الأكل واللبس والعلاج وإنتي كنتي عايشة في قصرك ومشغولة إزاي تكملي مخططك

 

نادين ضحكت وقالت

 

مخطط إيه؟ إنتي فاكرة إن كل الناس كانت فاضية ليكي؟

 

كريم قرب منها وقال

 

إنتي هتخرجي من بيتي دلوقتي وهتسيبي الملف هنا

 

نادين رفعت حاجبها وقالت

 

بيتك؟ إنت فاكر إنك تقدر تطردني بعد ما عيلتنا اتفقت على الجوازة؟

 

كريم رد بحسم

 

أنا مش هتجوزك حتى لو خسرني ده كل حاجة

 

نادين وشها اتغير للحظة لكنها رجعت ابتسمت وقالت

 

إنت بتاخد قرار كبير من غير ما تعرف إن الشركة كلها ممكن تقع بسببه

 

كريم بص لأمه وقال

 

هي الشركة أهم عندك من حفيدك اللي اختفى؟

 

سميحة ماقدرتش ترد

 

في اللحظة دي ليلى قربت من كريم وشدت طرف بدلته وقالت بصوت صغير

 

بابا هو إحنا عندنا أخ كمان؟

 

كريم نزل لمستواها وحاول يبتسم

 

لسه مش عارف يا حبيبتي بس هنعرف الحقيقة وهتفضلوا كلكم مع بعض

 

ليلى بصت لمريم وسألتها

 

ماما هو أخونا فين؟

 

مريم حضنتها وقالت

 

مش عارفة يا حبيبتي بس أوعدك إني مش هسيب حقه يضيع

 

كريم وقف وطلع تليفونه واتصل بمحاميه الخاص

 

عايزك تجيبلي كل الملفات المتعلقة بمستشفى النور من سبع سنين وبالذات سجلات الولادة والحضانة وأي مستندات تخص مريم أو طفل اتولد في نفس اليوم

 

وبعدها اتصل بمدير أمن المجموعة وطلب منه يراجع تسجيلات كاميرات المستشفى القديمة لو كانت لسه محفوظة ويتواصل مع الإدارة القانونية

 

لكن نادين كانت بتراقبه بهدوء غريب

 

ولما خلص المكالمة قالتله

 

إنت فاكر إنك أول واحد حاول يدور على الطفل ده؟

 

كريم بص لها

 

يعني إيه؟

 

نادين قربت منه وقالت بصوت واطي

 

من شهرين حد تاني جه يسأل عنه وطلب يشوف نفس الملف اللي إنت ماسكه دلوقتي

 

كريم سألها بسرعة

 

مين؟

 

نادين بصت ناحية سميحة

 

أمك تعرف

 

كل العيون اتجهت ناحية سميحة اللي حاولت تتماسك وقالت

 

أنا مش هرد على أي اتهامات من غير وجود محامي

 

كريم رد عليها

 

يبقى المحامي هيحضر وإحنا هنروح المستشفى بكرة الصبح

 

لكن قبل ما حد يتحرك موبايل مريم رن

 

كان رقم مجهول

 

ردت وهي مترددة وسمعت صوت راجل بيقول

 

مدام مريم؟ أنا آسف إني بتصل في الوقت ده بس لازم تعرفي إن الولد اللي بتدوري عليه لسه عايش

 

مريم شهقت ووقعت منها الموبايل

 

كريم جري عليها ومسك كتفها

 

مين؟ مين اللي بيكلمك؟

 

مريم كانت بتبصله وعينيها مليانة دموع

 

قالت بصوت متقطع

 

بيقول إن يوسف عايش يا كريم

 

كريم مسك الموبايل بسرعة وحاول يرجع يتصل بالرقم لكن الخط كان اتقفل

 

بعد ثواني وصلت رسالة على موبايل مريم

 

كان فيها عنوان مستشفى في مدينة نصر وميعاد محدد الساعة عشرة الصبح

 

وتحت العنوان جملة واحدة

 

لو عايزين تشوفوا يوسف لازم تيجوا لوحدكم ومن غير ما تبلغوا الشرطة لأن فيه ناس لسه بتراقبكم

 

كريم رفع عينيه ناحية أمه ونادين

 

لكن الصدمة كانت إن سميحة أول ما شافت الرسالة وشها اتغير تماما وبدأت إيديها تترعش

 

كريم قرب منها وقال

 

إنتي عارفة العنوان ده؟

 

سميحة حاولت تداري ارتباكها وقالت

 

لا

السابق1 من 3
تابع المقال

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى