منوعات

ادهم السيوفي في مطار القاهرة

أدهم خرج من المخزن وهو حاسس إن كل حاجة حواليه بتلف

 

وفي نفس الليلة وصلته رسالة من رقم مجهول فيها عنوان بيت صغير في منطقة المعادي

 

راح أدهم ومعاه ليلى لكن المرة دي ماكانش فيه أي حراس ولا عربيات كتير

 

وقف قدام الباب وخبط

 

بعد لحظات الباب اتفتح

 

كانت واقفة قدامه ست في أواخر الخمسينات وشعرها فيه خصلات بيضا ووشها عليه علامات تعب السنين

 

أدهم فضل باصص لها ومش قادر يتحرك

 

الست مدت إيدها على وشه وقالت بصوت مليان دموع

 

“كبرت يا حبيبي… بقيت راجل قد الدنيا”

 

أدهم انهار في البكاء وحضنها بقوة

 

“ليه يا أمي؟ ليه سبتيـني كل السنين دي؟ أنا كنت محتاجك”

 

نادية حضنته وفضلت تعيط وهي بتقول

 

“سامحني يا ابني… كنت فاكرة إن بعدي عنك هو الطريقة الوحيدة اللي أحميك بيها”

 

ليلى كانت واقفة بعيد ودموعها نازلة من غير ما تحس

 

نادية بصتلها ومدت إيدها

 

“تعالي يا ليلى”

 

ليلى قربت منها وسألتها

 

“إنتي ليه اخترتيني أنا؟”

 

نادية مسكت إيديها وقالت

 

“لأن أمك سعاد كانت أمانة عندي ولأنك كنتي البنت اللي كنت بشوف فيها نفسي وأنا صغيرة ولأني كنت عارفة إنك الوحيدة اللي ممكن تقفي قدام أدهم وتقولي له الحقيقة من غير خوف”

 

ليلى ابتسمت وسط دموعها وقالت

 

“بس أنا شتمته في الطيارة قبل ما أعرفه”

 

نادية ضحكت لأول مرة من قلبها وقالت

 

“وعشان كده أنا ارتحتلك من أول ما اتكلمتي”

 

أدهم ضحك وهو بيمسح دموعه وقال

 

“أنا لحد دلوقتي مش عارف أسامحك على موضوع السمكة اللي محتاجة تلبس بالطو”

 

ضحكوا كلهم وسط لحظة كانت مليانة مشاعر بعد سنين طويلة من الخوف والغياب

 

بعد أسابيع بدأت التحقيقات تكشف حجم التلاعب اللي حصل في الشركة وتمت تبرئة ليلى رسمياً من كل الاتهامات واتضح إن التحويلات المالية كانت مزورة وإن حسابها الوظيفي اتستخدم من أجهزة الإدارة التنفيذية من غير علمها

 

أما عماد وشريف فواجهوا اتهامات بالتزوير والاحتيال وتسريب أسرار الشركة والتلاعب بالمستندات وتم إيقاف كل صلاحياتهم وإحالتهم للتحقيق والمحاكمة

 

وأدهم رجع الشركة وعمل اجتماع لمجلس الإدارة وأعلن تعيين ليلى مديرة للإدارة الإبداعية الجديدة

 

لكن ليلى وقفت وقالت قدام الجميع

 

“أنا بشكر حضرتك على الثقة دي بس قبل ما أقبل المنصب عندي شرط”

 

أدهم ابتسم وقال

 

“اتفضلي”

 

قالت بثبات

 

“إن أي موظف في الشركة يبقى من حقه يعترض ويقول رأيه من غير ما يخاف على لقمة عيشه وإن النجاح مش معناه إن المدير يبقى فوق المحاسبة”

 

أدهم بص لأعضاء المجلس وقال

 

“موافق… وده أول قرار جديد في الإدارة”

 

وبعد الاجتماع خرجت ليلى من المكتب ولقت أدهم مستنيها

 

قال لها بابتسامة

 

“مبروك يا مديرة”

 

ردت وهي بتضحك

 

“شكراً يا فندم بس أتمنى الإيميلات تبطل تيجي الساعة تلاتة الفجر”

 

ضحك وقال

 

“هحاول أغير العادة دي”

 

وبعد شهور اتغيرت الشركة فعلاً وبقت بيئة العمل أفضل وبدأت ليلى تحقق نجاحات أكبر في منصبها الجديد

 

أما نادية فرجعت تعيش وسط ابنها بعد سبع سنين من الغياب وكانت سعاد وليلى بيزوروها باستمرار وبقت العيلتين أقرب لبعض من أي وقت فات

 

وفي يوم كانت ليلى قاعدة في مكتبها بتراجع حملة جديدة ودخل أدهم من غير ما يخبط

 

بصت له وقالت

 

“هو حضرتك مش المفروض تستأذن قبل ما تدخل مكتب مديرة الإدارة؟”

 

ابتسم وقال

 

“أنا جاي أطلب منك طلب رسمي”

 

رفعت حاجبها وقالت

 

“خير؟”

 

حط قدامها علبة صغيرة وقال

 

“عايز أطلب إيدك”

 

ليلى فضلت باصة له ثواني وبعدين قالت

 

“إنت متأكد؟ ده أنا اللي قلت عليك في الطيارة إنك أوغر وأبرد راجل في مصر”

 

ضحك وقال

 

“وعشان كده بالذات أنا متأكد إنك الوحيدة اللي هتقوليلي الحقيقة حتى لو مش عاجباني”

 

ليلى ابتسمت ومدت إيدها وأخدت العلبة

 

لكنها قبل ما تفتحها قالت له

 

“عندي شرط أخير”

 

أدهم ضحك وقال

 

“هو إحنا هنفضل في شروط طول العمر؟”

 

ردت وهي بتضحك

 

“أيوه… مفيش اجتماعات شغل يوم الجمعة ومفيش إيميلات بعد الساعة عشرة بالليل”

 

أدهم مد إيده وقال

 

“اتفقنا”

 

وبعد فترة اتجوزوا في حفل بسيط وسط أهلهم وأصحابهم وكان أول شخص بيرقص معاهم في الفرح هي نادية اللي فضلت طول السهرة ماسكة إيد ابنها وبتبص له بفرحة كانت محرومة منها سنين

 

أما ليلى فكانت كل ما تفتكر أول رحلة ليها لمدريد تضحك وتقول إن أكبر غلطة عملتها في حياتها إنها فضفضت عن مديرها قدام راجل غريب قاعد جنبها

 

لكن أدهم كان دايماً يرد عليها بنفس الجملة

 

“وأنا أكبر حظ في حياتي إني قعدت جنب الست اللي شتمتني قبل ما تعرف اسمي”

 

وهكذا اكتشفت ليلى إن أحياناً أسوأ موقف ممكن نتعرض له في حياتنا بيكون هو نفسه بداية أحلى تغيير فيها وإن الحقيقة مهما اتخبّت ورا الفلوس والمناصب والخوف لازم ييجي يوم وتظهر… وإن اللي بيستحق مكانه فعلاً مش اللي بيخاف من قول الحقيقة لكن اللي عنده الشجاعة يقولها.

3 من 3التالي
تابع المقال

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى