الساعة كانت داخلة على اتنين بالليل، وأوضة الفندق الصغيرة دي اتحولت لغرفة عمليات. صوت نقر صوابع سمر على كيبورد اللاب توب كان هو الصوت الوحيد اللي بيقطع السكون المخيف، ومع كل ضغطة زرار، كان بيتكشف قدامي كابوس مكنتش متخيلة بشاعته. ريحة المطهر والكيماوي اللي طالعة من مسام جسمي كانت خانقاني، معدتي كانت بتقلب من الجوع والتعب، لكن فنجان القهوة السادة اللي سمر جابتهولي من الروم سيرفيس كان هو الحبل الوحيد اللي شادد عصبي ومخليني صاحية ومفتحة عيني على وسعها.
ندى بصي كده على الكشف ده! صوت سمر كان واطي بس كان فيه رجفة ړعب حقيقية. قربت الكرسي بتاعها ناحيتي، ووجهت شاشة اللاب توب في وشي. دي التحويلات اللي تمت من حسابك البنكي عن طريق الأبلكيشن خلال التلات شهور اللي فاتوا، من أول ما بدأتي تترددي على المعهد القومي للأورام وتدخلي في دوامة جلسات الكيماوي.
بصيت للأرقام، وحسيت إن ضغطي بيوطى لدرجة الصفر. الأرقام كانت بتنطق خېانة صريحة. مبالغ متفرقة خمسين ألف، تمانين ألف، مية وعشرين ألف اتسحبت واتحولت لحساب باسم نهى عبد الحميد عبد العزيز! بصيت لسمر بذهول وقولت
إزاي؟! الباسورد بتاع الأبلكيشن مكنش مع حد غيري! أنا حتى مكنتش بفتحه كتير عشان مبصش في رصيدي اللي بيخلص على مصاريف الفحوصات والتحاليل!
سمر لوت شفايفها بسخرية مليانة مرارة يا بنتي، إنتِ كنتِ بتغيبي عن الوعي بالساعات بعد كل جرعة! التليفون كان بيبقى مرمي جنب السرير على الكومودينو بالساعات وإنتِ نايمة تحت تأثير المسكنات المورفينية والمهدئات. البصمة! هي نهى كانت بتعمل إيه لما كانت بتدخل تطمن عليكي وتقفل الباب وراها بحجة إنها بتعدل ليكي الغطا؟! كانت بتاخد صباعك وإنتِ في دنيا تانية وتفتح بيه الموبايل، وتحول لنفسها على أبلكيشن إنستاباي والإنترنت البنكي على دفعات عشان البنك ميعملش حظر على الحساب!
حطيت إيدي على وشي، ولقيت نفسي بضحك پهستيريا، ضحك خالي من أي فرحة، ضحك البكا اللي بيقطع النياط. نهى الست اللي دخلت بيتي وهي مش لاقية تفرش شقة بالإيجار، اللي اشتريت ليها طقم صيني كامل هدية جوازها عشان متبقاش أقل من سلفاتها، اللي كنت بجيبلها هدوم وميكب مع كل شروة بنزلها، كانت بتمسك إيدي اللي مغروس فيها الكانيولا والوريد متورم من الإبر، مش عشان تطمن عليا ولا تدعيلي، عشان
تبصم صباعي على شاشة الموبايل وتسرق شقا عمري ومرتبي اللي محوشاه لعلاجي!
وفجأة، موبايلي رن بإشعار واتساب. كان طارق المحامي. الملفات نزلت ورا بعضها ملف بي دي إف لصورة التوكيل، وصورة العقد الابتدائي العرفي، وصورة تذكرة طيران على الخطوط التركية، متجهة من مطار القاهرة لمطار صبيحة في إسطنبول، لشخصين أحمد فاروق عبد الصبور، ونهى عبد الحميد عبد العزيز. الميعاد بعد تلات أيام، يوم الإثنين الساعة سبعة الصباح!
فتحت ملف التوكيل، وسحبت النفس بالعافية. كان توكيل عام رسمي شامل مع حق البيع للنفس وللغير، وإسقاط حق الشفعة، والتعامل مع الشهر العقاري والجهات الحكومية والبنوك! تاريخ التوكيل كان اليوم التاني لخروجي من عملية استئصال الورم المبدئية، اليوم اللي كنت لسه فيه مش واعية ولا قادرة أميز بين الواقع والکابوس. التوقيع اللي تحت كان توقيعي فعلًا، بس الخط كان مهزوز وضعيف، ومكتوب جمبه بصمة إبهامي. سمر قرت السطور وقالت بغل ملعوبة متظبطة من أول يوم عرفوا فيه إنك مريضة. دول مكنوش مستنيين ټموتي، دول كانوا بيجهزوا الكفن وبيعدوا الفلوس اللي هيقبضوها من ورا بيتك!
شربت بؤ قهوة مر،
المرارة مشيت
قولت لسمر طارق قال إن الميعاد الساعة اتناشر الضهر في كافيه في مدينتي. المشتري مين يا سمر؟ مكتوب اسمه في مسودة العقد؟
سمر نزلت بالصفحة لتحت وقرت الطرف الثاني المشتري الحاج عبد المنعم الهواري رجل أعمال وتاجر أراضي من الشرقية، وبيشتري عقارات كاش في المدن الجديدة عشان يعيد بيعها أو يسقعها. وطارق كاتب نوتة في الشات إن الراجل ده معاه شنطة فلوس فيها اتنين مليون جنيه كاش عربون هيتسلموا في الكافيه كاش يد بيد، والباقي شيك مقبول الدفع بيستلمه أحمد عند التنازل في جهاز مدينة الشروق والشهر العقاري!
بصيت في الساعة كانت أربعة الفجر. أذان الفجر كان بيرفع من الجامع اللي جنب الفندق. الصوت جه في وقته، كأنه مية ساقعة نزلت تطفي بركان الڠضب اللي في صدري. اتوضيت بالعافية، وصليت. وأنا ساجدة، مكنتش قادرة أدعي على أحمد بلساني، ده أخويا، دمي ولحمي اللي شيلته وهو صغير لما أمي كانت تعبانة، اللي كنت بديله مصاريف كليته من أول مرتب استلمته في حياتي. بس دموعي نزلت حړقت سجادة الصلاة، وقولت يا رب، إنت العدل، وإنت شايف ضعفي ومرضي وقلة حيلتي،
متسيبنيش ليهم يكسروني، متخلينيش أمد إيدي لحد وأنا شقيت وتعبت، ردلي حقي وأريني فيهم عجائب قدرتك.
قومت من الصلاة وحسيت بتيار طاقة غريب ماشي في عروقي. الخۏف طار. الرعشة اللي في إيدي وقفت. بصيت لسمر وقولت بحزم كلمي طارق، قوليله يقابلنا الساعة تسعة الصبح قدام مجمع محاكم القاهرة الجديدة في التجمع. سمر بصتلي باستغراب تسعة الصبح في المحكمة ليه؟ ميعاد الكافيه اتناشر! ابتسمت ابتسامة باهتة بس كلها إصرار عشان الكافيه ده هيبقى المقپرة اللي هدفن فيها طمعهم، بس قبل ما نروح المقپرة، لازم نكون محضرين كل كروت الضغط اللي هتقطم ضهرهم من غير ما يلحقوا يرمشوا.
الساعة تسعة وعشر دقائق صباحاً، الشمس كانت طالعة حامية فوق سماء التجمع الخامس. كنت لابسة فستان أسود محتشم ولافة طرحة سودا بتغطي راسي بالكامل عشان أداري الفراغات اللي في شعري، وحاطة نضارة شمس كبيرة عشان الهالات السودا والعيون الورمانة من العياط. طارق كان واقف مستنينا قدام باب الشهر العقاري في مجمع المحاكم. كان لابس بدلة كحلي من غير كرافتة، راجل في أواخر التلاتينات، ملامحه جادة وعينيه بتلف وتراقب
المكان زي الصقر. أول ما شافنا قرب ومد إيده يسلم باقتضاب.
حمد لله على سلامتك يا أستاذة ندى. الله يسلمك يا أستاذ طارق خلينا ندخل في الموضوع على طول، إيه اللي هنعمله هنا قبل الساعة اتناشر؟ طارق بص في ساعته وقال بنبرة واثقة إحنا داخلين نعمل محضر إثبات حالة وإلغاء فوري وصريح للتوكيل العام، ونرفع إخطار على يد محضر موجه لجهاز مدينة الشروق وللشهر العقاري بوقف أي تعاملات على القطعة رقم 402 بالحريفل فيلا الشروق. بس مش ده الكارت الأقوى، الكارت الأقوى هو اللي معايا هنا في الفولدر ده.
طلع فولدر بلاستيك لونه أزرق وفتحه قدامي. دي شكوى رسمية وتظلم ومذكرة تزوير وتدليس في استغلال مريض غير مكتمل الأهلية النفسية والجسدية تحت تأثير جرعات علاج كيماوي ومسكنات جدول أول. أنا جبت إفادة من مستشفى الأورام بتاريخ الجلسة وتأثير الأدوية اللي بتاخديها، وده بيثبت إن التوكيل اتعمل وإنتِ فاقدة الأهلية القانونية الكاملة لاتخاذ قرارات مالية ومصيرية، وده معناه إن أي بيع هيتم بالتوكيل ده مش بس باطل، ده جناية خېانة أمانة واستيلاء على مال الغير
لخمس سنين لأحمد، ولكل من اشترك معاه بطريق الاتفاق أو المساعدة!
سمر شهقت بفرحة، بس أنا قلبي اتقبض لما سمعت كلمة السچن لأحمد. أخويا يدخل السچن بسببي؟ بس بسرعة افتكرت منظر البطانية وهي بتترمي على الرصيف، وصوت الباب وهو بيترزع في وشي، وكلامه البارد وهو بيقولي بكرة نتكلم في مصلحتك وفي الورق اللي المفروض تمضيه!. نفضت الشفقة من قلبي وقولت لطارق خلص الإجراءات دي كلها يا طارق، والتوكيل يتلغي رسمي ويتسجل على السيستم المركزي للشهر العقاري فوراً. طارق ابتسم متقلقيش، نص ساعة والسيستم هيقفل التوكيل ده كأنه متوجدش. بس إنتِ جاهزة للمواجهة في الكافيه؟ المعاينة والاتفاق مش هيبقوا هاديين، نهى موجودة هناك بنفسها، وهي مش سهلة، دي ست لئيمة وبتعرف تلف وتدور كويس أوي.
بصيت له بثبات أنا مريضة يا طارق، بس مش ضعيفة. واللي شاف المۏت بعينيه في غرف العمليات ووسط أجهزة الإشعاع، مبيخافش من شوية حشرات!
الساعة حداشر ونص الصبح، وصلنا كافيه لا فيراندا في السوق المفتوح بمدينتي. المكان كان راقي وهادي، طاولات خشبية وشمسيات كبيرة وشجر محاوط المكان، وزباين قاعدين يشربوا
قهوتهم الصباحية في منتهى الهدوء، ميعرفوش إن كمان دقايق المكان ده هيتحول لساحة حرب.
قعدنا أنا وسمر وطارق على ترابيزة في الركن، مستخبيين ورا شجرة زينة ضخمة بتدارينا بس كاشفة مدخل الكافيه والترابيزة الرئيسية اللي في النص. قلبي كان بيدق زي الطبلة، مش من الخۏف، من الترقب. الساعة اتناشر إلا عشرة، شفت عربية كيا سبورتاج بيضا بتركن قدام الكافيه. نزلت منها نهى! كانت لابسة عباية شيك ومفصلة ونضارة ماركة، وماسكة شنطة جلد غالية، ووشها عليه ابتسامة نصر واستعلاء مش طبيعية. نزل وراها أحمد أخويا، لابس قميص مكوي وبنطلون جينز جديد، بس كان باين عليه التوتر، كان بيتلفت حواليه زي الحرامي اللي مستني البوليس يقبض عليه في أي لحظة.
قعدوا على الترابيزة اللي في النص وطلبوا عصاير وقهوة، ونهى كانت عمالة ترغي مع أحمد وتضحك، وتطلع موبايلها تفرج عليه صور وتأشر بإيديها، باين إنها كانت بتفرجه على شقق أو فنادق في تركيا! بعد خمس دقايق بالظبط، دخل راجل ضخم، في أوائل الستينات، لابس جلابية بيضا صعيدي شيك وفوقيها سديري صوف كشمير، وماسك في إيده سبحة عاج، ووراه شابين بجسم رياضي، واحد
فيهم شايل شنطة جلد سودا تقيلة وشكلها محشو فلوس! ده كان الحاج عبد المنعم الهواري.
قرب الحاج عبد المنعم من ترابيزتهم، أحمد ونهى قاموا وقفوا بمنتهى اللهفة والترحيب، وأحمد مد إيده بكل خضوع يسلم أهلاً يا حاج عبد المنعم، نورت القاهرة والله، خطوة عزيزة يا باشا! نهى كمان كانت بتتمايل وبترحب بصوت عالي أهلاً بحضرتك يا حاج، والله الفيلا لقطة والكومباوند كله مستني ناس محترمة زي حضرتك تشرفنا هناك!
الحاج عبد المنعم قعد على الكرسي بتقل، وحط السبحة على الترابيزة، والشابين وقفوا ورا ضهره، وقال بصوت جهوري مالي المكان تسلموا يا بني، إحنا جينا بعد ما شفنا الورق والصور، والأستاذ طارق المحامي بتاعكم كان طمنا إن كل حاجة جاهزة، بس هو فين طارق؟ مش قولتوا إنه هيجي عشان يراجع العقد ويشهد على استلام الفلوس؟
أحمد ارتبك شوية وبص لنهى، فنهى ردت بسرعة وبمنتهى الثقة الكدابة أستاذ طارق جاله ظرف طارئ في محكمة الجيزة يا حاج، بس هو باعتلنا العقد النهائي مطبوع وجاهز، وأحمد معاه التوكيل الرسمي الشامل لكل الصلاحيات ومسجل ومختوم من الشهر العقاري، يعني مفيش أي ثغرة قانونية، وإحنا
مش هنضيع
نمضي العقد الابتدائي والشنطة دي تسيبها هنا، وبكرة الصبح نتقابل في جهاز الشروق نعمل التنازل النهائي وناخد الشيك!
الحاج عبد المنعم شاور للشاب اللي وراه، الشاب حط الشنطة السودا على الترابيزة وفتح السوستة نص فتحة الرزم شافت النور، ميات ومتينات جديدة متستفة وريحة الفلوس فاحت على الترابيزة. عيني أحمد لمعت بطمع غريب، مد إيده لا إرادياً ناحية الشنطة، ونهى كانت عينيها بتاكل الفلوس بنظرات جشعة لدرجة مقرفة. أحمد طلع القلم من جيبه، وحط ورقة العقد قدامه، وكان لسه هينزل بالقلم عشان يمضي
في اللحظة دي، طارق بصلي وقالي دلوقتي يا ندى! اطلعي وانهي المسرحية دي!
قومت من مكاني. في اللحظة دي، محستش بأي ۏجع في جسمي. محستش بضعف ولا بدوخة ولا بتعب الكيماوي. مشيت بخطوات تقيلة، ثابتة، صوت كعبي كان بيخبط في أرضية الكافيه الرخام برتم هادي ومخيف. سمر وطارق كانوا ماشيين ورايا بخطوتين زي الحراس. وصلت لحد ترابيزتهم بالظبط، ووقفت فوق راس أحمد. مديت إيدي اليمين، وبحركة واحدة سريعة، سحبت ورقة العقد من تحت سنه القلم قبل ما الحبر ېلمس الورقة، وطبقتها في إيدي!
أحمد اتخض
ورفع وشه پغضب إيه قلة الذوق دي! مين المتخلف اللي الكلام وقف في زوره. ملامح وشه اتجمدت. عينيه برقت من الصدمة، ولونه اتحول لأبيض شاحب زي الأموات، وفكه سقط لتحت ن ندى؟!
نهى قامت وقفت على حيلها مخضۏضة، وعينيها كانت طالعة لبرة من الړعب، شهقت وصړخت بصوت واطي إنتِ؟! إنتِ جيتي هنا إزاي؟! وعايزة إيه يا مچنونة إنتِ؟!
الحاج عبد المنعم بصلي باستغراب، وبص لأحمد ونهى، وعقد حواجبه وقال بنبرة صارمة مين الست دي يا أستاذ أحمد؟! وإيه اللي بيحصل هنا بالظبط؟!
رفعت نضارة الشمس من على عيني، وبصيت في عين أحمد ونهى بنظرة مليانة احتقار وڠضب يهد جبال. بصيت للحاج عبد المنعم، وقولت بصوت واضح ورنان، خلى كل اللي قاعدين في الكافيه يلتفتوا ويبصوا علينا الست دي يا حاج عبد المنعم، هي صاحبة البيت الحقيقية! أنا ندى فاروق، المهندسة والمالكة الوحيدة لفيلا الشروق اللي الحرامية دول بيحاولوا يبيعوهالك بنص تمنها ويسرقوا فلوسك ويهربوا بيها على تركيا!
أحمد انتفض من مكانه وحاول يزعق عشان يغطي على فضيحته، وشاور بإيده وهو بيترعش إنتِ اټجننتي يا ندى؟! إنتِ علاج الكيماوي أثر على نفوخك؟! أنا
ببيع البيت عشان مصلحتك وعشان أصرف عليكي! ومعايا توكيل رسمي منك يخليني أتصرف في كل حاجة برضاكي وڠصب عنك!
نهى دخلت في الكلام وهي بتصطنع العياط والمسكنة، وبصت للحاج عبد المنعم وقالت والله يا حاج عبد المنعم، دي أخت جوزي ومريضة کانسر وتعبانة نفسياً وبقالها فترة بتهلوس ومش دريانة بتصرفاتها، وأخوها أحمد هو اللي شايلها وهو ولي أمرها والتوكيل معاه يثبت كلامنا!
ابتسمت بسخرية، ورميت التوكيل الملغي في وش نهى على الترابيزة. طارق قرب خطوة، وطلع كارنيه نقابة المحامين، وطلع أوراق الإلغاء الرسمية، وحطها قدام الحاج عبد المنعم وقال بلهجة قانونية حاسمة التوكيل ده اتلغى رسمي النهاردة الصبح في الشهر العقاري يا هانم! ومرفوع بيه مذكرة ڼصب وتدليس واستغلال عجز صحي ضد أحمد فاروق عبد الصبور وضدك إنتِ كمان يا نهى پتهمة خېانة الأمانة والاستيلاء على أموال موكلتي ندى فاروق! ولو الحاج عبد المنعم دفع مليم واحد في الصفقة دي، هيبقى شريك في چريمة شراء مال مسروق ومتنازع عليه جنائياً!
الحاج عبد المنعم ملامح وشه اتقلبت تماماً، وبقت كأنها صخر. بص للشنطة اللي فيها الفلوس، وبص للورق
اللي حطه طارق.
