
وحت أودي أكل لبنت خالتي اللي سايباها تعيش في شقتي ببلاش، شوفت عربية جوزي راكنة قدام العمارة!
قلبي اتقبض أول ما شوفتها، خصوصًا إني كنت متأكدة إنها عربيته، بسبب الخبطة اللي موجودة في الكبوت من الناحية الشمال… والأغرب إن جوزي كان قايلي إنه في شغله في مكان بعيد تمامًا عن المنطقة دي!
اسمي منى، عندي ٤٢ سنة، وبشتغل مسؤولة مشتريات في مركز طبي خاص في المعادي. طول عمري بحب أعتمد على نفسي، ومن تعبي وفلوسي قدرت أشتري شقة أسكن فيها، وشقة تانية في حدائق المعادي كنت مأجراها، قبل ما أقرر أسيبها لبنت خالتي ريهام لما اتطلقت.
ريهام عندها ٣٤ سنة، وكانت متجوزة من واحد اسمه وائل لمدة خمس سنين، لكن فجأة جتلي وهي مڼهارة وبتقولي إنه طردها من البيت.
قالتلي وهي بټعيط
وائل رمَاني بره البيت يا منى! بعد خمس سنين جواز، بيقولي مش عايز أشوف وشي تاني! أنا مليش مكان أروحه، ومش قادرة أرجع أقعد عند ماما. أرجوكي متتخليش عني!
ريهام كانت طول عمرها بتعرف تستعطف
اللي حواليها، وخلال جوازها كانت بتسيب شغلها كل شوية، ولحد اللحظة دي أنا مكنتش فاهمة بالظبط إيه اللي حصل بينها وبين جوزها السابق، لأنها كل مرة كانت بتحكيلي حكاية مختلفة.
لكن رغم كل حاجة، دي بنت خالتي، وكنا قريبين من بعض من وإحنا صغيرين، وكنت دايمًا بحس إنها واحدة من أقرب الناس ليا. الذكريات دي خلتني مقدرش أسيبها في الظروف اللي كانت بتمر بيها. حصري على صفحة روايات و اقتباسات
أمي كانت عايشة في بلبيس، وراجل البيت عندنا، خالي حسن، كان طول عمره شايف إن كل واحد لازم يشيل مسؤولية نفسه، وريهام كانت پتكره أسئلته الكتير عن الشغل وسبب طلاقها.
عشان كده قررت أساعدها…. قولتلها
بصي يا ريهام، أنا هسيبلك شقتي في حدائق المعادي تقعدي فيها ٤٥ يوم من غير إيجار، بس فيه شوية شروط. إنتِ اللي هتدفعي الكهربا والميه والغاز، وممنوع تدخلي أي حد يعيش معاكي، ولازم من الأسبوع ده تبدأي تدوري على شغل.
وافقت بسرعة، ووعدتني إنها مش هتتعبني معاها، وسلمتها
المفتاح، وبعتلها الشروط كلها على الواتساب عشان تبقى واضحة…. لكن اللي مكنتش أعرفه وقتها إن مساعدتي ليها هتكون بداية أكبر خېانة في حياتي.
جوزي شريف، عنده ٤٣ سنة، كان بقاله حوالي ٨ شهور من غير شغل. ساب شغله القديم كمشرف مخازن، وكل ما يلاقي فرصة يرفضها بحجة إن المرتب قليل وإنه مش هيرجع يشتغل بأي تمن. حكايات مني السيد
وأنا كنت اللي شايلة مصاريف البيت كلها؛ أكل وشرب وفواتير وصيانة وبنزين، وحتى اشتراكات الأفلام والمسلسلات اللي بيتفرج عليها طول اليوم.
وفي يوم، كنت عاملة غدا بسيط، فول ورز وخضار، لقيته بيبص للطبق بضيق وقال
هو مفيش لحمة النهارده كمان؟
رديت عليه وأنا بحاول أتمالك أعصابي
يا شريف، أنا قلتلك الشهر ده الميزانية مش مستحملة طلبات زيادة. لو اشتغلت، نقدر نرجع نصرف براحتنا.
بصلي باستفزاز وقال
يعني إنتِ عايزاني أقبل أي شغلانة وخلاص عشان حضرتك مش عارفة تدبري الفلوس؟
قولتله
أنا مش بطلب منك تشتغل عشاني، أنا بطلب منك تشيل مسؤوليتك
زي أي راجل متجوز. مش




