
معقول أفضل أنا اللي شايلة كل حاجة وإنت كل اللي يهمك ناكل إيه النهارده!
اتضايق وساب الأكل ومشي، وأنا فضلت مكبوتة من جوايا.
بعد خمس أيام، رجع البيت مبسوط بشكل غريب، وقال إنه أخيرًا لقى شغلانة مسؤول مشتريات في شركة لتجارة الأدوات الكهربائية، بمرتب ٢٤ ألف جنيه، من الساعة تمانية الصبح لحد ستة المغرب.
فرحت من قلبي، وسألته عن اسم الشركة، فقاللي
هقولك بعدين، أنا لسه بظبط ورقي ومش عايز ۏجع دماغ دلوقتي.
ومن اليوم ده بدأ يخرج كل يوم الساعة سبعة ونص الصبح، ويرجع حوالي سبعة بالليل، ودايمًا وشه بشوش ومزاجه رايق.
لكن كان فيه حاجات صغيرة بدأت تلفت نظري.
أكله قل جدًا، وبقى يرجع يقول إنه متغدي بره مع الموردين، وأوقات كانت ريحته فيها ريحة لحمة مشوية وصوص باربكيو.
مرة سألته
إنتوا بتاكلوا بره كل يوم ولا إيه؟
ضحك وقال
يا ستي المدير بيعزمنا ساعات، إنتِ عايزاني أرفض العزومة يعني؟
الغريب إن ريهام كانت من يومين بس طالبة مني أجيبلها لحمة وصوص باربكيو، فقلت يمكن
مجرد صدفة.
والأغرب إن شريف، اللي كان پيتخانق معايا كل يوم عشان الأكل، بقى فجأة مش بيطلب حاجة، وساعات يسيب نص العشا ويقول إنه شبعان.
ومع كل ده، عمري ما شفت كارنيه الشغل بتاعه، ولا إيميل قبول، ولا حتى عرفت اسم الشركة اللي بيشتغل فيها.
أما ريهام، فكانت كل يوم بتظهر إن حالتها النفسية بتسوء أكتر. يوم تبعتلي تقول إن إيديها بتترعش من التوتر، ويوم تاني تقول إنها مش قادرة تقوم من السرير.
ويوم التلات بعتتلي إنها محتاجة زبادي وفراخ بانيه وجبنة رومي وفاكهة، لأنها مش قادرة تاكل الأكل العادي.
كنت بطلب لها كل حاجة من تطبيقات التوصيل لحد باب الشقة، وفي خلال تلات أسابيع بس، دفعت حوالي ٨٤٦٠ جنيه على طلباتها، وكنت بسجل كل مصاريفها في ملف على الموبايل، جنب مصاريف بيتي اللي بدأت تتراكم عليا.
كل ما أقولها لازم تدوري على شغل، ترد عليا
والله يا منى أنا نفسي أشتغل، بس مش قادرة أقف على رجلي من اللي حصللي. اديني فرصة أتعافى شوية، وأنا أوعدك إني مش هتقل عليكي.
عرضت
عليها أساعدها تلاقي شغل، وحتى عرضت عليها تروح لدكتور نفسي، لكنها كانت بترفض كل حاجة.
ومع ذلك، مكنتش قادرة أمنع عنها الأكل.
لحد يوم الجمعة… صحيت الصبح لقيت رسالة منها بتقول
منى، أنا بجد بقالي يومين مكلتش كويس، ومفيش عندي حاجة في التلاجة. لو تقدري تبعتيلي أي أكل أكون شاكرة ليكي.
في اليوم ده حصل عطل في الكهرباء في المركز الطبي، واضطرينا نقفل بدري… قلت فرصة أعدي على السوبر ماركت وأجيب لريهام شوية طلبات، وأطمن على الشقة بنفسي، وكمان أتكلم معاها بجد في موضوع الشغل.
اشتريت فراخ وبيض وخضار وحاجات كتير، وحتى جبتلها تورتة صغيرة عشان أرفع معنوياتها.
وصلت العمارة بعد الساعة تلاتة بشوية…وأنا بدور على مكان أركن فيه عربيتي، عيني وقعت على عربية رمادي راكنة قدام العمارة.
وقفت مكاني!… كانت عربية شريف! نفس العربية، ونفس الخبطة اللي في الكبوت!.. فضلت باصة ليها كام ثانية، وعقلي بيحاول يلاقي أي تفسير منطقي. إزاي عربيته هنا وهو قالي إنه في مخزن الشركة؟
وإزاي موجود في نفس




