
منى! أرجوكي اسمعيني! أنا قاعد من إمبارح في الشارع مش عارف أروح فين! أهلي عرفوا باللي حصل بعد ما خالي حسن اتكلم مع كبار العيلة، وأبويا قفل الباب في وشي وقاللي مالكش بيت عندنا يا خائڼ الأمانة!
قلت له ببرود وأنا إيه علاقتي بالقصة دي يا شريف؟ مش أنت كنت مسؤول مشتريات بمرتب ٢٤ ألف جنيه وتعرف تظبط أمورك في أكتوبر؟ ولا ال ٢٤ ألف جنيه طاروا مع الكباب والصوص الباربكيو؟
شريف اتخنق بصوته وبدأ يعيط بالدموع أنا أسف يا منى.. أنا اتعميت! ريهام هي اللي فضلت ورايا، كانت كل شوية تفرك في ودني وتقولي إنك شايفاني عاطل ومش مقدراني، وإنها هي اللي حاسة بيا وبتقدرني! أنا اتضحك عليا والله العظيم! رجعيني وبلاش الطلاق، وأنا والله هشتغل أي حاجة حتى لو دليفري وهسددلك كل مليم صرفتيه عليا!
رديت عليه وصوتي كان يقطع العرق ويسيح دمه أنت اتضحك عليك عشان أنت رخيص يا شريف.
.. اللي يسيب مراته اللي ساتراه وصايناه عشان أكلة كباب ودلعة في شقة مأجراها ببلاش، يبقى رخيص وماينفعش يتربط باسمي. المحامي بتاعي رفع قضية طلاق للضرر وقضية شروع في تزوير وڼصب.. المحضر هيوصلك على بيت أبوك اللي طردك، وتقدر تدافع عن نفسك قدام القاضي.
وقبل ما ينطق بكلمة ثانية، قفلت السكة في وشي وعملت للرقم بلوك نهائي!
على الساعة ستة بالليل، وصلني إشعار على الواتساب من رقم غريب.. كانت رسالة صوتية من ريهام! فتحت الرسالة وأنا متوقعة أسمع صوت الفجر والتجبر بتاعها، بس الصوت كان مړعوپ ومخڼوق بالدموع والشهقات منى.. أرجوكي يا منى ردي عليا! أنا قاعدة عند واحدة صاحبتي من إمبارح، وأمي في بلبيس رمت هدومي بره البيت وقالتلي ماليش بنات اسمهم ريهام! خالي حسن جمع العيلة كلها وجاب وائل جوزي القديم وقرأ قدامهم الورق والتسجيلات، والعيلة كلها بريت مني! محدش راضي
يرد عليا ولا يديني جنيه! أرجوكي بلاش موضوع المحكمة والإنذار بالفلوس، أنا معاييش أكل ولا معايا إيجار! اعتبريني كنت اختك الغبية وسامحيني!
سمعت الرسالة بابتسامة هادية جداً.. ابتسامة الست اللي شافت الحق وهو بيرجع لها على طبق من فضة. ما بعتش رسالة صوتية، ولا اتصلت.. بعت لها مجرد صورة واحدة على الواتساب صورة من صورة الضوئية لإنذار التكليف بالوفاء الصادر من المحكمة بمبلغ ٨٤٦٠ جنيه مصاريف مأكل ومشرب بدون وجه حق، ومكتوب تحتها بخط المحامي في حالة عدم السداد خلال ٥ أيام سيتم البدء في إجراءات الحبس وتوقيع الحجز التنفيذي.
وبعدها عملت لها بلوك هي كمان!
المرور بتاع الأيام كان سريع ومريح بشكل غريب. خلال شهر واحد بس
قضية الشروع في التزوير والڼصب اتحولت للنيابة العامة، وشريف اضطر يجيب محامي بفلوس استلفها من صحابه عشان يمنع إنه يتحبس احتياطي، وصدر ضد حكم
أول درجة




