منوعات

مشوهه

متقدملك عريس يا ورد.

سيبت فرشة الرسم وانا ببص لماما بحزن وقلت:

ويا تري العريس يعرفني او شافني. عارف ظروفي ايه ولا جاي كده وخلاص عشان يتصدم هنا زي اللي فات.

بصيتلي ماما وقالت بتوتر: العريس من طرف عمتك نجلاء.

اه عمتي قولتيلي يبقي اكيد ميعرفش ظروفي.

يا بنتي مش يمكن تعجبيه!

ياااه يمكن للدرجادي بتعرضيني كأني شيء معروض للبيع يمكن الزبون يكون غافل وياخدها.

يا بنتي مش قصدي!

اومال قصدك ايه يا ماما قصدك ايه بس لحد امتي لحد امتي هتعرضوني علي العرسان كأني شيء معروض للبيع عايزين تخلصوا منها. لحد امتي هتحمل القسوة.

بكت ماما وقالت: يا بنتي انا ام ام نفسي اشوف بنتي متجوزة ومستورة في بيتها نفسي اطمن عليكي قبل ما ارحل.

ورد بعد الشر عليكي يا ماما متقوليش كده اللي عايزاه هيحصل العريس هيجي امتي.

ماما بتوتر: هيجي النهاردة الساعة تمانية.

ورد بهدوء: يعني قدامي تلات ساعات يدوب اجهز نفسي.

مسكت ماما ايدي وقالت البسي الفستان الاحمر وحطي ميكب رقيق كده يظهرك.

ابتسمت بسخرية: صدقيني مش هتفرق.

قمت ورحت اوضتي واول ما دخلت لف ماكس حوالين رجلي ضحكت وقلت:

وانت كمان وحشتني يا ماكس معلش مش بخرجك انت عارف ماما.

ماكس يبقي الكلب بتاعي ماما مبتحبهوش بسبب اللي حصلي بسببه كانت عايزة تطرده وانا رفضت واتمسكت بيه عشان كده شرطت ان ماكس يفضل في اوضتي وأنها متشوفهوش.

قعدت جمب ماكس وانا بقوله:

النهادرة في عريس تاني يا ماكس .. ماما مصرة اني اقابله تفتكر هيرفضني من غير قسوة ولا هيوجعني زي العريس اللي قبله. ولا ممكن يوافق يتجوزني لا اكيد مش هيتجوزني ايه الخيال ده. محدش هيتجوز واحدة زيي يالا مش مشكلة يعني هو اللي اتجوزوا اخدوا ايه.

ضحكت وانا بحضن ماكس وبقول: ايه رايك اطنش كلام ماما والبس الفستان الاسود. ولا اقولك بلاش لاحسن تعلقني وانا مش ناقصة.

دخلت الحمام واخدت شاور ولبست الفستان الاحمر ظبطت نفسي بصيت لنفسي في المراية بحزن ومن غير ما احس قعدت ابكي ماما خبطت عليا وقالتلي الناس جات.

رديت بصوت حاولت اخليه طبيعي: حاضر جايه يا ماما.

مسحت وشي وضبطت نفسي وخرجت.

طلعت وانا ماسكة صينية القهوة وحاطه وشي في الارض رفعت وشي لقيت فجأة حد شهق وفجأة واحد قام وقعد يصرخ:

انتي جايبالي واحدة كده عشان اتجوزها يا استاذة نجلاء. دي مش البنت اللي اديتيني صورتها.

يتبع ..

دي مش البنت اللي اديتيني صورتها.

يتبع ..

رواية قلبها سلبت قلبي الحلقة الثانية

بصيت للإرض بإنكسار والعريس لسه بيزعق ويقول انطقي يا استاذة نجلاء مين دي وفين البنت اللي ورتيني صورتها فين. انتوا جايين تهزروا اللي في الصورة مكانتش بالشكل ده.

مسحت دموعي ورفعت راسي وانا بقول: البنت دي انا بس قبل ما تحصلي حادثة متقلقش يا استاذ محدش هيجبرك علي حاجة أنت جيت وشوفتني وانا معجبتكش يبقي خلاص تقدر تشرب قهوتك وتمشي وبتمنالك السعادة.

حسيته بهت وارتبك بعد ما كان بيزعق. سندت صينية القهوة ودخلت اوضتي وقفلتها كويس وبعدين قعدت علي السرير حاولت اكتم دموعي قررت اني مش هبكي انا راضية بقضاء ربنا وقدره من اول الحادثة وانا راضية وبقول الحمدلله بس للحظات ضعفت .. ضعفت وانا ببكي.

وبطلب من ربنا انه يرحمني بدل ما انا حاسه نفسي عبء علي ماما ماكس قرب مني وكأنوا حس بيا حضنته جامد وانا ببكي فضلت ابكي لوقت طويل لحد ما حسيت عيني دبلت استغفرت ربنا وغسلت وشي وطلعت كان العريس مشي وعمتي قاعدة جنب ماما وهما الاتنين بيعيطوا.

بتعيطوا ليه دلوقتي.

انا اسفة يا ورد اسفة.

يا بنتي في الجواز في الناس كلها محدش فيهم يستاهل اني اشوف بنتي بتتعب واسكت عشان تتجوز مش هضغط عليكي ابدا في الموضوع ده وعد.

ضحكت وانا برد رغم انك وعدتيني الف مرة قبل كده بس هصدقك المرادي عارفة ليه.

ماما ليه يا ورد.

ورد لأن حتي لو انتي طلبتي مني اقابل عرسان تاني انا هرفض واسيبلك البيت واطفش.

ضحكت ماما وحضنتني تاني وهي بتقول لا خلاص حرمت.

ضحكت وانا بتنهد براحة علي الاقل خلصت من وجود العرسان غير المرغوب فيهم بس رغم كده.

رواية قلبها سلبت قلبي بقلم سولييه نصار

مش قادرة على نظرات اخر واحد نظرات الاستغراب وكأنه شاف خطر. عادي مفروض اكون اتعودت اذا كان اللي كنت فاكراهم اصحابي بعدوا عني وعايروني بشكلي ما بالك الغريب.

تاني يوم.

ورد كريمة صاحبتي بتقول ان فيه جراح تجميلي شاطر اووي ممكن يساعدنا ويرجعك زي الأول وأحسن.

بصيت لماما وانا بهز راسي بيأس وقلتلها: رحنا لعشرين دكتور قبل كده وقال مفيش فايدة يا ماما واخد نص وشي صعبة اووي.

يا بنتي ابوس ايديكي روحي معايا ومتتعبنيش.

قلت بتعب: حاضر يا ماما.

حجزتلي ماما عند الدكتور وانا متأكدة انه هيقولي مفيش امل كالعادة بس حبيت اريح ماما وخلاص. واداني ميعاد بعد اسبوع ..

في يوم كنت قاعدة عند عمتي برسم لما عمتي دخلت عليا وقالت:

ورد فيه واحد عايز يقابلك بره.

مين يا عمتو.

تعالي شوفي بنفسك.

طلعت من اوضتي عشان اشوف مين ولقيت العريس اللي رفضني اخر مرة وأحرجني.

ورد: انت جاي تاني ليه.

كريم بتوتر: كنت جاي عشان اعتذر منك.

كنت قليل الذوق اووي بس قدري انتي شعوري لما واحد يشوف صورة واحدة ويعجب بيها وبعدين يلاقي يلاقي.

يلاقيها صح قولها متتكسفش.

انا .. انا.

كټفت ايدي وانا بقول:

انا مش زعلانة اصلا انا تعودت علي كده وانت معذور مفروض عمتي كانت تقولك الحقيقة فاعتذارك مقبول وبتمنالك السعادة.

كريم: انا مش جاي عشان اعتذر بس.

ورد: أومال عايز ايه.

كريم: عايز اتجوزك.

افندم بتقول ايه.

كريم: بقولك تقبلي تتجوزيني!

يتبع ..

رواية قلبها سلبت قلبي الحلقة الثالثة

انت بتهزر صح اتجوزك ازاي.

زي الناس هنتخطب الأول وبعدين نتجوز.

بصيتله بذهول وانا بقول: وايه اللي خلاك تغير رأيك فجأة! ايه شفقت عليا مثلا.

كريم بصبر: طيب ممكن تقعدي ونتكلم بهدوء.

قعدت وانا مستنياه يتكلم أبتسم لما جات عمتي جابت صينية العصير وقالها تسلم ايديكي ..

مشيت عمتي وسابتنا لوحدنا فضل لمده دقيقتين وهو ساكت وباصص ليا.

ورد: ايه هتفضل ساكت كتير.

كريم: عايزاني اقول ايه.

ورد: ليه وافقت فجأة انت اول ما شوفتني قعدت تصرخ كأنك شفت خطر عايز تقنعني انك اعجبت بيا بعد ما روحت البيت مثلا.

كريم: شوفي انا انسان صريح وانا هتكلم بصراحة تام. كل راجل بيحب تكون مراته علي قدر عالي من الجمال وبالذات انا انا طبعا بهتم بجمال الروح بس بالنسبالي جمال الوش برضه مهم جدا واهم من الروح انا لما شوفت صورتك قبل الحادثة اتهبلت عليكي مترددتش ثانية اتقدملك بس لما شوفتك اتصدمت.

ورد: مش فاهمة برضه عايز ايه من كلامك ده.

كريم بتوتر: انا اللي اقترحت علي عمتك الجراح التجميلي الجراح ده يبقي اخو مرات اخويا. هو شاطر جدا وليه خبرة.

ضحكت بسخرية وقلت: يعني انت موافق تتجوزني بشرط اني اعمل العملية.

ايوة!

افرض منجحتش طيب.

رد كريم بتوتر: مش هتجوزك.

انا بحاول اساعدك.

اطلع برة.

كريم: يا آنسة ورد ميصحش كده.

قولتلك اطلع بره انا بقولهالك اهو انت لو اخر راجل في العالم مستحيل افكر فيه.

بعد يومين.

مش رايحة يا ماما الدكتور كفاية بقا سمعت كلامك كتير المرادي لا!

يا ورد متتعبنيش روحي البسي والا والله ما هكلمك طول حياتي.

السابق1 من 2
تابع المقال

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى