
الراجل فتح الورقة التانية وبدأ يقرأ بصوت عالي وسط الناس اللي كانت واقفة حوالين العربية ونادية بدأت تتراجع خطوة لورا وكل شوية تبص حواليها كأنها بتدور على حد ينقذها من الموقف
قال الراجل
إحنا معانا شكوى رسمية مقدمة من أكتر من ولي أمر في المدرسة بخصوص تصرفات حضرتك واستغلالك لخدمات نقل الأطفال من غير تصريح
نادية اتعصبت وقالت
شكوى إيه وتصريح إيه أنا مش فاهمة إنتوا بتتكلموا عن إيه
واحد من أولياء الأمور اتقدم وقال
إنتي فاكرة إن محدش عارف إنك بتاخدي فلوس من أمهات تانية عشان توصلي عيالهم بعربيتك وتاخدي كمان فلوس من المدرسة على أساس إنك بتقدمي خدمة توصيل
نادية شهقت وقالت
مين قال الكلام الفاضي ده
الراجل طلع مجموعة صور من الملف وقال
دي تحويلات بنكية وإيصالات دفع ورسائل بينك وبين أكتر من أم
بصيت لنادية وأنا مش فاهمة حاجة
أنا كنت فاكرة إن الموضوع كله مجرد خلاف بسبب بنتي والمطر لكن واضح إن فيه حاجة أكبر بكتير
واحدة من الأمهات قالت
إحنا كنا فاكرين إنك بتساعدي البنات من باب الجدعنة لكن اكتشفنا إنك بتاخدي فلوس من كل أم وبتقولي إنك بتوصلي البنات في نفس الطريق
نادية بدأت ترفع صوتها
وإنتوا مالكم بيا أنا حرة في عربيتي أعمل فيها اللي أنا عايزاه
الراجل رد بهدوء
محدش بيتدخل في عربيتك لكن لما الموضوع يبقى متعلق بأطفال وأمانهم وفلوس بتتجمع من أولياء الأمور لازم يبقى فيه توضيح
في اللحظة دي افتكرت الورقة اللي عليها اسمي وسألت الراجل
معلش هو أنا اسمي موجود في الموضوع ده ليه
الراجل بصلي وقال
حضرتك اسمك موجود في كشف الشهود لأن فيه رسائل بتثبت إنك كنتي بتوصلي بنت جارتك سلمى بشكل يومي لمدة سنتين من غير مقابل
نادية قاطعت كلامه بسرعة
وده يثبت إيه يعني دي كانت بتعمل كده بمزاجها وأنا ماطلبتش منها
بصيتلها وقلت
فعلا أنا كنت بعمل كده بمزاجي عشان كنت فاكرة إننا جيران وإن بنتك زي بنتي
نادية ردت باستهزاء
محدش طلب منك تعملي فيها الأم المثالية
الكلمة نزلت عليا تقيلة لكن المرة دي ما سكتش
قلت لها
أنا مش مستنية منك شكر ولا حتى كلمة حلوة لكن كنت مستنية لما بنتي تقف تحت المطر تلاقي منك نفس الجدعنة اللي كنتي بتشوفيها مننا كل يوم
الناس بدأت تهمس ونادية بقت متوترة أكتر
وفجأة الراجل طلع ورقة تانية وقال
لسه فيه حاجة أهم من كل ده
نادية بصتله وقالت
إيه تاني بقى
قال
فيه شكوى تانية بخصوص المبلغ اللي اتجمع من أولياء الأمور باسم صيانة عربية المدرسة واللي اتضح إنه اتحول لحسابك الشخصي
الشارع كله سكت
واحدة من الأمهات صرخت
يعني إيه يا نادية الفلوس اللي دفعناها عشان ولادنا كانت راحت فين
نادية بدأت تتلخبط وقالت
أنا كنت هسدد المبلغ والله بس حصلت ظروف
واحد من الآباء رد بغضب
ظروف إيه اللي تخليكي تشتري عربية جديدة بالفلوس اللي جمعتيها مننا
نادية اتصدمت وبصت حواليها وبعدين بصتلي أنا بالذات وقالت
إنتي اللي ورا كل ده يا منى إنتي اللي حرضتيهم عليا عشان ماوافقتش تركبي بنتك عربيتي
ضحكت من غير ما أقصد وقلت
إنتي فاكرة إن رفضك تركبي بنتي هو اللي جاب الناس دي هنا إنتي اللي عملتي كل ده بنفسك
لكن قبل ما نادية ترد ظهر صوت طفلة جاية من آخر الشارع
ماما
كلنا لفينا لقينا سلمى بنتها واقفة بشنطتها المدرسية ووشها مليان دموع
جريت على أمها وقالت
ماما هو الكلام اللي بيقولوه ده صح
نادية اتوترت وقالت
إنتي إيه اللي جابك هنا يا سلمى روحي جوه حالا
سلمى هزت راسها وقالت وهي بتعيط
أنا سمعتك امبارح وإنتي بتتكلمي في التليفون مع خالتي وبتقولي إنك مش هتدفعي الفلوس وإنك هتخلي منى هي اللي تشيل الليلة لو حد سأل
نادية اتجمدت مكانها
وبعدين سلمى مدت إيدها وطلعت ورقة صغيرة من شنطتها وقالت
ماما أنا لقيت دي في درج العربية وخبيتها عشان كنت خايفة
نادية أول ما شافت الورقة صرخت
سلمى إنتي بتعملي إيه
لكن البنت رجعت لورا وبدأت تعيط أكتر
الراجل أخد الورقة وبص فيها وبعدها رفع عينه لنادية وقال
واضح إننا كنا بندور في المكان الغلط طول الوقت
وبعدين بصلي وقال
يا مدام منى إحنا محتاجين نسمع منك شهادة مهمة جدا لأن الورقة دي ممكن تغير كل حاجة
ساعتها حسيت إن الموضوع أكبر بكتير من مجرد فلوس وعربية جديدة
خصوصا لما الراجل قلب الورقة ووراني اسم الشخص اللي كان مكتوب في ضهرها
كان اسم حد أنا أعرفه كويس جدا
والصدمة إن الاسم ده كان اسم جوزي نفسه…
عمري ما تخيلت إن المشكلة اللي بدأت بسبب مشوار مدرسة هتخليني أكتشف إن أقرب الناس ليا مخبيين عني سر بالشكل ده
فضلت باصة للاسم المكتوب في ضهر الورقة ومش قادرة أستوعب
أحمد
اسم جوزي كان مكتوب بخط واضح وتحت الاسم رقم تليفونه وإمضته
بصيت للراجل وسألته وأنا صوتي بيترعش
هو أحمد جوزي له علاقة بإيه بالموضوع ده
الراجل اتردد شوية وبعدين قال
إحنا لقينا تحويلات مالية طالعة من حساب زوج حضرتك لحساب مدام نادية خلال الشهور اللي فاتت وعايزين نعرف كانت مقابل إيه
بصيت لنادية اللي كانت واقفة ساكتة ووشها أصفر
صرخت فيها
إنتي بتاخدي فلوس من جوزي من ورايا
نادية حاولت ترد لكن الكلام ماطلعش منها
في اللحظة دي رن موبايلي
كان أحمد
رديت وأنا حاسة إن رجلي مش شايلاني
ألو يا أحمد
قال بصوت متوتر
إنتي واقفة في الشارع ليه والناس متجمعة عندكم
سألته على طول
إنت تعرف نادية من ورايا
سكت
الصمت ده كان كفاية يخليني أفهم إن فيه مصيبة
قلتله
أنا بسألك سؤال رد عليا
قال أخيرا
منى اسمعيني كويس الموضوع مش زي ما إنتي فاهمة
ضحكت بمرارة وقلت
الجملة دي بتتقال قبل كل مصيبة يا أحمد
قفل المكالمة من غير ما يرد
بصيت لنادية وقلت
أنا عايزة أعرف الحقيقة دلوقتي
نادية بدأت تعيط وقالت
أحمد كان بيساعدني في موضوع العربية بس والله ماكنش قصدي أعملك مشكلة
سألتها
بيساعدك بإيه
قالت وهي بتبص في الأرض
كان بيديني فلوس عشان أوصل شوية أطفال من المدرسة وأساعده في شغل خاص بيه
الراجل اللي ماسك الأوراق قاطعها وقال
بس التحويلات اللي عندنا مش بنفس الوصف اللي حضرتك بتقوليه
نادية سكتت تاني
وفجأة سلمى قربت مني ومسكَت إيدي وقالت
يا طنط منى أنا عايزة أقولك حاجة بس ماما ماتعرفش
نزلت لمستواها وقلت
قولي يا حبيبتي
قالت وهي بتعيط
ماما كانت بتقابل عمو أحمد في العربية بعد ما توصلني المدرسة وكنت بشوفهم بيتكلموا كتير ومرات كان بيديها ظرف فلوس
حسيت إن الدنيا بتلف بيا
لكن قبل ما أقدر أسألها أي سؤال نادية شدت بنتها من إيدي وقالت
إنتي هتخرجي من الموضوع ده خالص ومش هتتكلمي تاني
سلمى خافت وبدأت تصرخ
سيبيني يا ماما أنا مش بكذب
واحدة من الجيران تدخلت وقالت لنادية
عيب عليكي دي طفلة ومش ذنبها اللي إنتي عملتيه
في اللحظة دي ظهر أحمد من آخر الشارع
كان جاي بسرعة ووشه متغير ولما شافني واقفة وسط الناس وقف مكانه
قلتله
كنت بتدفع لنادية فلوس ليه يا أحمد
قرب مني وقال بصوت واطي
تعالي ندخل البيت ونتكلم بعيد عن الناس
رجعت خطوة لورا وقلت
مفيش كلام بيني وبينك غير هنا
بص للناس وبعدين قال
أنا كنت بحاول أساعدها عشان كانت مديونة ومضغوطة إنها تخسر العربية
ضحكت وقلت
ومن إمتى بقيت بتساعد جارتنا من غير ما تقول لمراتك
رد بعصبية




