منوعات

الراجل اللي نزل من العربيه كان اسمه شريف

ليلة رحيل جدك كان تعبان جداً وطلب مني أروحله المستشفى لوحدي وكان عايز يكلمني في موضوع مهم قبل ما يغيب

سألته

موضوع إيه

رد وهو بيحاول يسيطر على صوته

جدك قالي إنه اكتشف إن عمك سامي بيسرق من فلوسه وإنه بيستغل ثقة العيلة فيه وكان ناوي يغير كل حاجة في الوصية ويحط كل ممتلكاته باسمك إنت

بصيتله بصدمة وقلت

وليه أنا

قال

لأنه كان شايف إنك الوحيد اللي بتتعب من غير ما تستنى مقابل وإنك عمرك ما طلبت منه فلوس ولا حاولت تستغل اسمه

أمي تدخلت بسرعة وقالت

كفاية يا حسن بقى إنت هتفضل تفتح في حاجات غابت من سنين

لكن أبويا لأول مرة رفع صوته عليها وقال

اللي غاب هو أبويا مش حق ابني

سكتت أمي ورجعت خطوتين لورا

أبويا كمل كلامه وقال

بعد ما جدك غاب اكتشفت إن عمك سامي خد نسخة من أوراق الملكية والتوكيلات القديمة وكان بيحاول يبيع جزء من الأرض من غير علمنا ولما واجهته حذرني إنه هيكشف أسرار قديمة تخص البيت

سألته

إيه الأسرار دي يا بابا

بصلي فترة طويلة وبعدين قال

عمك سامي مكنش بيشتغل لوحده

لفيت ناحية أمي

لقيتها بتبص للأرض وبتفرك إيديها بعصبية

قلت

يعني ماما كانت معاه من الأول

أبويا هز راسه وقال

بعد رحيل جدك بسنة أمك بدأت تقرب من عمك سامي بحجة إنه بيساعدنا في المصاريف وبعدها اكتشفت إنهم بيتصرفوا في فلوس تخصك وإنهم بيحاولوا يلاقوا طريقة يبيعوا بيها الشقة اللي جدك سابهالك

أمي انفجرت في الكلام وقالت

أنا كنت بحاول أحافظ على البيت إنتوا كلكم مش فاهمين أنا كنت شايلة مسؤولية عيلة كاملة

بصيتلها وقلت

شايلة مسؤولية البيت ولا بتبني مستقبل محمود بفلوسي وشقتي

ردت بعصبية

محمود كان محتاج فرصة وإنت كنت دايماً بتعرف تعتمد على نفسك

الجملة دي وجعتني أكتر من كل اللي فات

يعني عشان كنت بعرف أشيل نفسي بقيت الشخص اللي ينفع يتسرق ويتضحى بيه

محمود كان واقف بعيد ودموعه في عينه وقال

أنا مكنتش أعرف كل ده يا أحمد والله العظيم مكنتش أعرف إنهم وصلوا للدرجة دي

بصيتله وقلت

إنت عرفت من كام شهر وسكت

قال

أنا غلطان ومش ههرب من غلطتي بس لما اكتشفت إن أمي زورت إمضتك حاولت أوقفها

أمي صرخت فيه

إنت كمان هتبيعني دلوقتي

محمود رد عليها لأول مرة بصوت عالي

إنتِ اللي حطيتيني في موقف عمري ما هسامح نفسي عليه

شريف موظف البنك كان واقف بيتابع كل الكلام وبعدين قال

أنا محتاج أوضح نقطة مهمة جداً فيه تحويل مالي كبير خرج من حساب القرض لحساب شركة مقاولات باسم عم سامي وبعد مراجعة المستندات لقينا إن فيه طلب سحب جديد متقدم من يومين

سألته

سحب جديد ليه

قال

عشان يتم استكمال مبلغ شراء الشقة ونقل الملكية لشخص تاني

حسيت إن قلبي هيقف

يعني كانوا ناويين يبيعوا الشقة من ورايا

شريف هز راسه وقال

أيوه والطلب ده لسه تحت المراجعة لكن فيه حاجة تانية لازم تعرفها

طلع ورقة من الملف وقال

الشركة اللي قدمت طلب الشراء باعتت صورة بطاقة المشتري والعنوان المسجل عندنا

أخدت الورقة منه وبصيت للاسم

كان اسم عمتي سعاد

أخت أمي

بصيت لأمي وقلت

يعني حتى خالتو سعاد دخلتيها في الموضوع

ردت وهي بتترعش

هي ملهاش ذنب هي كانت بتساعدني بس

في اللحظة دي موبايلي رن وكان رقم غريب

رديت وسمعت صوت راجل بيقول

أستاذ أحمد أنا المحامي اللي ماسك قضية الشقة بتاعة جدك وعايز أقابلك فوراً لأن فيه حد دخل مكتبي من شوية وأخذ أصل عقد الملكية

سألته بصدمة

مين اللي أخده

قال

مش عارف بس الكاميرات صورت الشخص وهو خارج ومعاه الملف

طلبت منه يبعتلي الصورة على الواتساب

بعد ثواني وصلت الصورة وفتحتها

كانت صورة شخص لابس جاكيت أسود وماسك ملف بني

كبرت الصورة وأنا مش مصدق عيني

الشخص ده كان محمود

رفعت عيني ناحية أخويا وقلت

إنت كنت فين من ساعتين

محمود اتلخبط وقال

كنت في البيت

مديتله الموبايل وقلت

طيب تفسرلي إيه الصورة دي

وشه اصفر وبدأ يتكلم بسرعة

أحمد اسمعني أنا مروحتش أسرق حاجة أنا كنت بحاول أجيب الورق قبل ما عمنا سامي ياخده

أمي قربت منه وقالت

ماتتكلمش يا محمود

لكن أنا خلاص مبقتش قادر أصدق أي حد

قلتله

إنت أخويا وأنا كنت مستعد أديك نص عمري لو احتجت لكن إزاي قدرت تشاركهم في تضييع مستقبلي

محمود نزل على ركبته قدامي وقال

أنا عملت حاجة واحدة غلط لما سكت في الأول لكن في حاجة لازم تعرفها

بصيتله وقلت

إيه هي

قال وهو بيعيط

الورق اللي في الملف مش بس عقد الشقة فيه وصية تانية لجدي وعليها توقيع شاهدين والوصية دي لو ظهرت هتثبت إن الشقة والأرض اللي جنبها ملكك بالكامل وإن فيه حد من العيلة زور الوصية القديمة عشان يحرمك منها

قبل ما أقدر أسأله مين زورها سمعنا صوت عربية بتقف بعنف عند مدخل الجراج

ونزل منها عمي سامي

كان ماسك شنطة جلد بني وداخل علينا بابتسامة غريبة

بص لأمي وقال

إنتوا لسه واقفين هنا ليه الورق فين

وبعدين شافني وسكت

قرب مني ومد إيده وقال

إزيك يا أحمد يا حبيبي

رجعت لورا وقلت

إنت عمي سامي ولازم تجاوبني على سؤال واحد

ابتسامته اختفت

سألته

إنت زورت إمضتي ولا لأ

بص لأمي وبعدين لأبويا وفجأة ضحك وقال

إنت فاكر إن أمك هي اللي زورت الإمضا

وبعدين فتح الشنطة وطلع ورقة قديمة وحطها قدامي

وقال

قبل ما تتهم حد لازم تعرف إن أبوك هو أول واحد مضى على الورق اللي ضيع حقك

بصيت لأبويا اللي كان واقف متجمد مكانه

وفي اللحظة دي فهمت إن الحقيقة أكبر بكتير من اللي كنت متخيله

لأن أبويا مد إيده للورقة وقال بصوت مكسور

يا أحمد أنا مضيت على الورق ده عشان أنقذ حياتك من حاجة جدك كان مخبيها عنك

وساعتها عمي سامي قال جملة خلت كل اللي واقفين يسكتوا

جدك مكنش سايبلك شقة وأرض وبس يا أحمد جدك كان سايبلك سر لو عرفته هتكره العيلة كلها

لكن قبل ما عمي يكمل كلامه رن تليفونه وظهر على الشاشة اسم شخص مستحيل أتخيل إنه يكون طرف في الحكاية دي

عمي سامي كان لسه واقف قدامي وموبايله بيرن ولما بص على اسم المتصل ابتسامته اختفت تماماً

حاول يقفل المكالمة بسرعة لكن أنا كنت شوفت الاسم

كان اسم المحامي اللي ماسك قضية جدي

بصيتله وقلت

هو المحامي ده بيتصل بيك ليه

تابع المقال

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً
إغلاق
زر الذهاب إلى الأعلى