منوعات

امك جايه ليه

ابتسم وهو ينظر لتويا قائلاً: وأقويها كمان وكمان، ولو مكنتش قوية بأبوها تبقى قوية يمين.

تويا بكره تأخذى العربية وتخرجى وتتفسحى واعملى اللى أنتى عاوزاه، ما دام أنتى صح متخافيش، سمعانى؟

ابتعدت تويا عن أبيها تمتلك الشجاعة لتفاتحه في أمر شغلها الفترة الأخيرة:

بابا، هو أنا ممكن أطلب؟

طلب؟ اطلبى يا قلب بابا.

عاوزة اشتغل.

اختفت ابتسامة ليلى لتعود وتقول مستنكرة: تشتغلى ليه يا تويا؟ هو انتى محتاجة حاجة ولا عاوزة الناس تقول إيه؟

صرخ بها محمود: تتحرق الناس، بنتى مش بتعمل حاجة غلط.

نظر لتويا باصرار قوى: تويا عاوزة تشتغلى؟ اشتغلى ولا يهمك من حد.

صاحت ليلى: يا راجل أنت بطل دلعك ده.

تركهم وهو يصيح مستنكراً: متتدخليش بينا، راجل وبنته، خليكى انتى بعيد.

أسرعت خلفه لتلحق به: ماهى بنتى يا محمود.

يبقى تسكتى، كفاية اللى هي فيه.

أنا نازل المحل وخليكى جنبها، هي محتاجالك.

أنت غير متزن.

صرخ محمد وهو ينظر لصديقه الذي يجلس أمامه ببرود: غير متزن ليه؟ هو أنا قلت حاجة غلط؟

اللى بتفكر فيه هو الأمر غير المتوقع بعينه.

لا مش غير متوقع ولا حاجة يا محمد، حقى وهرجعه.

عمك مش سهل يا ليث، ده ممكن يوديك في داهية، أنت مش عارف شره، ده حتى ابنه مش معتوق من إيده، هيرحمك أنت؟

ضرب ليث بيده بقوة على المنضدة: والله ما هسيب حقى ولا حق أبويا وهجيبه حتى لو كان آخر يوم في عمرى.

طيب هتروح إمتى؟

لما ارتب كل حاجة، بس هكون لوحدى، مفيش حد هيكون معايا ولا حتى انت، ومش عاوز كلام كتير، الأمر منتهى.

يوم كانت تحتاجه بشدة، خروج من قوقعتها التي صنعتها لنفسها بعيداً عن كل ألم، عن كل نظرة شماتة تمقتها وكل نظرة حسرة تكرهها.

اليوم أحست أن تخلصت من قيودها حتى ولو ليوم واحد.

صحبة دعاء كانت لذيذة كعادتها، شقية روحها نقية، دائماً كانا يشبهان بعضهما، إلا أنها الآن تعانى من آثار ما مرت بها طوال الفترة الماضية.

تجول في أحد المولات الكبرى، تناول الآيس كريم كان له بهجة خاصة عندها مهما كانت بساطتها، ولكنها سعيدة وراضية.

وإصرار دعاء على تناول البيتزا جعلها توافقها الرأي لتستمتع بيومها كما تريد.

أوقف سيارته في شارع بعيداً عن منزل.

عمه أسدل غطاء وجهه ليغطى ملامحه، يمشى كفيه في جيبه ينظر حوله يدرس كل شيء، حتى اقترب من بيت عمه ليدخل في شارع جانبي متجهاً نحو الباب الخلفى للبيت أو الفيلا الصغيرة التي تحيطها حراسة بسيطة مكونة من حارسين فقط، وهذا يكفيه، ولا يوجد غير حارس واحد، أما الآخر فينتظره كما اتفقا ناحية الباب الخلفى.

دار بعينيه حوله للمرة الأخيرة قبل أن يتجه الراجل الذي ينتظره بجوار الباب، ليسرع نحوه حين وجده ليدخل من الباب ويغلقه بسرعة وهو يتنفس بقوة ويحاول استعادة السيطرة على حاله.

نظر للرجل بابتسامة بسيطة: ازيك يا عم شكرى.

ابتسم له الرجل بطيبة: أنا بخير يا ابنى، المهم الحاج حسين عامل ايه وازى صحته؟

نظر حوله يراقب كل شيء ثم عاد إليه قائلاً: الحمد لله بخير، أنا عارف أنك بتجازف بشغلك هنا، بس صدقني أنا مجرد ما هاخد الورق وكل حاجة، ترجع زى ما كانت، أنت مكانك موجود في الشركة زى الأول واحسن.

يا ابنى أنا مش عاوز حاجة، الحاج حسين خيره مغرقنى.

نظر حوله بريبة ثم عاد إليه قائلاً: أنا عرفتك فين؟ المحولات بتاعت الكهرباء، مفيش أودامك كتير قبل الحارس اللى معايا ما ياخد باله ويفوق من الشراب اللى شربه في الشاي.

اتحرك بسرعة وخد الورق وامشى من هنا.

ممتنا، متخافش يا عم شكرى، أنا مش هطول، أنا هاخد الورق اللى محتاجه وهمشى على طول.

بس أنت متأكد أن مفيش حد هنا؟

اه طبعاً، عمك وعيلته كلهم خرجوا، عندهم فرح ومش هيرجعوا قبل ساعة على الأقل، الحق خد الورق وامشى بسرعة.

أحكم ارتداء حقيبة ظهره وابتعد بسرعة ليدخل البيت متجهاً نحو المحولات ليغلقها جميعاً ليغرق البيت في ظلام دامس.

أخرج هو مصباحاً يحمله متجهاً لداخل البيت الذي يعرفه جيداً عن ظهر قلب.

اتجه نحو غرفة مكتب عمه بحذر شديد وهو يعلم أن المكان خالى تماماً من سكانه، أغلق الباب جيداً متجهاً نحو الخزانة الحديدية، أخرج ورقة دون بها أرقام أعطاها له شكرى ليضرب الأرقام السرية بسرعة لتفتح أمامه الخزانة، ليبتسم ليخرج كل الأوراق والملفات، يبحث بسرعة عما يريده، اتسعت عيناه بفرحة وهو يجد تلك الأوراق التي تحمل إمضاء والده، ومن حسن الحظ أن عمه يحفظهم جميعاً في ملف واحد.

أعاد كل شيء كما كان وأخفى الملف جيداً بحقيبته وخرج من الغرفة مسرعاً ليعود من نفس الطريق الذي سلكه، نظر لشكرى بايمائة ليؤكد له أنه أخذ ما يريد.

أسرع في طريقه يجرى ليفاجئ بسيارة عمه تقترب، لم تكن أمامه فرصة، ليسرع أكثر فعاد أدراجه متجهاً لشارع آخر، يسرع الخطى حتى لا يراه أحدهم، ولكن لسوء حظه أن الحارس الآخر آفاق وخرج يصيح أنه لمح أحدهم يخرج من الباب الخلفى للبيت.

لم تعد أمامه فرصة، لم يعد أمامه طوق نجاة، فانزوى في شارع جانبي حتى لا يراه أحدهم، ولكن فجأة وجد سيارة صغيرة تقترب منه، ليجد نفسه فجأة متوقفاً أمامها، لتصرخ قائدتها بفزع عندما وجدته فجأة أمامها، أسرع نحو الباب ليفتحه بسرعة.

صرخت به مرتعشة: أنت غير متزن، أزاى تقف كده وبتركب عربيتى ليه؟

تجاهلها وهو يرفع غطاء رأسه للخلف ويلقى بحقيبته في الكرسى الخلفى متجاهلاً صراخها: اطلعى دلوقتى حالا.

يرتعش تكتم شهقة قلقها وتبكى في صمت وهى تتحرك بالسيارة بسرعة كما أمرها، ظلت تقود السيارة وهى تنظر إليه بخفية، وهو يحاول الاتصال بأحدهم، لينتبه لها ليصرخ بها: بصى أودامك، هنروح في داهية.

أنت بتصرخ فيا ليا، مش كفاية ركبت معايا غصب عنى؟

يا بنتى اسكتى شوية، أنا مش ناقصك.

والله انا أتكلم زى ما أنا عاوزة، انت هتمنعنى؟

تابع المقال

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً
إغلاق
زر الذهاب إلى الأعلى