منوعات

انا جوزك ج 1

كامل مكملاً: أنا عارف أمك بتفكر في إيه، هي قصدها على جورى وشهد.

يونس: مالهم.

كامل: يعني شهور العدة قربت تخلص وأخوها فاتحني في أنه هياخدها معاه بلدهم لما اللي فاضل في عدتها تخلص، لا يعلم لما تضايق من هذه الفكرة لكنه بقى ثابتاً أمامهم.

فقالت عزيزه: أنا مش هقدر أستغنى عن جورى أبداً، ده من غير حاجة وهي روحي كمان، بعد غياب أبوها بقت هي اللي مصبراني.

كامل: اهدي يا عزيزه، وإن شاء الله يونس هيحللنا الموضوع ده.

انتبه على جملة أبيه فنظر له بتساؤل، فأغمض كامل عينيه وهو يستعد للمواجهة: تتجوزها يا يونس.

انتفض من مكانه واقفاً كمن لدغته عقرب وقال مستنكراً: أنت بتقول إيه يا حاج، أتجوز مرات أخويا، سعد، ده ابني، مستحيل، ده كان بيحبها أوي، وهي كمان، لا، لا، مستحيل.

عزيزه: أمال يا بني هتسيب جورى تروح تعيش عند خالها وتحس باليتم، تبقى لا أب ولا عم ولا عيلة، وخالها هو اللي يربيها.

يونس: ومين قال كده بس، ده بيت أبوها، تفضل عايشة هنا.

كامل بحزم: ما ينفعش، ما ينفعش يا يونس، وأنت عارف إنه ما ينفعش.

يونس: ليه بس يا حاج.

كامل: عشانك.

يونس بدهشة: أنا، إزاي.

كامل: هو إيه اللي إزاي، أنت راجل طول بعرض وهي أرملة وصغيرة وحلوة، ما ينفعش.

يونس: مانا مسافر طول الوقت، هو أنا بقعد 3 أيام على بعض في بيتي.

تنهد كامل قائلاً وهو مغمض عينيه: فهميها أنتي يا عزيزه.

عزيزه: افهم يا يونس، أنت عارف هي عندها كام سنة، 22، فصاح يونس: كمان دي بالنسبة لي طفلة، يا نهار أسود ده أنا أكبر منها بـ16 سنة.

عزيزه: سبني أكمل، دي شابة عندها 22 سنة واللي زيها لسه ما تخطبش أصلاً وأنت عارف كده، طب أنت عارف إنها لحد دلوقتي جايلها 3 عرسان من بلدها وكلهم من سنها، ما قدروش حتى يستحملوا لحد ما تخلص عدتها ويتكلموا، فبيحجزوا من دلوقتي، فما بالك بقا لما عدتها تخلص، والحزن مهما طال بيخلص وحرام تفضل كده من غير جواز.

يونس: وهما شافوها فين وهي منتقبة.

كامل: هما فاكرينها من قبل ما تتنقب وتتجوز سعد، سعد يعتبر خطفها منهم، وأول بس ما سمعوا خبر إنه فقد جريوا جري عشان يخطبوها، ومنهم شباب لسه صغيرة وما تجوزتش، اتسعت أعين يونس مفكراً: لهذه الدرجة هي جميلة.

كامل وكأنه فهم ما يدور برأسه: يونس أنت عمرك ما شفت شهد من غير نقاب، أشار يونس برأسه بمعنى لا، ابتسم الأب قائلاً: عشان كده معزور، لو شفتها ما كنتش هتبقى قاعد متردد كده، كنت هتبقى أنت اللي بتتحايل علينا.

عزيزه: دي فلقة قمر وبياض بحمار وشعرها لحد الأرض وناعم وجميل ومظهرها ما شاء الله، طب دي عليها جوز، قاطعها كامل قائلاً: بس بس إيه اللي بتقوليه ده.

عزيزه: الله مش بفطم الواد، عشان ما يضيعهاش من إيده، هز راسه بيأس منها ثم نظر لابنه الذي ينظر لهم بعين متسعة فقال: بص يا بني أنا مش عايز أضغط عليك بس في نفس الوقت عايز أطمن على بنت ابني ومراته كمان، ماهي برضه لسه عيلة وأمانة في رقبتنا ومش هنمنع عنها اللي حلله ربنا، عايزك بكره ترد عليا عشان نفاتحها في الموضوع، لأن أنا عارفها وإقناعها هيكون صعب.

يونس: أنا موافق يا حاج، تهلل وجه كامل وعزيزه التي قالت ضاحكة: ههههههه البت حليت في عنيه.

يونس: إيه اللي بتقوليه ده بس يا أمي، أنا بعمل كده عشان أحل مشكلة، هو أنا كنت شفتها قبل كدة.

عزيزه: لا لا على ضمانتي أنا هتشوف حورية من الجنة، قلب عينيه بملل فأردف كمال قائلاً: أنا هكلم أخوها كريم الأول، هو جاي النهاردة بالليل، الأصول كده، وإن شاء الله ربنا يسهل، أومأ الجميع برأسهم.

في شقة يونس دخل ليرتاح قليلاً، وعلى غير العادة وجد مروه سعيدة ووجهها مشرق، فهو اعتادها ناقمة على عيشتها، رفع حاجبه مستنكراً فقالت هي: أهلاً يا يونس.

يونس باستغراب: الحمد لله، مالك مبسوطة يعني.

مروه بسعادة وهي تكمل طلاء أظافرها: ولا حاجة مبسوطة الله كتير عليا.

يونس: لا يا ستي ولا كتير ولا حاجة، فين مالك.

مروه بلا مبالاة: كالعادة مع جورى.

تأكد أنها بحالة غير عادية، فهي في العادة تصرخ في وجه ابنها وتغضب من فكرة ملازمته لابنة أخيه، ولكن الأغرب أنها قالت جورى ولم تلصق اسمها بوالدتها كما تنعتها دائماً، بنت شهد، فقال: لأ ده كده الوضع مريب.

مروه: مريب ليه بس.

يونس: أصلك ما قولتيش بنت شهد، وكمان سايباه معاها عادي من غير تكوني مضايقة.

مروه بسعادة والشماتة تقفز من عينيها: الله يا يونس، ما الواد لازم يشبع منها، مش هيمشوا من هنا خالص وبلا رجعة.

آه، الآن فقط فهم عليها، وعلم سر هذه السعادة، ابتسم داخلياً بسخرية فهي لا تعلم حتى الآن بأمر الزواج منها، ولكن فليؤجل أمر إخبارها الآن لحين معرفة رأي شهد، فلا داعي للخلاف من الآن، أخذ نفساً عميقاً ووقف من مكانه ودخل إلى غرفة نومه لينال قسطاً من الراحة.

نظرت هي إلى طلاء أظافرها وهي تنفخ فيه ببرود ثم ابتسمت بشماتة من الفكرة التي أتتها وهي تفكر بالذهاب لزوجها وإغرائه والتمتع بوقت حميمي معه، فهي لديها زوجها أما الأخرى فقد غاب زوجها وهي بعز شبابها ولا حق لها بالاستمتاع بهكذا شعور بعد فقدان زوجها، أرادت الشماتة منها حتى لو بينها وبين حالها، فقامت مسرعة وارتدت إحدى ثيابها المغرية وذهبت إليه.

كان يتسطح على فراشه ويضع يده فوق عينيه يفكر في حديث والديه وكيف له أن يتزوج هذه الصغيرة وهي زوجة أخيه، أزاح يده من على عينيه وهو يشعر بيدين تمر فوق صدره تتحسسه بإغراء، ووجد أمامه مروه تنظر له نظرة يفهمها جيداً، ابتسم لها فقالت: وحشتني، ثم مالت عليه وبدأت بتقبيله بنهم ورغبة وسرعان ما استجاب لها بقوته وخبرته المعهودة واستمتعت هي برجولته الشديدة.

بعد وقت كان هو تحت الدش ينعم بحمام منعش أما هي تبتسم بشماتة ثم قفزت مسرعة والتقطت الهاتف المنزلي وقامت لأول مرة بالاتصال على شقة شهد، ثواني وأتاها الرد وكانت هي شهد، أغمضت عينيها بغضب وهي تستمع لصوتها العذب والذي زادها حقداً، ألا يكفي جمالها الفاتن هل ينقصها صوت ناعم ذو بحة مميزة أيضاً، زفرت بتماسك لاستكمال هدفها قائلة بدلع مايع: أيوه يا شهد، ازيك.

شهد بحزن: الحمد لله على كل حال.

مروه بتجاهل لحزنها: بقولك إيه يا شوشو.

شهد باستغراب: أيوه.

مروه: عايزة منك خدمة.

شهد بصدق: أمريني حبيبتي.

مروه: ممكن تعطلي مالك عندك شوية.

شهد: لا ما تقلقيش، هو ملازم جودى.

مروه بخبث مدعية الحرج والكسوف: احمم، أصل، ههههه، مش عارفة أقولك إيه، بس يونس معايا، احمم وكل ما أقول خلاص خلص، ألاقيه راجعلي تاني، هههههه، أنتي فاهمة بقا، احمر وجه شهد حرجاً من بجاحة الأخرى قائلة بتلعثم: اااحاضر، حاضر حبيبتي، عيوني.

مروه: أوكي، سلام بقا عشان جوزي جه تاني، ههههههه.

شهد بخفوت واستغراب: سلام.

أغلقت معاها الهاتف وهي تبتسم بسعادة ونصر، أما على الجانب الآخر أغلقت شهد الهاتف وهي تنظر له باستغراب، فخرجت ملك من المطبخ قائلة: مين اللي كان بيتصل، إيه ده مالك مستغربة كده ليه.

شهد: أصل حصلت حاجة غريبة أووي.

ملك: حاجة إيه، هو مين اللي كان بيتصل.

شهد: دي مروه، أول مرة من يوم ما تجوزت تعملها أصلاً.

ملك: ده بجد، بقالكوا أربع سنين متجوزة عمرها ما رفعت عليكي سماعة تليفون.

شهد: لأ.

ملك: نعم، ولا حتى بعد غياب سعد، ثانية كده، دي ما طلعتش تعزيكي ولا مرة، لااااااا، براحة بقا كدا واحكيلي كانت متصلة ليه.

عند يونس اتصل به والده يخبره أن كريم أخ شهد قد حضر ولابد أن يأتي ليتحدث معه بشأن زواجه من شهد، فهو العريس ولابد أن يطلبها هو لنفسه، ارتدى ثيابه على عجل وبقلبه فرحة لا يعرف معناها ولم يمهل لنفسه وقتاً ليفسرها إنما نزل سريعاً للأسفل حيث يجلس كريم مع والده.

بعد السلام والترحيب تنحنح كريم قائلاً: احمم، خير يا سيادة اللوا.

كامل: كل خير يا بني، احنا كنا عايزين نكلمك بخصوص شهد.

كريم: أنا فاهم يا سيادة اللوا، شهور العدة قربت تخلص وأنا هاخدها تعيش عندنا في بيت أبوها، أنا عارف الأصول كويس وأنا سيباها هنا عشان ده شرع الله وما ينفعش الأرملة تسيب بيت جوزها إلا بعد ما تخلص عدتها، لكن احنا بيتنا كبير وواسع وتحت أمرها وأمر بنتها في أي وقت.

تابع المقال

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً
إغلاق
زر الذهاب إلى الأعلى