منوعات

جوزي اجبرني اسيب شغلي علشان ارعه امه حكايات منى السيد ج2

سحبت إيدي بالراحة من على كتف فردوس، وسبتها في أوضتها ترغي وتخبط مع نفسها من التوتر. دخلت أوضتي وقفلت الباب، وقلبي كان بيدق زي الطبلة… خلاص، الست اللي كانت مخدوعة ومستسلمة مټت، واللي واقفة دلوقتي واحدة تانية خالص، قادرة تخطط وترد الصاع صاعين.
أول خطوة كان لازم أعرفها بيت جدتي الحاجة زينب. الشقة دي كانت مكتوبة باسمي ورث شرعي عن أمي وجدتي، وفاروق من يوم ما اتجوزنا كان بيحاول يقنعني نكتب الشقة باسمه أو نعمل عقد بيع وصوري عشان التأمين والأوراق الحكومية، وأنا كنت دايمًا بأجل الموضوع بحسن نية. هل التمثيلية دي كلها عشان يضغطوا عليا وأنا مكسورة ومحتاجة سند، فأتنازل عن الشقة؟ ولا الموضوع أكبر من كده؟
تاني يوم الصبح، نزلت من الشقة بدري بعد ما فاروق نزل شغله. قلت لفردوس إني رايحة أشتري طلبات للبيت ولأدويتها، لكن الحقيقة إني أخدت تاكسي وطرت على شركة
فاروق… أو المكان اللي كان بيفهمني إنه شغاله فيه.
وصلت عنوان الشركة في مدينة نصر، دخلت الاستقبال وسألت على فاروق عبد المجيد في قسم اللوجستيات. الموظفة بصلتي باستغراب وقالتلي أستاذ فاروق؟ أيوة يا فندم، بس أستاذ فاروق مش شغال في اللوجستيات… ده شغال في قسم الحسابات، وكمان ساب العمل ومشي من أكتر من ست شهور بعد ما قدم استقالته!
الكلمة نزلت عليا زي الصاعقة. ست شهور؟! فاروق استقال من شغله من ست شهور وبيخرج كل يوم الصبح يلبس البدلة ويعمل نفسه رايح الشغل؟! طب حضرتك تعرفي هو راح فين؟ أو ساب الشغل ليه؟ الموظفة اتوترت وقالت والله يا فندم هو قال إنه طالع يفرغ نفسه لمشروعه الخاص، كافيه أو مطعم في المهندسين… ده كل اللي نعرفه.
خرجت من الشركة وأنا ركبي بتخبط في بعضها. كل قطعة في البازل بدأت تترسخ في مكانها. فاروق ساب شغله وقعد يصرف على مشروعه الجديد..
. منين؟ منين وهو معندوش سيولة؟ والأدهى من كده… مصاريف البيت الشديدة اللي كان دايمًا يطالبني أدفعها من مدخراتي اللي كنت محوشاها من شغلي القديم في الفنادق! فاروق كان بياخد فلوسي وفلوس تعبي يمول بيها الكافيه بتاعه، وأمه قاعدة تمثل الشلل عشان يضمنوا إني أفضل في البيت خدامة ببلاش ومفكرش أرجع شغلي ولا يكون ليا أي كيان أو استقلالية مادية تخليني أسأل وأدقق وراه!
ركبت تاكسي تاني ورطلت على المهندسين… أدور على الكافيه اللي مكتوب عنوانه في كراسة الحسابات. وصلت العنوان، ولقيت كافيه كبير وفخم شغال وبيدخل زباين، والاسم مكتوب عليه بلانيت… وقفت بعيد شوية، وخلال ربع ساعة بس، شفت فاروق طالع من باب الكافيه، واثق من نفسه، حاطط نظارته الشمسية، وبيسلم على العمال بإشارة كأنه صاحب المكان والآمر الناهي فيه!
في اللحظة دي، الغضب اللي جوايا تحول لبرود تام… برود
التخطيط
للانتقام.
رجعت البيت قبل ما فاروق يرجع. دخلت على فردوس وأنا شايلة أكياس الطلبات، وبصيتلها بابتسامة هادية جداً. أهلاً يا ماما… عملتي إيه النهاردة؟ رجليكي أبارها إيه؟ فردوس بصتلي بشك وحذر وقالت كويسة يا بنتي… الحمد لله. بس إنتِ تأخرتي ليه كده؟ معلش، أصل زراني شوية أصدقاء قدام من شغلي القديم، وفتحنا كلام في حاجات مهمة.
فردوس عينيها برقت وقالت بسرعة شغل إيه؟ إنتِ مش خلاص سبتي الكلام ده وكرستي حياتك لبيتك ولا إيه؟ والله يا ماما العلم عند ربنا… يمكن الأيام تشتال حاجات تانية.
بالليل، فاروق رجع البيت زي العادة، وشه باين عليه الإرهاق المتصنع، ودخل يسألني عن اليوم وزي كل يوم قال جملته المعتادة معلش يا سما، استحملي معايا… فترة وهتعدي وأمي تقوم بالسلامة.
رديت وأنا ببتسم في وش طبعًا يا فاروق… دي أمك برضه، وأنا عمري ما هتخلى عنها.
بس في سرّي، كنت بحضر للمفاجأة
الكبرى.
بعد يومين، اخترت اليوم اللي فاروق بيكون فيه موجود في الشقة بعد الضهر. كنت مرتبة كل حاجة بالمليمتر. اتصلت بالشركة الهندسية والتوثيق العقاري، وجبت معايا محامي أسرتنا القديم، الأستاذ سامح، ومعاه دكتور عظام متخصص ومستقل، ومعاهم كمان اثنين من أعمام فاروق اللي كان دايمًا بيعملهم حساب وبيخاف من كلامهم أمام العيل!
الساعة أربعة الضهر، الباب رن. فاروق فتح الباب وهو مستغرب من كمية الناس اللي واقفة. أستاذ سامح؟ أعمامي؟ فيه إيه يا جماعة؟ خير؟
دخلت الصالة وأنا لابسة أشيك طقم عندي، الطقم اللي كنت بلبسه لما بكون بمثل الفندق في المؤتمرات الكبيرة… كنت طالعة بشخصية سما المديرة مش سما الخدامة.
خير يا فاروق… الناس دول جايين عشان ننهي الموضوع ده للأبد.
فردوس خرجت بصوتها من الأوضة بتنادي بلهفة فيه إيه يا فاروق؟ مين اللي عندك؟
جمعتهم كلهم في الصالة، وفردوس على كراسيها المتحرك
ووشها أصفر زي الليمونة. فاروق اتوتر وبدأ يزعق سما! إيه التهريج ده؟ إنتِ جايبة الناس دي هنا ليه من غير ما تقوليلي؟
قعدت بمنتهى الهدوء، وحطيت رجلاً على رجل، وطلعت ملف أوراق حطيته على الترابيزة. أنا هقولك ليه يا فاروق… أولاً الأستاذ سامح المحامي هنا عشان يثبت إني كتبت شقة مصر الجديدة ملك جدتي الله يرحمها بيع وشراء رسمي باسمي، وأي محاولة منك للعب في ملكيتها اتلغت تمامًا.
فاروق اتصدم وشه اتغير شقة إيه وتنازل إيه؟ هو حد كان قالمك إني عايز شقتك؟
استنى بس يا فاروق متستعجلش… ثانياً الدكتور اللي قاعد ده، جه هنا عشان يفحص أُمك، فردوس هانم. فردوس صرخت بتمثيل رخيص لااا! مفيش حد يلمسني! أنا دكاترتي قالوا الحركة خطر عليا! أنتم عايزين تموتوني؟!
قمت وقفت، وقربت من فردوس بالراحة، ومسكت الكراسة الصغيرة بتاعة حسابات فاروق ورميتها في وش فاروق على الترابيزة!
ودي بقى الكراسة اللي
فيها أرباح

السابق1 من 2
تابع المقال

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى