
يونس: رجل صعب الطباع، رجل أعمال كبير يبلغ من العمر 38 عاماً، جذاب جداً ووسيم ببشرة سمراء وعيون بنية، مرتب جداً ومنظم في حياته، لا يسمح بالخطأ مطلقاً.
سعد: الأخ الأصغر ليونس، ضابط بالجيش يبلغ من العمر 27 عاماً، ببشرة بيضاء وعيون بنية وشعر أسود كثيف، يشبه والدته إلى حد كبير، مرح جداً ويحب زوجته.
شهد: فتاة جميلة جداً، جمال لافت لذلك ترتدي النقاب لشدة جمالها وفتنتها وكثرة المشاكل بسبب جمالها، ارتدت النقاب بعد إلحاح الجميع عليها ضماناً لسلامتها، بعيون زرقاء تقترب من الرصاصي، وشعر بني جميل جداً ووجه ناصع البياض ومظهر لافت إلى درجة ملحوظة، تبلغ من العمر 22 عاماً، مرحة جداً وتحب الحياة ولكن مسالمة لدرجة كبيرة وتتجنب دائماً المشاكل.
مروه: زوجة يونس، تبلغ من العمر 32 عاماً، تشترك مع زوجها في طباع كثيرة منها الشدة والصرامة والجشع أحياناً، بالإضافة إنها من الشخصيات الغيورة جداً، ولكن غيرتها سيئة تتمنى زوال النعمة من غيرها.
عزيزه: والدة يونس وسعد، امرأة طيبة جداً وسلبية جداً، تبلغ من العمر 60 عاماً، تحب أبناءها وتحب أحفادها وخاصة جورى ابنة سعد.
كامل: والد يونس وسعد، رجل حنون هادئ وهو لواء متقاعد ترك عمله قبل سن التقاعد فطبيعة عمله لا تناسب شخصيته الهادئة، وأيضاً بسبب فقدان اثنين من أصدقائه أمامه بسبب طبيعة عملهم لذلك ابتعد عن الشرطة نهائياً.
ريهام: أخت يونس وسعد، متزوجة من ابن عمها وتبلغ من العمر 26 عاماً.
رنا: صديقة شهد ومن نفس العمر.
جورى: ابنة شهد وسعد، وهي نسخة مصغرة من والدتها، تبلغ من العمر 3 سنوات.
مالك: ابن يونس، يشبه أبيه جداً، عمره 12 عاماً، يحب جورى ابنة عمه.
دي كانت شخصيات الرواية الجديدة ولسه شخصيات تانية هتظهر مع الأحداث.
الفصل الأول
توقف بسيارته أمام المبنى السكني الذي يسكن به هو وزوجته وأبويه وأخوه، أغمض عينيه بتعب وتنهد بعمق، سأم حقاً هذه الحياة، يعمل ويعمل دون كلل ولكن لا يوجد بحياته أي لذة، برغم تعبه وإرهاقه الواضحين إلا أنه أصبح لا يريد العودة إلى البيت.
انتبه إلى حركة حوله وشخص يقوم بفتح الباب وهو يتسلل، دقق كثيراً إلى أن ابتسم باستمتاع وهو يرى أخيه ممسكاً بشيء في يده ويتسلل للداخل.
ترجل من سيارته وذهب إليه وبحركة مباغتة وضع يده على كتف أخيه قائلاً بابتسامة مزاح: بتتسحب كده ليه يا وحش الداخلية.
ابتلع أخيه ريقه ثم قال: جرى إيه يا جدع، أنت قافش شخصاً مجهولاً، خضتني.
يونس بتسلية: وهو في حد بيتسحب كده في أنصاف الليالي غير الأشخاص المجهولين، كنت فين، وإيه اللي مخبيه ورا ضهرك ده، إيه ده إيه ده، اتسعت عينيه قائلاً بذهول: بصل.
سعد: أووف، آه.
يونس: وأنت مش عندك بصل في شقتك، وما اتصلتش ليه على أي سوبر ماركت يجيلك الحاجة البيت.
سعد: بس بس أنت مش فاهم.
يونس: فهمني يا نابغة.
سعد: أفهمك أقولك إيه، ما أنت لا هتفهم ولا تحس، ثم أكمل بوعيد مصطنع: ماشي يا شهد والله لأطلع جنانك ده على جتتك.
يونس: يا بني فهمني.
سعد: أصل احنا كنا بنلعب الشايب.
يونس: يا رايق، وبعدين.
سعد: وبعدين أنا لبست في الشايب وشهد هانم هي اللي هتحكم عليا.
يونس باندهاش: وبعدين.
سعد: راحت بنت المجنونة حاكمة إني أنزل دلوقتي أجيب بصل من رابع جار.
انفجر يونس ضاحكاً حتى ادمعت عيناه.
سعد بغيظ: اضحك اضحك، بس والله لأطلع عليها كل ده، ماشي يا شهد يا بنت أخلاص.
يونس من بين ضحكاته: ههههههه الله يخربيتك يا سعد هههههه، ضحكتوني والله.
سعد: ماشي، اضحك اضحك، أنا طالع بقا عشان الحق اللعب من أوله.
يونس: هههههههههه.
سعد: لا لا بلاش الضحكة دي، أنا راجل في بيتي.
يونس: هههههههههههه، آه، أوي، هههههههه.
سعد بعبوس: كده طب أنا طالع، ذهب سعد باتجاه المصعد ولحق به يونس وهو مازال يضحك.
داخل المصعد كان يونس يجاهد لكبت ضحكاته.
سعد بحدّة مصطنعة: ما خلاص بقا يا أخي الله.
يونس: هههههه طب خلاص، بقولك إيه ما تيجى معايا نعدى على أمك وأبوك.
سعد: يا بني دول ناموا من بدري، أنا أصلاً كنت عندهم أنا وشهد النهارده واتغدينا مع بعض.
يونس: ومروه ومالك ما نزلوش خالص طول اليوم.
سعد: لا، عموماً بكره الجمعة وأكيد كالعادة هنتلم كلنا على الغدا.
يونس وقد ظهر عليه الضيق من زوجته: ماشي، ماشي، توقف المصعد عند الطابق الثالث حيث شقة يونس فأردف سعد كي يهدئ أخيه: خلاص يا يونس، ماهي هتنزل بكره وكمان هي كان عندها ضيوف تقريباً.
يونس بضيق منهياً الحوار: خلاص خلاص يا سعد، تصبح على خير.
سعد: وأنت من أهله، هشوفك بكرة على الغدا.
يونس: إن شاء الله، سلام.
سعد: سلام.
أغلق المصعد ودخل إلى شقته فوصل إلى أذنيه صراخ زوجته مروه لابنهم مالك.
يونس بضيق: مساء الخير، خير في إيه، صوتك جايب لآخر الشارع.
مروه بغضب: البيه ابنك سايب بنت خالته ورايح جاي ورا بنت شهد لحد ما زعل البنت منه.
مالك: هي اللي بنت لازقة، وكمان ما تحبليش سيرتها دي زعلت جورى.
مروه: نعم، إيه اللي بتقوله ده يا ولد أنت اتجننت، وكل ده عشان بنت شهد.
يونس: في إيه يا مروه، بنت شهد بنت شهد، اسمها جورى، وتبقى بنت سعد، حاطه شهد في دماغك ليه.
مروه بحدّة وصراخ: نعم، مين دي اللي حاطاها في دماغي، دي حتة فلاحة ما نعرفش أخوك جابها لنا منين، هغير منها أنا.
يونس: على فكرة أنا ما قولتش خالص إنك غيرانه، أنتي اللي بتقولي اهو، وبعدين اللي أعرفه إن الطفل بيتنادى باسم أبوه مش أمه، وبعدين إيه ما نعرفش حابها منين دي اللي بتتكلمي عنها دي تبقى مرات أخويا، يعني عرضه.
مروه: أنت بتزعقلي أنا، مروه الشناوى، عشان البتاعة دي.
يونس: يا بنتي افهمي بقا، مش عشانها، عشان عرض أخويا، وبعدين دي بنت ناس ومحترمة وما شوفناش منها حاجة وحشة بالعكس، وبعدين تعالى هنا، أنتي ما نزلتيش النهاردة خالص تسألي عن أبويا وأنتي عارفة إنه تعبان، إيه ده، هو أنا بقولك تخدميه، اسألي، اسألي بس، إيه ده.
مروه: بقولك إيه كان عندي ضيوف وأنا مش كل شوية هنزل أنا مش فاضية، وبعدين أنا زهقت جداً عايزة أنقل في الفيلا اللي اشتريتها في الكومبوند، أنا مش قادرة أستحمل العيشة هنا خلاص.
يونس: عيشة إيه اللي مش قادرة تستحمليها، ده أنتي عايشة هانم، وخدامة بتجيلك كل يوم تعملك أكلك وتنضفلك، هو أنتي بتتعبي في حاجة، وبعد كل ده يا ريت برجع ألاقي البيت هادي ورايق، لا كل يوم زعيق وخناق.
مروه: كل يوم، إللي يسمعك يقول إنك موجود أصلاً، ده أنت على طول مسافر مش بتقعد 3 أيام على بعض في مصر.
يونس: ماهو عشان أوسع شغلي وأكسب أكتر وألحق على طلباتك، ثم أكمل وهو يقلد صوتها: يونس أنا عايزة العقد الألماظ ده، يونس شوفت فستان جيجى بنت خالي غالي إزاي، يونس، مروان جوز فريدة اشترى فيلا في الجونة، يونس أنا عايزة أغير العربية، يونس لازم نشترك في نادي زي أختي وجوزها، إيه كفاية بقا، ثم تركها ودخل إلى غرفته وهو غاضب بشدة، تركها وذهب إلى غرفته وهو غاضب من واقعه المرير بشدة.
في الطابق الرابع في شقة سعد دخل وهو يتوعد لها عن تلك الأحكام الصعبة متمتماً: ماشي ماشي يا شوشو، هتشوفي أيام سودة، ثواني وجاءت من خلفه وهي تضحك قائلة: ههههههه، مالك بس يا دودى.
التفت إلى تلك الفاتنة زوجته قائلاً: إيه ده، أنتي كنتي في البلكونة.
شهد بصراحة: آه.
سعد بغضب: كده.
شهد: وفيها إيه بس يا سعد أنا خرجت أشوفك عشان اتأخرت أوي وقلقت عليك فمش لازم ألبس النقاب عشان الدقيقة دي.
سعد: شهد، احنا هنعيده تاني، أنا مش ناقص أروح أتعرض لموقف على كل يوم.
شهد: ماهو برضه كده كتير أنا بجد زهقت من النقاب ده، بيخنقني بجد، والله حاولت بس بجد مش عارفة.




