منوعات

انا جوزك ج 1

سعد: يا شهد يا حبيبتي أنا بجد خايف عليكي، أنتي بجد جميلة أوي، أنتي يعني مش فاكرة كام محضر اتعمل عشانك وكام خلاف، ده أنا اتعرفت عليكي في القسم حتى.

ابتسمت لهذه الذكرى ثم أردفت قائلة: أعمل إيه هو اللي كان عايز يدخلني عربيته بالعافية، وأنا والله كنت بجرى منه.

سعد: طب بذمتك ده كان المحضر رقم كام.

شهد: احمم، الـ35.

سعد: اهو شوفتي، وبعدها أهلك هما اللي خلوكي تلبسيه وده كان قرار صح، شهد حبيبتي أنا بجد خايف عليكي من جمالك ممكن يأذيكي.

شهد: عارفة يا سعد وعارفة إنك بتعمل كل ده عشان خايف عليا، هعمل إيه قسمتي كده.

سعد: مالها قسمتك بس ده أنتي ربنا أنعم عليكي بجمال كل الستات يحسدوكي عليه.

ابتسمت هي قائلة: لا هما لو هيحسدوني فعلاً يبقى هيحسدوني على جوزي حبيبي العاقل الحنين أوي أوي.

احتضنها بحب قائلاً: ده أنا اللي اتحسد عليكي يا روحي على جمالك وأدبك وقلبك الطيب وأحلى بنوته جبتها لي، صحيح شبهك وهتجيبلي مشاكل لما تكبر زيك بس هعمل إيه بحبكم.

ابتسم الاثنان فأردف هو قائلاً: عندي ليكي مفاجأة، لمعت عيناها بحماس قائلة: إيه هي بسرعة، ضحك على طفولتها بحب وقال: هترجعي تكملي كليتك من أول السنة بعد الإجازة على طول.

شهد: بجد.

سعد: أيوه يا روحي، أنا أصلاً كنت مضايق جداً إني اتجوزتك وأنتي صغيرة وحملتي على طول واضطريتي تأجلي كليتك عشان الحمل وبعد كده تاخدي بالك من جورى، بس خلاص جورى ما شاء الله كبرت شوية وماما كمان لازقة فيها طول النهار، ده غير سي مالك كمان اللي محرمني أقربلها، ضحك الاثنان على تملك ابن أخيه الشديد ناحية ابنتهم.

فأكملت هي بحزن: بس يا سعد أنا مش عايزة أروح الكلية.

سعد: ليه بس.

شهد: أنا حاسة إني بقالي فترة معزولة عن العالم ومش هع، قاطعها قائلاً: حبيبتي عارف كل اللي حاسة بيه وده طبعي في الأول شوية لحد ما تندمجي مع الناس تاني، وبعدين ما أنتي كل صحابك في نفس الكلية، حبيبتي صيدلة صعبة ومحتاجة تركيز ودي كلية عملي يعني لازم حضور وانتظام وتركيز عشان كتكوتي تبقى أشطر صيدلانية في مصر كلها، ابتسمت له بحب فأكمل هو: تعالى هنا، ده أنا هموتك على أحكامك دي، يونس مات من الضحك عليا.

شهد: هههههههه، الصراحة شكلك كان مسخرة وأنت بتتسحب وأنت مخبي البصل ورا ضهرك.

سعد: اممممم، والله طب تعاليلى بقا، وبعد وقت من اللعب هتف قائلاً: هههاااااااي، أنا اللي هحكم عليك يا حلو.

شهد: أووف، ماشي، قول.

سعد بتفكير وخبث: اممممم، بدلة رقص.

شهد: نعم.

سعد مكملاً: حمرا وبترتر.

شهد: هههههههه لاااااا.

سعد: يالا يا شوشو، يالا يا شوشو.

في اليوم التالي

كانت مروه تجلس بتأفف لا تطيق هذه الجلسة أبداً وهذا التجمع الأسبوعي الذي يجعلها تجتمع مع شهد وزوجها بينما يونس يجلس بجانب أبيه وهما يشاهدان مالك وهو يزرع الصالة ذهاباً وإياباً بغضب لتأخر جورى بالنزول ومكوثها كل هذا الوقت مع شخصين غيره.

زفرت مروة بغضب قائلة: مالك، في إيه خيلتني، رايح جاي كده ليه.

مالك: ماما سبيني في حالي دلوقتي.

يونس وهو يكتم ضحكته: مالك بس يا مالك، متعصب ليه، في حاجة يا حبيبي.

مالك: أوووف، لا مافيش، أنا مش عارف هي اتأخرت ليه، كده كتير أووي.

مروه بغضب: أنا قولت كده برضه.

مالك: في حاجة يا ماما، عايزة حاجة.

مروه بتراجع فشخصية مالك شديدة وصارمة رغم صغر سنه: لأ، مافيش.

ثواني وخرجت ريهام من المطبخ قائلة: أبيه يونس، وحشني والله.

يونس بحب أخويه: وأنتي كمان يا ريمو، هتوحشيني والله، مش قادر أصدق إن خلاص كتبنا كتابك وفرحك كمان كام شهر.

ريهام: شوفت، كبرت صح.

يونس: ههههههه، ربنا يفرحنا بيكي يا حبيبي.

انتفض الجميع منتبهين على صوت مالك الغاضب: إيه ده يا هانم.

نظروا جميعاً حيث جورى تخرج من المصعد وهي بين أحضان والدها ترتدي فستان أحمر قصير يلائم سنها جداً وشعرها البني الطويل كوالدتها ينساب على ضهرها بنعومة خاطفة للأنفاس.

شحب وجه جورى بذعر في حين رفع سعد حاجبه قائلاً: إيه يا د أنت في إيه رعبت بنتي.

مالك بصرامة: بس ما تقولش بنتي.

سعد باستنكار: أمال أقول إيه، ماهي بنتي.

مالك: لا مش بنتك، بنتي أنا.

نظر له الكل بصدمة، هل هو طفل في الثانية عشر من عمره أم رجل تخطى الثلاثين.

سعد: ليه اسمها جورى سعد العامرى.

مالك بتحدٍ: لا جورى مالك العامرى، هي ليا من أول ما اتولدت، ثم أكمل بغمزة: خلصانة.

اتسعت أعين الجميع وهم يستمعون لحديثه ونبرة التملك الواضحة في حديثه.

نظرة الجدة له قائلة: أنا مش عارفة أنت طالع لمين كده.

كذلك كان يونس يشاهد ما يحدث باستغراب شديد، هو بعمره لم يكن كذلك تجاه أي فتاة حتى مروه زوجته.

ريهام لسعد: أمال شوشو فين يا سعد.

سعد وهو مازال على صدمته من حديث ابن أخيه: بتاخد دوش ونازلة.

مالك بأمر وصرامة: جورى، تعالي هنا.

تركت جورى يد سعد سريعاً وركضت ناحية مالك الذي تنهد بارتياح وهو يرفع أنفه بشموخ وعظمة أذهلت الجميع.

الجد: مالك، طيب سيب جورى تسلم عليا.

مالك: سوري يا جدو ما عنديش استثناءات.

صعق الرد الجميع فهمست جورى بنبرة ناعمة لمالك قائلة: لوكه، هسلم على جدو، هو وحشني.

مالك بغضب: ما تقوليش وحشني دي لحد غيري.

جورى: حاضر.

الجد: يونس خلي ابنك يسيب البنت.

مالك: ما عنديش وسايط يا جدو.

ضحك الجميع على جديته وشموخه، فقالت جورى: مالك، سبني أسلم عليه، عشان خاطر جورى.

تنهد بغضب ووافق على مضض لإرضائها بينما الجميع يشاهد بذهول ما يحدث وكيف أنه لم يستمع غير لحديثها.

ذهبت جورى وقبلت جدها واحتضنته تحت نظرات مالك الغاضبة والجميع يبتسم على وجهه المحمر غضباً.

ثواني وفتح باب المصعد وخرجت منه شهد بفستان صيفي أحمر مع حجاب رقيق ونقابها الجميل، أول ما رفعت عينها عن الأرض اصطدمت بعيني يونس الذي لم تستطيع أن تفسر نظراته، هو أيضاً كذلك، بينما مروه تزفر بحنق وهي تشتم رائحة عبيرها الجميل وترى عينيها الزرقاء الواسعة تبتسم بسعادة.

دخلت بعدما ألقت التحية على الجميع وجلست بجوار سعد.

ريهام: اتأخرتي ليه يا شوشو كل ده دوش.

شهد بصوتها المميز الجميل: على بس ما غيرت هدومي.

ريهام: طب يالا نحضر السفرة زمانهم جاعوا.

شهد: أوكي، يالا.

نظرت عزيزه باتجاه مروه كي تذهب وتضع معهم الطعام بينما يونس يجلس جانباً يتحدث مع سعد.

يونس بابتسامة: لا بس أنت كنت مولع الدنيا امبارح، هههههههههه.

سعد: أوبس، أنت سمعتنا.

يونس: هههههههه، ابقى وطي صوتك في سكان غيرنا في العمارة.

سعد: هههههههههه، مانا حكمت عليها زي ما حكمت عليا، دي خرجتني أجيب بصل في نص الليل، وجارنا بقا عمال يبصلي زي ما أكون تنين براسين.

يونس: هههههههههههه، تستاهل.

سعد: هتجنني قريب والله.

ابتسم يونس بحب وهو فرح جداً لسعادة أخيه، فهو لطالما اعتبره ابنه وهو من قام بتربيته وتكفل بمصاريف تعليمه منذ الصغر حتى أصبح رائداً في الجيش.

وقفت شهد بجانب السفرة بعدما أعدتها هي وريهام وقليلاً من مساعدات مروه المتأففة، جلست جورى بالطبع بجانب مالك وسط ضحكات الجميع عليهم.

يونس: وااااو، المكرونة النهاردة تحفة، تسلم إيدك يا ماما بجد.

عزيزه بابتسامة: لا يا حبيبي دي شهد اللي عملتها.

رفع نظره فتلاقت عينيهم فقال بابتسامة: تسلم إيدك.

شهد بخفوت وأدب: شكراً.

ابتسم سعد قائلاً وهو يقبل يديها: تسلم إيدك يا حبيبتي.

تابع المقال

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى