منوعات

يوسف

عند ماجد وسعد كان قاعد بيبص لوالده بدموع اللي نايم على السرير ما بين الحياة والموت. فجأة تعالت أصوات الأجهزة بالإنذار بأن دقات قلبه توقفت عن العمل. نظر له ماجد بخوف وصدمة وهو بيصرخ في الأطباء ليلحقوا والده. دخل الأطباء له بسرعة وهم مستغربين من هذا التغير العجيب بحالته، فكانت حالته مستقرة، ماذا حدث له الآن؟ دخل الأطباء وهم يقوموا بتجهيز أدوات الإنعاش وجسده لا يستجيب لها اطلاقاً. نظر له ماجد بخوف وهو يتابع دقات قلبه التي توقفت تماماً وأجهزة الإنعاش التي يستخدمها الأطباء دون فائدة. وآخر كلمة قالها وهي: يوسف!!

جري ماجد وهو بيفتح الجناح بعنف تحت اعتراض شديد من الدكاترة. زقهم ودخل وهو بيمسك جهاز إنعاش القلب وهو بيضغط بيه على قلب والده يمكن يرجع للحياة تاني. والدكاترة بيزعقوا له عشان يخرج وبيمنعوه من اللي هو بيعمله وانه خلاص توفي ومينفعش اللي هو بيعمله ده. إلا أنه تجاهلهم وهو بيضغط بقوة أكبر ومش مصدق أن والده ممكن يروح منه. وفجأة قلبه رجع للحياة تاني وبدأ جهاز القلب يرجع يشتغل تاني. سجد ماجد على الأرض وهو بيعيط ومش مصدق أن والده رجع تاني للحياة بعد ما فقد الأمل وهو بيشكر ربنا بدموع وعدم تصديق. نظر الأطباء لوالده الذي رجع للحياة بصدمة ثم هرول أحد الأطباء وهو يخرج ماجد للخارج ليباشروا بإتمام عملهم، وماجد بالخارج ينظر لوالده بدموع ويدعو الله ليكون والده بخير. ثم تغيرت ملامحه فجأة وهو يتوعد لمن كان السبب في حدوث هذا لوالده بالشر!!

عند زهرة وزمرد كانت قاعدة واخدة زمرد في حضنها بعد ما هدت. سمعت صوت الجرس قامت تفتح لقيته ياسين. قال بنعاس واضح في صوته: ازيك يا زهرة؟

زهرة: ازيك يا ياسين، اتفضل.

دخل ياسين وبقي زمرد قاعدة باين عليها الحزن والهدوء عكس طبيعتها. بصلها باستغراب: في ايه؟ مالك يا زقرده؟

زمرد وهي بتبسم غصب عنها: الحمد لله، انت عامل ايه؟

ياسين عرف انها مضايقه وقرر بينه وبين نفسه انه يكلمها بس مش دلوقتي: الحمد لله يا زوزو.

زمرد بضيق: قولتلك مليون مرة مبحبش الاسم ده.

ياسين برخامة: مش مهم، أنا بحبه.

فين خالتي؟

زمرد بهدوء: جوا في المطبخ بتحضر الفطار.

دخل ياسين المطبخ وهو بيبوس دماغها وبيقول بحب: ازيك يا خالتي، عامله ايه؟

هبة بحب وهي بتشيل الأطباق: الحمد لله يا حبيبي، حماتك بتحبك. أنا كنت لسه حالاً هطلع الأطباق.

ياسين وهو بيشيل الأطباق معاها: خالتو اللي مظبطانا خالص علي الفطار.

هبة بضحك: يا بكاش. ثم أكملت بحيرة: أومال فين خالد؟

تحولت ملامح ياسين للضيق وهو يتذكر كلامه أمس، لكنه حاول أن لا يبين شيء لخالته لانه يعرف انها عندما تعرف ما حدث سوف تحزن منه. قال بهدوء: قام متأخر وراح علي الشركة علي طول.

أومأت خالته بهدوء وشالوا الأطباق سوا وهما بيحطوها علي السفرة وزهرة بتبصله باستغراب وصدمة. دائماً زهرة كان نفسها يوسف يشيل معاها الأطباق كده ويساعدوا بعض ويشاركها في كل حاجه، لكنه دائماً كان بيقولها دا شغل ستات وبس واحنا كرجاله مينفعش نشيل اطباق وبطلي شغل عيال بقي، وعمره ما وافق انه يساعدها في المطبخ أو في البيت أو في أي حاجة عموماً. كانت زهرة بتقارن بينه وبين يوسف واكتشفت ان ياسين طبعاً الكسبان في المقارنة دي.

ندهن عليهم هبة وهي بتقعد علي السفرة: يلا يا بنات عشان الفطار.

راحت زمرد وزهرة قعدت زهرة علي الكرسي بتوتر وبدأت تأكل بهدوء، وزمرد قعدت جنبها وهي بتقلب في الأكل بس من غير ما تأكل.

هبة باستغراب: مالك يا زمرد؟ في حاجه حصلت ولا ايه؟

زمرد بهدوء: مفيش حاجه، شويه مشاكل في الشغل مش أكتر.

هبة بعدم اقتناع: ماشي يا حبيبتي، ربنا معاكوا يارب ويوفقكوا دائماً. ويلا بقي كلي ومتدخليش الزعل في الأكل بتاعك.

تنهدت زمرد وبدأت من غير شهية وكل تفكيرها في ليل. أما عن زهرة كانت بتأكل بخجل شديد وهي ملاحظة نظراته المصوبة حولها باهتمام مما جعلها لا تستطيع أن تأكل من توترها منه. انهت طعامها مسرعة وهي تنهض للذهاب.

قالت هبة بحنان: رايحة فين يا زهرة؟

زهرة بابتسامة متوترة: أنا الحمد لله شبعت، وهمشي بقي.

ياسين وهو يقوم هو الآخر: طيب يلا عشان أوصلك.

زهرة بتوتر: مش عايزة أعطلك.

ياسين وهو يقول بداخله يعني أنا جاي مخصوص عشانك وعشان أوصلك وانت تقوليلي مش عايزة أعطلك. ثم أكمل بحدة: يلا يا زهرة، بيتك بعيد عن هنا. قالها وهو يتوجه للمرحاض ليغسل يداه، وهي تنهدت بخجل وقامت وهي تسلم علي زمرد التي برغم حزنها إلا أنها كانت فرحة من أجل صديقتها واهتمام ياسين بها، وهبة التي كانت تنظر لياسين بنظرات غير مفهومة.

خرج ياسين من المرحاض وودع خالته وزمرد الذي مازالت علي حالتها، وهو يقول لزهرة: يلا ولا ايه؟

زهرة بتوتر وسرعة: أه يلا.

نزل هو وهو ينزلها بعدها وقام بفتح باب السيارة لها. تنهدت بجمود وهي تجلس وتتذكر عندما طلبت من يوسف ان يفتح لها باب سيارتها ورفض وقال ان هذه الحركات ليست سوي حركات المراهقين ليست حركات الرجال. وكانت هذه مقارنة أخرى بينه وبين يوسف وفاز هو بها مرة أخرى.

جلست جانبه بالسيارة بدأ هو يحادثها بهدوء: متعرفيش زمرد مالها؟

زهرة بتوتر: فقد أمنتها زمرد علي عدم التحدث في هذا الموضوع مع اي احد. لا معرفش.

ياسين بهدوء وقد علم انها تكذب عليه: تمام. ثم أكمل بتساؤل: بيتك فين بقي؟

زهرة وهي تخبره عنوانها. قال بعدها بمرح: هاتي موبايلك كده.

أعطته هاتفها باستغراب. أخذه وهو يقوم بفتحه وكتب رقمه عليه وقال وهو يعطيها هاتفها مرة أخرى: دا رقمي، لو احتجتيني في أي وقت كلميني وعمري ما هخذلك.

ابتسمت زهرة له بامتنان: أنا بجد متشكرة ليك يا ياسين.

خلاص، تمام.

أوصلها إلى البيت وهو يقول لها بحب: اوعي تتردي تكلميني في أي وقت. أنا موجود في أي وقت عشانك يا زهرة.

ابتسمت له زهرة بخجل وهي تصعد للمنزل، وهو نظر لها بمشاعر متطربة. طلعت زهرة السلم وقلبها بيدق جامد، لكن فجأة تحولت ملامحها للضيق والقلق وهي تأنب نفسها: في إيه يا زهرة اللي انت بتعمليه ده؟ اوعي ترجعي تثقي في حد تاني بسهولة أو ترجعي تدي لحد قلبك كده تاني عادي. اوعي يا زهرة!!

أما عند ياسين كان مازال راكب العربية وهو مغمض عينيه باستمتاع وهو بيشم ريحتها اللي ملت المكان باستمتاع، وحاسس أن قلبه بيدق بعنف كل لما بيفكر فيها أو بيشوفها. قاطع أفكاره صوت تليفونه اللي بيرن. بص للمتصل وهو بيتمني تكون زهرة لكن لقاه خالد. بص لاسمه بضيق وهو بيعمل الموبايل صامت ومقرر انه يتجاهله رغم محاولة خالد المستمرة في الحديث معه لكنه لم يرد عليه.

أما عند خالد كان قاعد وهو مضايق من ياسين انه رضي انه يخسر صاحبه وابن خالته عشان بنت!!

عدي شهرين على أبطالنا. ما بين يوسف اللي بينتقم من مروان وميرنا وباسم والانتقام عاميه وقرب يآخد فلوسه قريب اوي. وما بين ليل اللي مازال بيدور هو وكل معارفه اللي يقدروا يوصلوه لزهرة ولسه مش عارف يوصلها!! وما بين زمرد اللي راحت خدت هدومها من زهرة وبقت تروح تقعد معاها كل شويه ويتكلموا سوا ومازالت علي حالتها. وما بين زهرة اللي بدأت تنجذب لياسين وحنيته معاها وخصوصاً انها كل لما تحطه في مقارنة مع يوسف هو اللي بيكسب وبجدارة، وبتحاول متفكرش فيه علي قد ما تقدر. وياسين اللي حب زهرة ومبقاش يعرف يستغني عنها واعترف لنفسه بمشاعره ناحيتها لكن قرر انه يحتفظ بيها لنفسه لحد ما يجي الوقت المناسب اللي يقولها فيه حقيقه مشاعره. وبين تجاهله لخالد الشديد وعدم تحدثه معه لان كل مره يحدثه خالد بها تكون علي ان زهرة خبيثة وتلعب به وهو لا يستحمل كلامه عليها بهذا الشكل وقرر ان لا يرد عليه الا ان يعترف بخطأه ويتوقف عن ما يتفوه به لزهرة.

تابع المقال

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى