منوعات

يوسف

زمرد بضحك: يعني مش عارفه ايه اللي بيحصل ومش واخده بالك!

زهرة باستغراب أكبر: آخد بالي من ايه؟ في ايه يا زمرد أنا مش فاهمة حاجة!!

زمرد بخبث: مش ملاحظه إن في إعجاب من ياسين ناحيتك؟

زهرة بصدمة: ناحيتي أنا؟!

زمرد بخبث أكبر: مشوفتيش كان بيبصلك ازاي طول القعده؟ يلا الله يسهلوا يا عم.

زهرة بضيق: زمرد لو سمحتي، أنا مبفكرش في الموضوع ده ومستحيل يحصل. أنا قلبي قفلته ومش هفتحه تاني.

زمرد بحزن على صديقتها: ليه يا زهرة؟ دا ياسين محترم ومتربي، مش زي كلب الفلوس اللي كنت متجوزاه. مش كل الرجالة وحشة، مش عشان تجربة فاشلة يبقي كل التجارب فاشلة والرجالة وحشة. ادي لنفسك فرصة، هتخسري ايه!

زهرة بجمود: زمرد لو سمحتي متفتحيش الموضوع ده تاني معايا. ياسين زي أخويا بالظبط ومش هيبقي غير كده.

زمرد بتنهيدة: ماشي يا زهرة زي ما تحبي. بس مش معني إني سكت يبقي الموضوع خلص. أنا هسكت بس مش هسيبك إلا لما تشيلي الموضوع ده من دماغك.

فتحت الدولاب وجابت لها بيجامة وادتهالها وهي بتقولها: تصبحي على خير.

وخرجت وقفلت الباب وراها تاركة زهرة تفكر في ما قالته، وتفكر هل تعطي لقلبها فرصة ثانية أم تسير وراء عقلها الذي يمنعها عن ما تفكر به. وبالنهاية استسلم عقلها وهي تقوم لترتدي البيجامة وتذهب في سبات عميق، ومازال كلام زمرد يتردد في عقلها بدون توقف.

عند ياسين وخالد كانوا راكبين العربية وهما متوجهين لأقرب فندق عشان يباتوا فيه. قال خالد بضيق: لازم يعني تقولها تبات الساعة ٢ بليل وأنا ورايا شغل بكره بدري؟ هقوم ازاي؟

ياسين بحدة: خلاص بقي يا خالد، من ساعة ما ركبنا العربية وانت مبتتكلمش. اللي علي زهرة، وازاي أوافق إنها تبات؟ يا بني الوقت كان متأخر ومينفعش تروح لوحدها، وأنا مينفعش أوصلها في الوقت ده لوحدنا. فمكنش في حل غير إنها تبات. وبعدين يعني عادي، انت مدايق ليه؟ اعتبره يا سيدي تغيير.

خالد بضيق: بس أنا ملاحظ انك معجب بالبت دي اوي ومشلتش عينك من عليها طول القعده. أنا من رأيي يا صاحبي، لو انت بتفكرها فيها زي اللي فدماغي، بلاش دي مطلقة يعني كان في حياتها راجل تاني. انت من حقك إنك تتجوز واحدة بنت بنوت تكون انت أول واحد في حياتها. دي متناسبكش ولا مادياً ولا اجتماعياً.

ياسين كان بيسمع كلامه وهو بيضغط على إيده جامد لحد ما عروقه برزت وقال بغضب كبير: ومالها يعني يا خالد؟ مالها المطلقة؟ انت من امتي تفكيرك بقي سطحي كده؟ من امتي واحنا بنبص لحالة الناس الاجتماعية والمادية ونحكم عليهم من خلالها؟ انت عمرك ما فكرت كده.

خالد بضيق هو الآخر: فيه ان البت دي ماشيه كل شويه تدور علي كل واحد شويه مش عاتقة حد وعامله فيها الغلبانه المسكينة، وأنا بفوقك من اللي انت فيه عشان شكلها. لحقت تضحك عليك انت كمان. افهمني يا ياسين، دي عقربة يا بني، ميغركش شكلها ده، دي بتداري بيه الأعيبها وخبثها. اسمع مني.

وقف ياسين العربية فجأة وفتح باب العربية وخرج. خالد من العربية وهو بيقول بنبرة أول مرة خالد يسمعها منه: انت اتغيرت اوي يا خالد، وأنا كان لازم آخد بالي من كلامك عليها الأول. انت معتش خالد اللي أنا اعرفه، واعتبر الصحوبية اللي بينا انتهت من انهارده. قال كلامه له بضيق وعتاب وانطلق بسيارته تاركاً خالد ينظر له بصدمة أنه فعل هذا لأجل زهرة الذي يراها تتلاعب بكل واحد منهم ما بين وقت والآخر. تنهد بضيق وضيق منها ومن صديقه وهو يكمل سيره بضيق لفشل خطته وخسارته لصديقه وضيق من زهرة تلك التي كانت سبب لفقدانه أعز أصدقائه.

عند يوسف كان قاعد وقدامه بعض من رجال الأعمال وهو يقول لهم بنبرة مخيفة: بصوا بقي، أنا عايزكوا تبيعوا اللي وراهم واللي قدامهم. وقسماً بالله لو اتقفشتوا أو فشلتوا لأكون دافنكوا مكانكوا، فاهمين؟!

الرجال بخوف: فاهمين.

يوسف وهو يقول بنبرة باردة: تقدروا تمشوا.

ذهبوا جميعاً من أمامه بخطوات راكضة. رن هاتف يوسف، نظر للمتصل بملل وهو يرد: الو، عايز إيه؟

المتصل جابر: أنا عارف مكان مراتك اللي انت بتدور عليها!!

يوسف بلهفة: بجد؟! طيب هي فين؟

ضحك جابر بسخرية: لا والله، وأنا هقولك كده على طول؟ لازم مقابل قدام. انك تعرف مكان مراتك.

يوسف بلهفة: موافق على أي حاجة تقولها، بس هي فين بقي؟

جابر بغموض: في إسكندرية!!

البارت السادس عشر

جابر بغموض: في إسكندرية!!

يوسف باستغراب: غريبة! يعني بتعمل ايه في إسكندرية دي؟ عمرها ما راحتها قبل كده! ثم أكمل بجدية: فين في إسكندرية؟

جابر بسخرية: لا يا حبيبي، انت سألتني هي فين وقولتلك في إسكندرية. أكتر من كده مش هقول غير اما تعملي المصلحة بتاعتي اللي عايزها منك.

يوسف بضيق: انجز يلا، انت هترغي!!

جابر بخبث: مقبولة منك. أنا سمعت انك بدأت ترجع فلوسك من تاني بعد ما خدوها منك باسم وميرنا ومروان، فقولت لازم أطلعلي بمصلحة.

يوسف ببرود: كام؟

جابر بطمع: ٣ مليون جنيه.

يوسف بغضب وهو ينتفض في جلسته: نعم يا روح امك؟ ٣ مليون؟ عفريت يركبوك. لا طبعاً، مش دافع حاجة.

جابر بخبث: براحتك، بس افتكر اني عارف مكان مراتك اللي انت قالب الدنيا عشان توصلها.

يوسف بغضب أكبر وهو يمسك من ياقة قميصه: أنا مستغني عن خدامتك يا حبيبي، وهعرف أوصلها بمعرفتي. ياريت تخرج برا وملمحكش تاني، فاهم؟

جابر بتوعد: تمام.

خرج جابر وهو بيتوعد ليوسف بضيق وكره. أما عند يوسف في الداخل، قام بالاتصال بأحد أصدقائه المقربين قائلاً:

يوسف بهدوء: ازيك يا ليل؟

ليل بهدوء: الحمد لله يا يوسف، انت عامل ايه؟

يوسف بابتسامة: الحمد لله. كنت عايزك في حوار كده.

ليل بهدوء: أؤمرني يا يوسف.

يوسف ببرود: كنت عايزك تعرف مكان زهرة مراتي. هي في إسكندرية، عايزك تعرف لي عنوانها في أقرب وقت.

ليل باستغراب: هو انت متعرفش مكانها ازاي؟ هو انتوا اتخانقتوا ولا ايه؟

يوسف بضيق: ملكش فيه، كل اللي أنا عايزه منك تعرف مكانها. ثم أكمل بحقد لم يلاحظه ليل في صوته: وانت أصلاً هتعرف ازاي وانت مسافر في انجلترا بقالك سبع سنين بتأخد الدكتوراه وعايش في ميه البطيخ وبتعرف اخبارنا كلها بالموبايل ونازل أجازة شهر وعايز تعرف كل حاجة كده وكأنك مهتم اوي يعني. اعمل اللي بقولك عليه طالما انت عايش في إسكندرية وليك ناس قرايبك ممكن يساعدوك وقولي مكانها ومتدخلش في اللي ملكش فيه.

ليل بحزن وضيق من صديقه: ماشي يا يوسف، هعرفلك مكانها. وشكراً يا صاحبي على تفكيرك فيا بالطريقة دي!!

قفل يوسف معاه بضيق وهو حاسس انه خسر كل اللي الناس اللي كانت حواليه وبيحبوه وأولهم زهرة وليل بسبب أسلوبه وتعامله معاهم!!

عند زهرة قامت من النوم بتعب، فهي لم تستطع النوم طوال الليل من كلام زمرد الذي كان يتردد في عقلها الليلة الماضية دون توقف. ذهبت للمرحاض وتوضأت وأدت فرضها ثم ارتدت ملابسها وهي تضع حجابها وتستعد للذهاب لمنزلها. خرجت وجدت زمرد ممسكة بالهاتف الخاص بها وهي تنظر في الهاتف بهيام وحب كبير. استغربت زهرة من نظراتها. وهبة تقف في المطبخ تعد الإفطار. اقتربت زهرة من زمرد وهي تجلس بجانبها وجدتها تنظر لصورة شاب ظلت تنظر لملامحه بتركيز وهي تشعر أنه ليس غريب عنها وتعرفه جيداً. ثم قالت بهمس بعد أن تذكرته: ليل!!

فاقت زمرد من شرودها على صوت زهرة الذي يشبه الهمس بجانبها. نظرت لها ثم نظرت للهاتف بفزع وهي تقوم بارتباك واضح وهي تقول بتلعثم: انت تعرفيه يا زهرة؟!

زهرة باستغراب: دا ليل ابن خال يوسف.

اشمئزت ملامح زمرد وهي تقول بقرف: واضح، ابن خاله!!

زهرة بسرعة: بس هو مش زيه خالص على فكرة. دا طيب وابن حلال وحنين وكويس جداً، الفرق بينهم فرق السما من الأرض.

زمرد بغيرة: والله! وانت تعرفيه منين ان شاء الله!

زهرة بضحك على ذلك المجنونة: يا بنتي دا ابن خاله وزي أخويا بالظبط.

زمرد براحة: طمنتيني.

زهرة ضحكت عليها لكن تغيرت ملامحها فجأة للضيق والحزن: انت زي ما تقوليليش يا زهرة حاجة زي كده.

زمرد باستغراب: حاجة زي ايه؟

زهرة بضيق: انك بتحبي ليل او ان في حد في حياتك عمتاً. مش احنا صحاب يا بنتي؟

زمرد بحزن عميق، لأول مرة تراه زهرة بهذا الحزن قائله: لا، ما هو خلاص بقي.

زهرة باستغراب: خلاص ازاي يعني؟

زمرد بحزن دفين: أنا وهو كنا بنحب بعض أيام الثانوي، ووعدني انه هيجي يتقدملي لما ندخل الكلية عشان كنا وقتها لسه صغيرين ومكنش ينفع يتقدملي إلا لما نكبر شويه. بس هو جاب مجموع كلية الطب وأنا جبت كلية الصيدلة. اتبعت له منحة تفوق في انجلترا، وقتها قلتله يتجوزني ويأخذني معاه، موافقش وقالي دراستك اهم مني ومينفعش آخدك معايا واهلك مش هيرضوا انك تبعدي عنهم ومش هيستحملوا بعدك عنهم شهر واحد، وانت تستاهلي واحد احسن مني. واهو مسافر بقاله سبع سنين ومعرفش عنه حاجه ولا حاول يكلمني حتي!!

زهرة بحزن: لاجلها وانت محولتيش تكلميه!!

زمرد بضحكة سخرية: أنا كنت بقعد طول اليوم برن عليه وكان مبيردش عليا، وبعدها غير رقمه واداه لياسين، وياسين قالي انساه لانه شاف حياته بعيد عني ومش عايزني في حياته. بعد كده وانا حاولت والله حاولت بس غصب عني بيحوشني وبفتكر ايامنا وقت الثانوي ووعوده ليا. اعمل ايه يا زهرة عشان انساه؟ اعمل ايه قوليلي!

زهرة بحزن لصديقتها وهي تحضنها وتواسيها وقلبها يؤلمها عليها وتشعر بالحزن على ما عانته، ومستغربة كثيراً من ليل وتصرفه معها فهو ليس كذلك اطلاقاً.

تابع المقال

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى