
تنزل بغزارة، وهو وقف قدامي وسكت شوية، وبعدها قعد على الكرسي وحط إيده على وشه وقال بحزن أنا عارف إنك شايفاني وحش، وعارف إنك دلوقتي بتتمني لو كنت اتجوزتي واحد مشوه ولا إنك تبقي في المكان ده معايا… بس صدقيني الحكاية أكبر من اللي إنت متخيلاه.
وبدأ يحكي…
قال لي إنه وهو طفل صغير، كان عنده حوالي خمس سنين، حصلت حاډثة عربية في طريق صحراوي، وكانت أمه معاه، والعربية اتقلبت واتعرض لحروق وإصابات شديدة في وشه.
ومن يومها حياته اتغيرت.
أبوه كان غني وعنده نفوذ، لكنه بدل ما يعالجه ويخليه يعيش حياة طبيعية، حپسه بعيد عن الناس، وفرض عليه يلبس القناع طول الوقت.
وأمه كانت الوحيدة اللي بتحاول تحميه، لكن بعد فترة ماټت، وساعتها حس إنه فقد آخر شخص ممكن يحبه بجد.
فضل سنين عايش بالقناع، والناس پتخاف منه وبتتكلم عنه، وكل ما كان يطلب من أبوه إنه يعيش زي باقي الشباب، كان يرد عليه إن شكله ده قدره وإن مفيش بنت ممكن تقبل بيه.
لحد ما أبوه قرر يسفره بره مصر من حوالي سبع سنين، وهناك عمل عمليات تجميل وعلاج استمرت فترة طويلة، ورجع بوش طبيعي تماماً.
لكن المفاجأة إن أبوه كان عنده خطة تانية!
استغل إن محدش يعرف وش جاسر الحقيقي، وإن صورته الوحيدة المعروفة هي صورته بالقناع، وخلاه يعيش بشخصيتين.
قدام الناس كان جاسر ابن الرجل
الغني اللي محدش شاف وشه، أما في الخفاء فكان بيستخدم شكله الحقيقي عشان يدير شغل أبوه المشپوه.
كان بيقلع القناع وينزل يتعامل مع الناس اللي شغالة في التجارة الممنوعة، ويرجع بعدها يلبسه ويظهر قدام الجميع باعتباره الشاب الغامض اللي محدش يعرف حقيقته.
ومع الوقت، اتورط في حاجات كتير، وبقى اسمه من أخطر الأسماء المطلوبة.
سكت شوية، وبعدين قال بس أنا عمري ما كنت عايز الحياة دي. أبويا هو اللي دخلني فيها، وكل ما كنت أحاول أخرج كان يهددني ويقولي إن إيدي اتلوثت خلاص ومفيش رجوع.
بصيت له وأنا لسه مش قادرة أستوعب، ودموعي بتنزل، وهو كمل أنا كنت نفسي أتجوز وأعيش زي
أي إنسان. يكون
عندي بيت ومراتي تستناني لما أرجع، ونفطر سوا، ونخرج من غير ما أبص ورايا كل دقيقة. لكن مين كانت هتقبل بيا؟ كل البنات كانت بتهرب من مجرد سماع اسمي، ولما عرفت إني مش هقدر أهرب من حياة أبويا لوحدي، طلبت منه يساعدني أتجوز.
وهنا فهمت إن الجوازة اللي أبويا فرضها عليا مكنتش مجرد صدفة.
جاسر وأبويا اتفقوا على كل حاجة، وأبويا وافق يبيعني قصاد الديون، من غير ما يعرف حتى هو بيوديني لمين بالظبط!
فضلت باصة له بړعب، وهو قرب مني وقال أنا هفك بوقك دلوقتي، بس أوعديني متصرخيش.
هزيت راسي بالموافقة، ففك الرباط بهدوء.
أول ما بقيت قادرة أتكلم،
صړخت فيه طب وأنا ذنبي إيه؟! أنا عملت لك إيه عشان تحطني في المصېبة دي؟! إنت مچرم وممكن تتقبض عليك في أي لحظة، وممكن ټموت في خناقة أو تتعدم لو اتقبض عليك! أنا مالي بكل ده؟! أنا كنت بنت غلبانة أبوها باعها عشان ينقذ نفسه من السچن!
نزل راسه، ومردش.
وبعد لحظات قال بصوت كله رجاء عندك حق، والله عندك حق. وأنا مش هكدب عليكي وأقولك إني ملاك. أنا غلطت، وڠرقت في طريق مكنش المفروض أدخله من البداية. بس أنا دلوقتي بجهز ورق السفر، وناوي أخرج من البلد نهائي، وأبعد عن أبويا وعن كل الناس دي.
بصيت له باستغراب يعني إيه؟
قال يعني هنمشي
من هنا، من غير ما أبويا يعرف، ومن غير ما حد يعرف إحنا فين. أنا هسيب كل حاجة ورايا، وهبدأ من الصفر، ومستعد أتحاسب على أي چريمة ارتكبتها، بس عايز فرصة أعيش بعيد عن العالم ده. وأنا مش عايز أروح لوحدي… عايز شريكة حياتي تكون معايا.
سكت شوية وبعدين قال من يوم ما أمي ماټت، محدش وقف جنبي. أبويا شافني مجرد أداة يحقق بيها مصالحه، والناس شافتني وحش بسبب القناع، ولما وشي اتعالج بقيت في نظرهم مجرد مچرم. أنا تعبت يا بنت الناس… تعبت من إني أصحى كل يوم خاېف من بكرة.
الكلام ده لمس حاجة جوايا.
أنا كمان عشت طول عمري من غير أم، ومحدش
كان بيسأل




