
للي ضحكت عليا واستغلت إني محتاج شغل.. سامحيني يا منى!
قلت له بمنتهى الجمود والبرود اللي في الدنيا هدومك في شنطة الخيش اللي في البلكونة يا شريف.. قدامك خمس دقائق تختفي من قدام وشي، وإلا الفيديو ده بالصوت والصورة هيكون عند مديرك القديم وعند كل العيلة وعلى منصات التواصل.. وأنت عارف أنا أقدر أعمل إيه بفلوسي.
في ثلاث دقائق، كان شريف بيلف هدومه في أكياس زي الحرامية، وولاد عمي واقفين فوق رقبته، لحد ما خرجوه بره الشقة ورموا كياس هدومه على السلم وقفلوا الباب في وشه.
سقطت على الكرسي وأنا حاسة إن جبل انشال من على صدري، بس المشوار مخلصش.. المومس الثانية اللي قاعدة في حدائق المعادي مستنية التليفون لازم تاخد نصيبها.
خالي حسن بصلي وقال قومي يا منى.. الدور على العقربة الثانية.
ركبنا عربياتنا واتجهنا لحدائق المعادي. الساعة كانت بقت حوالي عشرة ونص بالليل. وصلنا العمارة..
العمارة كانت هادية، والنور شغال في الدور الرابع في شقتي. خالي حسن قال لولاد عمي يفضلوا تحت على باب العمارة، وأنا وهو طلعنا على السلم.
طلعت مفتاحي وفتحت الباب بهدوء ودخلنا. ريهام كانت قاعدة في الصالة، لابسة كاش مياه نضيف ومكياج كامل، ومسكة الموبايل بتتفرج على فيديوهات تيك توك وبتاكل فاكهة من اللي أنا بعتاهالها!
أول ما سمعت الباب بيتفتح، قامت بسرعة وهي فاكرة إن شريف هو اللي راجع لها، وقالت بنبرة دلع إيه ده؟ تأخرت ليه يا شوكو..؟
الكلمة اتجمدت في لسانها أول ما شافتني داخلة وورايا خالي حسن بطوله وهيبته وعصايته! الموبايل وقع من إيدها على الأرض، وشها اتمسح منه كل الألوان، وركبيها خبطت في بعضها.
قالت بصوت متلجلج ومذعور خالي حسن؟! منى؟! إيه.. إنتو جايين في الوقت ده ليه؟! فيه حاجة حصلت لماما؟!
خالي حسن مشي بخطوات بطيئة ورزينة لحد ما وقف قدامها. بص لها بقرف شديد وقائل
أمك بخير يا ريهام.. أنتِ اللي مش بخير، ولا عمرك هتكوني بخير.
ريهام بصتلي وجريت عليا تحاول تمسك إيدي وهي بټعيط مسرحية العياط المعتادة بتاعتها منى! الحقيني! خالي بصلي كده ليه؟ أنا عملت إيه؟ أنا قاعدة في الشقة ومش بخرج والله ومحترمة شروطك!
سحبت إيدي منها بقوة وحقر، وطلعت موبايلي ورصيت قدامها كل حاجة. قلت لها بصوت هادي ومسمۏم ريهام.. شريف اعترف بكل حاجة تحت رجل خالي حسن من عشر دقائق. وائل جوزك القديم حكالي على السات والقرف اللي قفشك بيه وخلاكي تتنازلي عن حقوقك وتطلعي بالورقة. والتسجيل الصوتي اللي سجلتهولكم وأنتو بتاكلوا كباب هنا في مطبخي وحاطة إيدك في إيده وبتخططوا تسرقوا شقتي.. معايا هنا.
ريهام بلمت.. عينيها وسعت بطريقة مرعبة، وفضلت بصالي ومش قادرة تتنفس. المسكنة اختفت، والدموع النشافة اتشفطت، وظهر وشها الحقيقي.. وش الخېانة والغدر.
خالي حسن قعد على الكرسي وقال
بصوت
زي الصخر




