
بصيتلها وانا حاسه بالظلم للمرة الأولي في وشها كل ده عشان خاطره عايزاني اخاطر بالشكل ده عشان ارضي البيه .. عشان يتكرم حضرته ويرضي بيا خلاص بقيت رخيصة للدرجادي.
الا عشان نفسك. عشان محدش يوجعك بكلمة. مش عشانه هو يا بنتي اسمعي الكلام قلبي واجعني عليكي وانا شايفاكي نفسك هنا ابوس ايديكي يا ورد تعالي معايا الدكتور وانا مش هجبرك علي حاجة تانية بعد كده.
بعد ساعتين كنت في عيادة الدكتور.
كانت العيادة بتاعته حلوة اووي ومنظمة قعدت وانا متوترة ومستنية دوري بعد نص ساعة بالضبط دخلت. قعدت علي الكرسي بتوتر وانا حاطه راسي في الارض سمعت الدكتور بيقول ازيك يا ورد ايه انتي مخاصمانا ولا ايه.
رفعت راسي وانا متوقعة انه هيخاف من شكلي زي الباقي. بس اتجمدت مكاني وانا بشوف اجمل عيون رمادية شفتها في حياتي ضحكته مختفتش بالعكس فضل مبتسم وهو بيبصلي وبيقول: ما انتي زي القمر اهو.
حطيت وشي في الارض وسكتت وانا متوترة.
بعد نص ساعة قال: مش هكدب عليكم صعبة اووي ومن درجات صعبة جدا لو هنلجأ للجراحة أحب انبهكم ان نسبة نجاحها قليل اووي وفيه مخاطرة كمان.
ماما مسيطرتش علي نفسها وقعدت تبكي.
ورد: وانا مش هخاطر يا دكتور قلتلهم مليون مرة اني راضية عن نفسي لكن هما بقا.
أبتسم الدكتور وقالي: برافو عليكي وما دام انتي راضية عن قضاء ربنا كده اكيد هيجبر بخاطرك.
ابتسمت ليه واخدت ماما ومشيت وقررنا نقفل خالص علي الموضوع ده وننسي كل حاجة.
ماما اقتنعت بيا زي ما انا محاولتش تغيرني ولا تخليني اقابل عرسان من غير ارادتي حتي تقبلت ماكس وعرفت أن اللي حصلي قضاء ربنا وماكس ملوش ذنب.
في يوم كنت قاعدة في الجنينة برسم وماكس قاعد جمبي لما سمعت صوته.
رسمك حلو.
دق قلبي وبصيتله بذهول: ب.
اسف بس مامتك سمحتلي أدخل اسف لو اتطفلت عليكي.
لا ولا يهمك يا دكتور بس حضرتك بتعمل ايه هنا ايه لقيت علاج لوشي.
ضحك عمر ضحكته كانت تشد سرحت للحظات فيه ولأول مرة اتمني اني مكونش كده عشان يبقالي الحق اني احلم بحياة مع حد وسيم زيه طردت الأفكار دي من دماغي ولقيته بيبص لماكس.
عمر: هو ماكس كان معاكي في الحادثة.
قالها وهو بيشاور علي أجزاء من جسم ماكس.
بصيت لماكس وانا برد: بعد ربنا ماكس اللي انقذني من الخطر.
بصلي بحيرة عشان اشرح زيادة.
من حوالي تلات سنين كان عندي مرسم بحب ارسم فيه وكان دايما ماكس بيكون جمبي يومها غفيت شوية في المرسم ويظهر اني نسيت البويلر شغال صحيت علي صوت ماكس وهو بيعض فيا ويصحيني عشان اخرج. كان في لسه فرصة اخرج من غير أي خساير كنا هنخرج انا وماكس لما وقع خشب ثقيل علي ماكس مقدرتش اطلع واسيبه رفعت الخشب وانا بشده لما وقع خشب تاني علي وشي.
خلصت كلامي وانا ببصله لقيته بيبصلي بصة غريبة.
ورد: اكيد بتقول عليا دلوقتي اني مچنونة لأني حياتي بسبب كلب.
عمر: لا دي نظرة تقدير قليل جدا اللي بيهتموا بالحيوانات بالشكل ده. قليل جدا اللي بيعتبروا الحيوان صديق مش مجرد حيوان بيمتلكوه.
ورد: لولا ماكس كان ما خرجت.
عمر: ولولاكي كان ممكن ماكس مايخرج .. ورد عايزك تيجي معايا مشوار ممكن انا اخذت اذن من مامتك.
ورد: ينفع اخد ماكس.
عمر: اكيد طبعا.
وقفت عربية عمر قدام مبني كبير وشيك.
مسك ايدي وساعدني اخرج من العربية وطلع ماكس ومشي جمبن ادخلني المبني.
ورد بحيرة: ايه ده يا دكتور عمر.
عمر: أولا قوليلي يا عمر بس. ثانيا ده عرض شغل ليكي.
ورد: مش فاهمة.
عمر: ده حلمي من زمان اني اعمل مركز زي مركز علاج نفسي جماعي اتكلم مع اللي عندهم وحالتهم ميئوس منها اديهم دفعة لقدام اعرفهم ان الحياة منتهتش هنا.
ورد: بس ده محتاج دكاترة نفسيين مش احنا.
عمر: انا درست علم النفس جمب التجميل وعندي خبرة مناسبة وغير كده فيه دكاترة نفسيين واخصائيين بيساعدوني.
ورد: طب انا هساعدهم ازاي.
عمر: انتي عندك رضا رهيب بقدرك ومؤمنة ان الحياة موقفتش فلو اتكلمتي معاهم هتديهم دفعة لقدام ها موافقة.
ورد: اجرب.
وفعلا اشتغلت مع عمر في المركز لمدة شهرين وكل يوم كنت بحبه اكتر من الأول بس مقدرتش اعترف ولا ألمحله بحاجة ابدا خفت اخسر صداقته ومش مهم يحبني المهم انه جمبي حتي لو هيبعد بعدين.
كنت قاعدة معاه في المركز لما لاقيته بيقول:
تحبي تسمعي قصة يا ورد.
ضحكت وانا برده: هو انا صغيرة يا عمر.
لا بجد هتعجبك.
تمام قول.
كان فيه شاب زي القمر شبهي كده يعني.. مكانش بيؤمن بحاجة إسمها حب وكان كل ما حد يجيب سيرة الحب علي لسانه كان يضحك عليه بالذات الحب من اول نظرة. الشاب ده في يوم صديق طلب منه أن يكشف علي بنت بحكم انه دكتور تجميلي.
وشي بقا احمر وانا ببصله بتوتر مسك ايدي وهو بيقولي بثبات: البنت دي اول ما دخلت أوضة الكشف وهي جذبت انتباهي حضورها كان قوي محدش قدر يلفت انتباهي بالشكل ده غيرها ولما اتكلمت وقالت انها راضية بحياتها لفتت انتباهي اكتر حاولت انساها واقول انها مجرد حالة مميزة مرت عليا بس مقدرتش اخترعت حجج عشان اجيب سيرتك قدام كريم كنت عايز اعرف انه هيتقدملك.
موقع كل الايام
رواية قلبها سلبت قلبي بقلم سولييه نصار
موقع كل الايام
ولا لا وارتحت لما عرفت انه صرف نظر اخدت عنوانك من عمتك ولقيت الحجة المناسبة عشان اتقرب منك ودلوقتي انا اتاكدت من حاجة.
ايه هي.
اني بحبك وعايز افضل جمبك طول حياتي. تتجوزيني.
عينيا دمعت كان نفسي تصرخ واقول اني موافقة بس رجعت للواقع لو كان عمر أعجب بيا دلوقتي فهو هيحس بغلطه بعدين ده غير احساسي بالنقص كل لما اشوف بنت احلي مني. لا عمر يستحق الأفضل.
قومت وانا بقول: ده مجرد افتتان يا عمر لما نتجوز هيروح بسرعة. هتندم وانت بتقارن بين مراتك والبنات الحلوة اللي هتتقرب منك هتتكسف وانت بتاخدني تعرفني علي قرايبك واصحابك.
عمر: بس انا متاكد من مشاعري انا لو عايز اتجوز اي بنت جميلة وخلاص كنت اتجوزت من بدري لكن انا عايزك انتي انتي بقا لو مش بتحبيني دي حاجة تانية.
ورد بكدب: فعلا انا مش بحبك.
وقالي: بصي في عيني وقولي انك مش بتحبيني وانا بوعدك هختفي من حياتكي الا قوليها.
عن اذنك انا ماشية.
مسك ايدي وقال بإصرار: بصي في عيني وقولي انك مش بتحبيني يالا.
عمر انا ..
مقدرتش اكمل.
غمضت عيني وانا بقول: انت تستاهل واحدة احس.
عمر: ششش مفيش احسن منك مفيش ابدا.
يالا اتجوزيني ولا آخذك انتي وماكس.
عمر افهمني.
قدامك حل من التلاتة يا اما تتجوزيني لاما تتجوزيني لاما آخذك انتي وماكس مفيش خيار رابع.
قررت وقتها اني مضيعش سعادتي بإيديليه افكر في المستقبل خليني في الحاضر مش يمكن لو رفضت عمر اندم طول حياتي قررت مكونش جبانة المرة دي.
مسكت ايده وقولت: خدني انا وماكس وامري لله.
طيب يالا نروح للست الوالدة استأذن منها الأول.
سحبني وراه وانا بضحك.
وبعد خمس شهور اتجوزنا انا وعمر وعشت اجمل سنين حياتي معاه.
عمر كان العوض المناسب لكل السواد اللي عشته وانا بشكر ربنا.
تمت
حكايتي سلبت قلبي
سولييه نصار




