منوعات

انا جوزك ج 3

الجزء الثاني والعشرين

تنظر لهم بحدة تنتظر إجابة في التو.

التفتت لها نادين بابتسامة مصطنعة على اعتقاد أنها إحدى أقارب يونس ولابد من بعض التودد: أنا نادين.. دكتورة نادين.. كنا أنا ويونس زملاء جداً جداً أيام الجامعة.

قالت الأخيرة بخجل مصطنع يوصل رسالة محددة وقد فهمتها شهد فرفعت حاجبها وهي تقضم شفتيها بغيظ.

ابتلع ريقه وهو يشعر بموجة انفعال تنطلق من عينيها تجاهه. هذه النادين لم تترك له فرصة للحديث قائلة: مش هتعرفني عليها يا يونس… أختك دي صح… اممم ريهام مش كده. التفت لها قائلة برقة مصطنعة: أصلي أنا أعرف عيلة يونس كلهم من كثرة قرب يونس عندي.

ابتسمت شهد بحدّة وقالت: آه أنا أخته.

حجظت عيون يونس وقال بقوة فهو يعلم ما يدور الآن في ذهن صغيرته المرحة وكيف ستنتقم منه: لا لا أختي إيه.. مش أختي.. دي م… قاطعته بحدّة وإصرار: إيه يا أبيه يونس مش هتعرف أختك بصحاب الدراسة.

يونس بغيظ: أبيه إيه أنتي كمان.. شه… قاطعته ثانية وقالت بسماجة مصطنعة دور الأخت المرحة لنادين: وأنتو بقا كنتو صحاب بس.. ولا حاجة تانية.

ابتسمت نادين بخبث خفي وهي تنظر أرضاً تصطنع الخجل وهمت للحديث فقال يونس: لأ لأ مفيش بنا… قاطعته نادين: إيه يا يونس.. ريهام مش غريبة.. أنا حبيتها أوي ليه مكسوف تقولها هو الحب حاجة تكسف.
شهد بحدّة وغيظ: حب!؟!
يونس مصححاً بخوف: حب إيه بس.. أنا هفهمك.
شهد بابتسامة تخفي حدة كبيرة: استنى أنت يا أبيه تعالى.. تعالي يا حبيبتي اقعدي جنبي.

قالت الأخيرة وهي تتحدث من بين أسنانها بغيرة وكره وغيظ.
يونس بغضب: أبيه إيه أنتي كمان أنتي استحلتيها.
شهد متجاهلة إياه وكل تركيزها مع تلك النادين فقالت من بين أسنانها مجدداً: تعالى.. تعالي اقعدي جنبي ده أنا حبيتشك أووي.

اقتربت نادين برقة مصطنعة وجلست حيث تشير شهد بحدّة تحاول إخفاءها بابتسامة مصطنعة ويونس يضع يده على رأسه بضياع يقرأ الفاتحة مقدماً على روحه.

يقود عز سيارته بضيق وسرعة. أصبحت تحتل كل تفكيره.. ماذا يفعل.. بأي حجة يذهب لفيلا العامرى كي يراها.

هدأ من سرعته وهو يقترب من محيط فيلتهم عله يلمح أي شيء.
وقف باص مدرسة جورى ومالك فترجل مالك أولاً وهو غاضب بالطبع من جوريته وكثرة صداقتها وأنزلها بعده بعناية وهي تبتسم ببراءة تلوح لأصدقائها بفرحة وشقاوة. رمق الباص المتحرك بغيظ وقال: خلاص مشيو.
نظرت له وجدته عابساً فقالت: ماعملتش حاجة.
مالك: مين الواد اللي كان بيشاور مع صحباتك ده.
جورى مبتسمة بحماس طفولي: ده زين.
مالك لنفسه: وكمان اسمه حلو.
نظر لها وقال: وعرفتيه منين مش اتفقنا بنات بس… ولا ارجع في كلامى زي الأول ولا يبقى ولاد ولا بنات.
جورى: ده توأم زينه صاحبتي. وتحركت وهي تنفخ وجنتيها بغضب متمتمة بصوت مسموع: أوووف… كل حاجة لأ يا جورى لأ يا جورى… جورى زهقت.

ترجل عز من سيارته سريعاً وتقدم لهم وقال مبتسماً: ازيك يا جورى.. عامله إيه… فكراني.
جورى وقد ذهب غضبها بسرعة وطفولة فابتسمت بحماس قائلة: أيوه طبعاً فكراك.. مش أنت عمو عز اللي ساكن جنبنا.. بابا أدهم وحنين.
مالك متدخلاً: أدهم مين.
عز مبتسماً: ابني.
رفع مالك حاجبه بعدم رضا. تنحنح عز قائلاً: احمم. اا. وأنتي يا جورى ليه مفيش حد مستنيكي فين مامى ولا خالتو ملك.
جورى بحزن: مامى تعبانه.
عز مقترباً من هدفه: وخالتو ملك.
جورى: رجعت البلد تاني.

تنهد بضيق وقال: طيب ادخلي بسرعة يالا عشان ماتتأخريش… يالا باي.
جورى ببراءة: بااااي.. وسلملي على أدهم وحنين كتير.. بااااااااااي.
كانت تلوح له بحماس وصوت عالٍ وهو يتحرك لداخل بيته حتى اختفى وجدت مالك على يمينها محتقن الوجه ينظر لها بغضب فقالت بسرعة: جعانه أوي يا لوكه. ثم ركضت للداخل بسرعة وهو يسير خلفها متوعداً.

تنظر بحدّة له وهو يقف قليل الحيلة. لا يدري ماذا يفعل. هل يذهب لخنق تلك النادين أم يخرس فمها الذي يتحدث عن أشياء كانت من الماضي وكذلك لم تكن بكل هذه المبالغة. إنها تبالغ كثيراً بل وتختلق مواقف من عقلها تزيد لهيب الأجواء. هو لم يكن بكل هذه الرومانسية يوماً معها أو مع أحد. أساساً لم يعرف للرومانسية طريقاً إلى مع هذه الشهد المرحة الحادة. تقول إنها أخته حسناً لقد انتهيت يا يونس. لا لا شهد طيبة القلب هي فقط تمزح. تمزح؟! كيف ونظراتها الحارقة له تؤكد لنفسه مئة بالمئة أنها تفكر بطريقة غير ودية تليق بمقامه الرفيع.

: يااااااه دي كانت قصة حب أسطورية بقا.
نطقت بها شهد بغيظ وحدّة تحاول الابتسام بصعوبة عقب انتهاء نادين من حديثها عن قصة حب ملتهبة.

ابتسمت نادين تدعي الخجل وقالت: اممم… كل الجامعة كانت عارفة يونس بيحبني أد إيه.
شهد وهي تومئ رأسها بسماجة: آه وأنا كمان بقيت عارفة.
نادين: أنا حكيتلك عشان حسيتك زي أختي.

شهد مكملة: الصغيرة.
نادين: هههه آه آه طبعاً أختي الصغيرة.
شهد: آه أصل فرق السن بنا كبير يعني.. حتى واضح.
كبتت نادين ضيقها وغيظها بصعوبة وقالت: ههههههه. آه صح بس أنا مهتمية بنفسي خالص بشرة وشعر وميك أب و.
قاطعتها شهد وهي تمسك خصلات شعرها المصبوغ أصفر: آه يا حبيبتي الصرف باين.
نادين: إيه.. لا ده أنا شعري أشقر أصلاً دي مش صبغة.

رفع يونس حاجبه من كذبها فهو يعلم لون شعرها الأصلي من أيام الدراسة.

فقالت شهد: اممم… يبقى أكيد الجذور السمرا دي أنتي كنتي صبغاها عشان تعملي لوك جديد صح.
نظرت لها نادين بحرج لكشفها وقالت: آه.. ااه. أيوه صح برافو عليكي.. ااا.. أنا هستأذن بقا عشان في حالات كتير محتجانى.
شهد بسخرية: ده أنا كنت قربت أنسى إن المفروض وراكي عيانين غيرنا.

نادين: آه شوفتي الكلام الحلو نسانى.. أنا أصلي حبيتك أوي عشان أخت يونس.
شهد: آه أنا أختك أووي.. أخته لازم يعني.
يونس بنفاد صبر: شههههد.
شهد مصطنعة التفاجئ: أبيه يونس.. ده أنا كنت قربت أنسى إنك موجود.
نادين باستغراب: شهد مين.
يونس بضيق: دكتورة نادين اتفضلي حضرتك مش عايزين نعطلك أكتر من كده أكيد سايبة مرضى كتير محتاجينك.
نادين بميوعه: إيه دكتورة نادين دي يا يويو.
شهد بغيرة: يويو؟!
نادين بدلع: اممم أصلي كنت دايماً أدلعه أقولو يا يويو وهو دايماً كان يقولي يا نادو.
شهد بتقزز: يويو؟!! ونادو!! ماجمع إلا ماوفق.
يونس بتفاجئ من حديثها: يويو مين يا نادين أنا أول مرة أسمع الاسم ده. ده لو كان اسم أصلاً.
نادين: ماتتكسفش يا يويو.. أختك خلاص عرفت اللي بينا.. وأنا حبيتها أووى.
يونس بغيظ وصراخ: أولاً قصدك اللي كان بينا.. ثانياً بقا دي مش أختى.
نادين بتفاجئ: إيه إزاي.
يونس بقوة: زي ما سمعتي.. دي مش أختى دي مر… قاطعته شهد ببرود وسخرية: أصله بيعتبرني زي بنته.

أغمض عينيه وكأن الكهرباء قد انقطعت عن عقله فقال وهو مازال مغمضاً عينيه ويكور قبضة يده: اخرجي أنتي يا نادين دلوقتي.. وابقى ابعتي لنا دكتورة جراحة.

نادين: ليه؟
يونس بقوة وغضب: هتخيط للمدام رأسها.

خرجت نادين باندهاش وهي تلوح له بحرج مصطنع. أغلق الباب خلفها بغضب ووجه محمر يتوعد لتلك الصغيرة. التفت لها وجد الحدة تتطاير من عينيها وتنظر له بغيظ.

تبدل كل توعده لها بتوجس من هيئتها وردة فعلها على ما سمعته. ولكن غضبه منها لا يحتمل.
يونس بغضب: أنتي إزاي تقولي إنك أختى.
شهد بحدّة: إيه يا أبيه يويو.. مش كنت تقول إن حبيبة القلب لسه على تواصل معاك.
يونس بغضب: إيه أبيه دي اللي طلعالى فيها جديد دي.
شهد ببرود: الله مش أختك وأنت أكبر منى بكتير لازم أحترم فرق السن.

السابق1 من 5
تابع المقال

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً
إغلاق
زر الذهاب إلى الأعلى