منوعات

انا جوزك ج 3

يونس بغضب: فرق سن إيه وكلام فارغ أنا جوزك وأنتي مراتى.
شهد بحدّة: والله… بقى مقضيها وعاملى فيها الراجل الشقيان المكافح.. يا بتاع ناااااادين.
يونس بغضب: إيه بتاع نادين دي.. وكل الكلام اللي قالته ده تاليف وتحوير.. عمر علاقتى بيها ما كانت كده. كانت أقرب من الزمالة العادية بشوية. ولو كانت علاقتى بيها بالحرارة اللي هي بتتكلم عنها دي عمر ما كان أعز صحابى هيرضى أبداً يتجوزها بعدى.
شهد بجنون: اااااه… قول بقا ده أنت مشروخ من جواك عشان أعز صحابك خانك واتجوزها.
يونس بجنون من جنانها: مشروخ إيه وخان مين لا طبعاً ده أعز صحابي وهيفضل طول عمره كده ولا هو ولا أنا شايفين إن جوازه منها فيها حاجة غلط.

شهد بغضب: بس ده مايمنعش إنك كداب.
يونس بضيق: شهد إيه اللي بتقوليه ده.. أنا بحبك آه لكن أنا يونس العامري مش هسمح لحد يقولي كده أبداً حتى لو كان روحي في إيده زيك.

شهد بحزن: لا هتسمح يا يونس عشان أنت ضحكت عليا.. قولتلى إنك عمرك ما حبيت أبداً وإن أنا أول واحدة تعمل فيك كده ماحكتليش عن أي حد قبل كده.

تنهد بقوة وقال: لا قولت بس أنتي ماكنتيش واخدة بالك… أو بمعنى أصح ماكنتيش مركزة معايا ومش حطانى من ضمن الأشخاص الأساسية في حياتك.. سمعتي كلامى باهتمام آه بس علمش في دماغك ولا اتحفر في مخك لأنى ساعتها كنت يونس بيه أخو جوزك.

نظرت له بصمت وحيرة فأكمل متنهداً: فاكرة لما كنا في الأوتيل وقعدت أحكيلك على حياتى وإزاي دخلت طب وإنى كنت بشتغل مع الدراسة.
أومات له بهدوء فأكمل: طب مش فاكرة إنى ساعتها حكيتلك عن بنت كنت مرتبط بيها بس سيبتها لأن دماغنا ومبادئنا من واحده. طب مش فاكرة لما قولتلك إنها كانت بتقولى ليه تشتغل في البزنس ما احنا ممكن نعمل من الطب فلوس كويسة أوى.

اتسعت عين شهد بتذكر وقالت: اااااه.. دي كانت نادين.
يونس بهدوء: آه هي.. شوفتي بقا إنى مش كداب زي ما قولتى وإنى سبق وحكيت كل حاجة بصراحة.

شهد بحزن: آه بس هي بتحكى غير كده.. وبتقول حاجات كتييير.. كنتوا بتلعبوا وتجروا وتتجننوا مع بعض وتاكلوا آيس كريم تحت المطر.
يونس: طب بزمتك دي هيئة واحد يجرى ويتجنن وياكل آيس كريم تحت المطر.
نظرت لهيئته وشموخه ولكن قالت: وإيه يمنع مالوش علاقة بالهيبة خالص… ماهو اللي بيحب أوي بيتجنن مع حبيبته ومش بيهمه أي حاجة والحاجات دي مش بتقلل من قيمة حد بالعكس.
يونس بهدوء وقد جلس أمامها على الفراش: صح.. مالوش علاقة والراجل مهما كان سنه أو هيبته ومركزه ممكن جداً يتجنن مع حبيبته ويشاركها كل حاجة وده مايقلش منه حاجة بس ده لما يكون بيحبها بجنووون. مش علاقة عادية جداً.
التصق أكثر بها وأكمل: أنا محبتش حد بجنون غيرك.. ده لو اعتبرنا أن نادين كانت حب أصلاً.. أنا معتبر إنك أول حب في حياتى.. أي حاجة قبل كده ممكن نسميها أن قلبى كان بيجرب يشتغل بس.

ابتسمت بحرج فقال: يعني زي ماتور العربية بيشتغل آه بس مش بيمشى غير بالبنزين بيبقى بيسخن الأول.. يعني مع نادين كان قلبى لسه بيدور ويسخن.

ابتسمت لتشبيهاته الغريبة وقالت: أنت بتجيب التشبيهات دي منين.
ابتسم قائلاً: سيبك من تشبيهاتى.. أنتي… قاطعته متذكرة بغضب وغيرة: لا استنى… دي بتقول إنكو دايماً بتسألوا عن بعض وعمركوا ما نسيتم بعض. ثم أكملت مقلدة صوتها: اممم أصلي الحب الأول بيفضل طول العمر هو الحب الحقيقي.
يونس: ماقولتلك بتألف.
شهد بقوة: هتألف وأنت واقف طب وأنت ماكدبتهاش ليه وهي واقفة إلا إذا كان معاها حق في كل اللي بتقولو.

صرخ بجنون حقيقي وهو يجذب خصلات شعره: وهو أنتو كنتو سايبنلى فرصة أتكلم.. وكل ما أجى أفهمها تقومى مقطعانى.. هو أنا عرفت أفهمها إنك مراتى ولا أوقفها وأقولها أنتي كدابة.. ولا عارف أخرسك وأنتي بتعصبيني وتقولى يا أبيه.
شهد: مش مصدقة طبعاً كنت تقدر تخرسنا احنا الاتنين إلا إذا كانت بتقول حاجات حقيقية يا.. يا أبيه يويو.

يونس بضيق وغضب: إيه يويو دي.. وبطلى كلمة أبيه دي أنتي هتسطعبطى أنا جوزك يا مدام.
شهد بسخرية حادة: بس أنا بقا عاجبنى دور الأخت أكتر.
نظر لها بوعيد وقال وهو يهز رأسه: بقا كده… تمام… أنا هعرفك دلوقتي أنا أخوكى إزاي.

لم يمهلها وقتاً حتى لتوقع ما سيفعله إنما انقض عليها يهمس لها بقوة وحنان وهي متفاجئة ثم حاولت التمنع لكن لحظة أخرى وذابت معه في لمساته وهي تبادله بنعومة وحرارة حين قلل عنفه وحولها إلى لمسة محمومة بنعومة شديدة عندما استشعر استجابتها له وهو يبتسم وسط لمساته بحب ورضا وفخر بحب صغيرته له والتي أصبحت لا تستطيع إخفاءه عنه إنما تغير بحدّة عليه وتذوب معه في سخونة مشاعرهم التي أصبحت مشتركة بقوة.

دقائق لا يعلمون عددها و لمستهم تزداد حرارة وشغفاً.

حتى صوت الطرقات العالي على الباب لم يستمعوا لها من كثرة انشغالهم ببعض كل بالآخر ينفصل به عن العالم.

فتح الباب ودخل الطارق. فانتبهوا على صوت شهقات فزعة بحرج وأخرى بغيظ.

رفع وجهه عنها بصعوبة فاحتدت عينيه بغضب وأنزل على حبيبته نقابها بسرعة ونظر مرة أخرى بحرج ولكن غضبه أكبر وهو يرى عبدالله ونادين ومى يقفون ثلاثتهم أمامه.
عبد الله بحرج متفهماً لحرمة صديقه: احنا اسفين بس قولنا نيجى نسلم عليك.. وو.. وخبطنا ماحدش رد خوفنا يكون حصل حاجة وأنت مش موجود فافتحنا.

كل هذا ومى تنظر أرضاً بحياء من الموقف. أما نادين تنظر لهم بعين جاحظة بغيظ وتفاجئ وتخبط فتحدثت: إيه اللي بيحصل ده… أنت إزاي..إزاي.. دي… إزاي تعمل كده مع…أختك.

كل هذا ويونس ينظر لهم بغضب وخصوصاً عبدالله لأنه رجل ولكن يعلم أنه لم يقصد ولكن لم يشأ أن يراه أحد مع زوجته في هذا الوضع فهذا لا يصح.. يعلم أنه لا يصح ما فعله هو وهو يعلم أنه خارج غرفتهم ومنزلهم ولكن جنان زوجته هو ما أوصله لهذا. وعندما تحدثت نادين وعلى ذكر سيرة أخته نظر لشريرته بغيظ فهي من أقبلت بادعاء هذا. رغم نقابها الذي يغطى وجهها ولكنه قرأ معالم حاجبيها وعينيها التي تنظر له باستمتاع وكأنها تقول: البس يا معلم.

سب تحت أنفاسه متوعداً لها ونظر باتجاه الثلاثة أصدقائه وقال لنادين من بين أسنانه: أخت مين.. دي شهد.. مراتى.

شهقت بقوة وغيظ قائلة: مراتك… مراتك إزاي.. بس هي قالت إنها أختك… وبعدين أنا عارفة مراتك.. اسمها مروه من سننا.

تابع المقال

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى