منوعات

يوسف

باسم بحقد: كفاية؟! دا أنا لسه ببدأ، وانا لسه عملت فيه حاجة. وحياه أمي لأخليه ينام يحلم بيا.

ميرنا بخبث: ناويله على ايه؟

باسم بابتسامة سخرية: على كل خير يا قلبي!!

عند زهرة وياسين كانوا وصلوا لخالة ياسين. كانت زهرة متوترة ومحرجة جداً وحاسة إن ده مش مكانها. وياسين كأنه حس هي بتفكر في ايه وقالها بمرح: متقلقيش يا ستي، والله خالتي طيبة وهتحبك.

تنهدت زهرة بابتسامة وهي تصعد معه إلى منزل خالته، ويتبعهم خالد وزمرد. وصلوا إلى الشقة، ضرب ياسين الجرس وفتحت خالته الباب وهي بتبص للباب بهدوء لاعتقادها أنه خالد قد أتى من العمل، لتتفاجئ بياسين يقف أمامها وهو يبتسم. احتضنته بلهفة وهي بتقول باشتياق واضح: حبيب قلب خالتك، واحشني اوي بقي. متفكرش تيجي تزور خالتك لمدة سنة؟ ينفع كده؟

ياسين وهو يخرج من حضنها ويقول لها بابتسامة زادت جاذبية: والله يا خالتي، الشغل في القاهرة كان ساخرني، مكنتش بلاقي وقت أصلاً أخرج ولا أروح في حتة. بس اديني نقلت شغلي إسكندرية وهجيلك كل يوم لحد ما تزهقي مني.

هبة بحب: وانا عمري ما أزهق منك أبداً يا حبيبي. تعال ادخل بدل ما احنا واقفين برا كده.

سحبته هبة خالة ياسين إلى الداخل وكأنها لا ترى غيره. سحبت زمرد زهرة التي كانت واقفة بتوتر وإحراج، وخالد دخل وراهم وهو مركز مع زهرة. جلسوا جميعاً بالداخل.

قالت هبة وقد لاحظت وجود زهرة قائلة وهي توجه نظرها ناحية ياسين بفرحة: دي خطيبتك يا ياسين؟ أخيراً سمعت كلامي وخطبت؟ ما شاء الله زي القمر، ربنا يخليكوا لبعض يا حبيبي. وانت اسمك ايه يا حبيبتي؟

اكتسى وجه زهرة بالحمرة وهي تنظر لياسين بإحراج. وياسين كان يسمع كلامها بابتسامة وكأنه يريد أن يتحول هذا الحديث لحقيقة، فهو لا يعرف عندما رأى زهرة لأول مرة انجذب إليها بشدة وكأنه لم ير فتاة جميلة من قبل غيرها. لكنه أجاب وقد فاق من شروده على صوت زهرة التي تقول بإحراج وخجل: لا حضرتك، أنا مش خطيبته.

هبة باستغراب: أومال انتي مين يا حبيبتي؟

كانت زهرة لا تعرف ماذا تقول لها وهي تشعر بالخجل من نفسها لقبولها بأن تجلس وسط عائلة لا يعرفها فيها أحد، وهي تشعر أنها غريبة عنهم. شعرت زمرد بتوترها وخجلها الملحوظ فقالت بمرح كعادتها: دي صحبتي الأنتيم يا ماما، زي اختي كده بالظبط. وأنا قولتلها تيجي عشان أعرفك عليها، هتحبيها اوي يا ماما.

هبة بود وطيبة: نورتي يا بنتي. وانت اسمك ايه بقي؟

زهرة وقد قل توترها قليلاً: زهرة.

هبة باعجاب: ما شاء الله يا حبيبتي، اسم على مسمى. وانت خريجة ايه يا زهرة؟

زهرة بابتسامة: الألسن.

هبة بتفهم: معنى كده انت أكيد بتشتغلي عند خالد في الشركة صح؟

زهرة بارتباك: أنا كنت الأول بشتغل عنده، بس أنا وزمرد نقلنا شغل تاني من فترة قريبة.

هبة باستغراب: ليه؟

زهرة بهدوء: يعني حصل مشكلة في الشغل كده، فسبنا الشغل.

هبة بتفهم: طيب وانت يا حبيبتي عندك كام سنة؟

زهرة بهدوء: ٢٢ سنة.

هبة باعجاب: طيب وانت مرتبطة أو في حد في حياتك؟

عند هذا السؤال ارتبكت زهرة واكتسى وجهها الاحمرار. رد خالد بسرعة: دي مطلقة يا ماما.

هبة باستغراب: ومالها المطلقة يا حبيبي؟ ما هي زيها زينا عادي يعني.

بدأت هبة تغير مجرى الحديث وهي تتكلم عن ذكريات طفولتهم وزهرة تضحك بمرح عليهم، وقد أحبت هبة التحدث معها. كانت زمرد متابعة نظرات ياسين الذي كان سيأكلها بعينيه وهو ينظر لها باهتمام وتركيز كبير ولها وطريقة كلامها وعفويتها، وقد شعر أن إعجابه بها زاد الضعف بعد تأكده أنها جميلة من الخارج ومن الداخل أيضاً. نكزت خالد في ذراعه الذي كان متابع حديثها هو الآخر قائلة: انت مش واخد بالك من اللي بيدور حواليك والا ايه؟

خالد باستغراب: إيه اللي بيحصل؟

زمرد بخبث: ياسين وزهرة.

خالد باستغراب أكبر: مالهم؟

زمرد بخبث أكبر وهي تشير له على ياسين الذي كان مازال ينظر لزهرة باهتمام كبير: بص، ياسين شكله لقي بنت الحلال خلاص. بص بيبص لزهرة ازاي؟ ده شكله واقع خالص!!

خالد بضيق: ما يمكن يكون بيبصلها عادي وانت مترجمة الموضوع غلط!!

زمرد بضحك، تائهة عن ذلك الذي يجلس بجانبها يكاد ينفجر من الضيق: يأكله يا بني. والله معجب بيها ومنجذب لها. أهو شوف بيبصلها ازاي. يلا ربنا يتتم لهم بخير ونشوف عيالهم. قالت آخر جملتها بضحك وهي تعود لتشارك معهم في حوارهم، وخالد مضايق جداً وهو قاعد مركز مع ياسين وزهرة، وأتأكد فعلاً من كلام أخته!!

عند يوسف كان قاعد في غرفة مظلمة وهو بيردد بحقد وكره: والله لأندمكوا كلكوا. كان بيقول الكلام ده وهو بينظر لصورة مروان وباسم وميرنا اللي متعلقين قدامه وهو معلم عليهم بقلم أحمر وبينظر له بحقد كبير. ثم أكمل بجنون: ولا عاش ولا كان اللي يضحك علي يوسف باشا أو ياخد فلوسه. والله لأرجع فلوسي دي جنيه جنيه وأزيد كمان وأنتقم منكوا. مش يوسف اللي يضرب على قفاه من شوية عيال زيكوا ولا راحوا ولا جم. وخرجهم يا زهرة، حتى لو رجوعك ليا هيكلفني حياتي، لازم أرجعك لأني اكتشفت إن محدش في الدنيا دي حبني ولا هيحبني قدك. لازم أرجعك في أسرع وقت عشان انت هتسمعي كلامي بسرعة وهتكوني من أهم العوامل اللي هترجع فلوسي تاني ليا. لازم أرجعك يا زهرة في أسرع وقت!!

عند سعد وماجد كان ماجد قاعد برا وهو بيعيط وبيدعي أن باباه يكون عايش. عدي أكتر من ستة ساعات ومفيش حد خرج يطمنه عليه. لغاية ما خرج الدكتور أخيراً من الغرفة بإرهاق وتعب شديد.

قال ماجد بلهفة: بابا كويس يا دكتور؟ صح؟

الدكتور علي: الحمد لله، والدك نجا من الموت. الإصابة كانت جنب القلب بحاجات بسيطة.

ماجد بفرح: الحمد لله. يعني أقدر أشوفه؟

علي: لا طبعاً مينفعش. هو لسه طالع من عملية جراحية صعبة جداً، هي اللي استغرقت الوقت ده كله. والله أعلم هيفوق انهارده ولا بكره ولا امتي بالظبط. ما اقدرش أحدد.

ماجد باستغراب: يعني ايه يا دكتور علي؟

الدكتور: يعني الحمد لله العملية تمت بنجاح، بس منعرفش هيفوق منها امتي. ممكن انهارده، بكره، كمان شهر، سنة، على حسب استجابة جسمه للعملية ومقدرته إنه يقوم تاني.

ماجد بحزن: يعني ممكن يقعد كتير ما أشوفهوش؟

الدكتور: والله دي حاجة بإيد ربنا. وبعدين احنا عايزينه يقوم انهارده قبل بكره عشان نبدأ نحقق في قضية الاعتداء!!

عند ياسين وزهرة كانوا قاعدين مع هبة اللي كانت معجبة بزهرة وطريقة كلامها وعفويتها في الكلام.

قال خالد بضيق وهو مازال يراقب نظرات ياسين لزهرة: والله يا جماعة، القعدة معاكوا مبتشبعش منها. أتمني نكرر القعدة ديه تاني.

قامت زهرة بإحراج منه وهي بتقول لهبة اللي زغرت له بضيق من كلامه: أنا مبسوطة جداً إني اتعرفت على حضرتك واتمني نتقابل تاني.

هبة بحب وحنان: والله وأنا أكتر يا حبيبتي. قعدتك مبتشبعش منها، وإن شاء الله نتقابل تاني قريب. قالت كلامها وهي تشير لمغزى معين من كلامها، فهم خالد كلامها ونظر لها بضيق وهو يقف ويقول بضيق: زهرة هتروحي لوحدك ولا أوصلك؟

زهرة بإحراج: لا أنا هروح لوحدي عادي.

خالد وهو يجلس مرة أخرى: زي ما تحبي.

قام ياسين وهو ينظر لها بحدة: لا طبعاً تروحي لوحدك دلوقتي ازاي؟ يلا قدامي عشان أوصلك.

زهرة بابتسامة: ملوش لزوم، أنا هروح لوحدي عادي. وبعدين مينفعش أركب معاك لوحدنا دلوقتي.

خالد وهو ينظر لساعته التي قد تجاوزت منتصف الليل وهو يقول بتنهيدة: معاك حق فعلاً، مينفعش تركيبي معايا دلوقتي. بس مش معني كده إني أخليك تروحي لوحدك في الوقت ده.

هبة بود: خلاص يا حبيبتي، باتي هنا لأن فعلاً الوقت اتأخر.

زهرة باعتراض: لا يا طنط، والله مش هينفع خالص.

ياسين وهو ينظر لخالته بمرح: تصدقي يا خالتي، معاكي حق. ثم أكمل وهو ينظر لها بحنية: نامي انت هنا انهارده مع زمرد، وأنا وخالد هنروح نبات في أي حتة عادي.

خالد باعتراض: هنروح فين يا بني دلوقتي ونبات فين؟ لا طبعاً مينفعش. هي تنام هي وزمرد، وانت تنام معايا.

ياسين بحدة: لا مينفعش يبقي معاها رجالة أجانب عنها في نفس البيت وتنام عادي. أنا وانت هنام برا في أي فندق الليلة دي، وهي هتنام هنا. يلا يا خالد.

خالد بضيق: يلا، اما نشوف آخرتها.

زهرة كانت قاعدة محرجة من نظرات خالد ليها اللي كلها ضيق واللي بتدل على ضيقه من وجودها. سحبت زمرد زهرة لداخل غرفتها وهي بتقعدها على السرير وبتبصلها بخبث: ايه بقي اللي بيحصل من ورايا ده!!

زهرة باستغراب: إيه اللي بيحصل؟

تابع المقال

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى