
ياسين بهدوء: يا بنتي عادي، تعالي اقعدي معانا شويه، وهي هتحبك اوي على فكرة لما تشوفك، وهتطردنا كلنا برا البيت وهتقعد معاكي انت، وهتشوفي دلوقتي. قالها بمرح ليقنعها على الذهاب معهم.
قالت زهرة بعدم اقتناع: بس انتوا كلكوا عيلة في بعض وأنا مليش لازمة أجيلكم يعني.
ياسين بضيق: إيه اللي انت بتقوليه ده؟ هتيجي معانا دلوقتي وهتقعدي معانا عادي. زمرد صاحبتك، وأنا وخالد كأننا اخواتك، وأنا متأكد إن خالتو هتحبك وهتحب القعده معاكي. إيه المشكلة بقي؟
كانت لسه هتتكلم، قاطعها ياسين بحدة: خلاص، انت هتيجي يعني هتيجي، مفيش كلام تاني. يلا اركبي.
ركبت زهرة العربية وركب ياسين جنبها وزمرد ورا، وخالد ركب عربيته وراح وراهم وهو بيبصلهم بضيق وهو ملاحظ انجذاب ياسين ناحيتها، ودا مخليه مدايق أكتر. أما عن زمرد كانت قاعدة مبسوطة وهي متبعاهم وبتتمني أن زهرة تكون سعيدة وربنا يعوضها بياسين عن اللي شافته عند ي
عند يوسف كان لسه قاعد بيفكر في مكان زهرة بضيق وجنون، وهو عايز يعرف هي راحت فين. هو عارف ومتأكد إنها لما ترجعله هيعرف يمشيها على مزاجه تاني ويخليها تديله ورثها وتوافق إنهم يرجعوا الشقة تاني وتنكر أي حاجة حصلت بينهم، ويرجع حد تاني يرضي غروره ويحسسه بقيمة نفسه. انتفض واقفاً فجأة وهو بيقول بجنون وصوت عالي: ازاي تاه عني مكانها؟ أخيراً افتكرته. ثم أكمل وهو يردف بنبرة مقززة ونرجسية: هترجعيلي تاني يا زهرة زي الكلبة تحت رجلي، وهرجع تاني لعزي وفلوسي، وهنتقم منكوا كلكوا، ودا وعد مني!!
أما عند ياسين وزهرة كانوا قاعدين مستنيين خالد وزمرد. دخلت زمرد هو وخالد اللي كان متوتر اوي من زهرة وقال: ازيك يا زهرة؟
زهرة باقتضاب: الحمد لله.
خالد وهو بيفكر، ايديه الاتنين في بعض بتوتر وهو بيفكر في حجة يقولها عن اللي قاله واللي عمله: أنا المرة اللي فاتت كلمتك بطريقة مش كويسة وقلت كلام مكنش ينفع أقوله، بس والله غصب عني. كان يومها عندي مشكلة كبيرة اوي في الشغل وكنت متعصب ومش داري أنا بقول ايه ولا بعمل ايه. متزعليش مني!!
زهرة قالت بهدوء، هي عمرها ما هتقدر تعتبره زي الأول ولا تصفي له، بس قررت إنها تسامحه وخلاص. قالت بهدوء: خلاص يا أستاذ خالد، محصلش حاجة.
ياسين بمرح: طالما اتصالحتوا، تعالوا بقي نروح نقعد عند خالتي عشان وحشاني اوي وعايز أسلم عليها.
زمرد بخبث: وأنا بقول كده بردو، وهو على الأقل تعرف إيه اللي بيحصل من وراها وتشوف العروسة.
كان خالد بيبصلهم باستفهام وعدم فهم، وزهرة كانت مش فاهمة حاجة بس حاسة إنها في الموضوع وياسين بيزغرلها عشان تسكت، وهو ملاحظ زهرة اللي وشها قلب ألوان.
قال ياسين وهو بيلطف الجو: يلا بينا بقي ولا ايه؟
زمرد وهي تضحك بخبث: ليك روقه يا ابن خالتي، توه توه كمان شويه.
خالد باستغراب وعدم فهم: هو في ايه؟ أنا مش فاهم حاجة.
زمرد بضحك: مش مهم تفهم، أنا هبقي أفهمك بعدين. ثم أكملت بعد أن لاحظت نظرات ياسين الحادة المصوبة ناحيتها: يلا بقي عشان منتأخرش.
قام خالد وزهرة وهي بتقول بإحراج: طيب همشي أنا بقي وهبقي أكلمك يا زمرد بليل.
ياسين بحدة: رايحة فين؟
زهرة باستغراب: رايحة البيت عادي.
زمرد بتذكر: أه صحيح، أنا افتكرت اني زعلانه من الاستاذ ده. قالت كلماتها وهي تشير على خالد ثم أكملت: ومش هرجع البيت تاني. يلا يا زوزو، رجلي على رجلك ونروح سوا.
ياسين بحدة: إيه الهبل اللي انتوا بتقولوه ده؟ يلا يا زمرد على بيت والدتك، وانت يلا يا زهرة تعالي اركبي عشان نمشي.
زهرة بإحراج: أنا مش هعرف أروح معاكوا. لو سمحت أنا هروح لوحدي.
ياسين بهدوء: يا بنتي عادي، تعالي اقعدي معانا شويه، وهي هتحبك اوي على فكرة لما تشوفك، وهتطردنا كلنا برا البيت وهتقعد معاكي انت، وهتشوفي دلوقتي. قالها بمرح ليقنعها على الذهاب معهم.
قالت زهرة بعدم اقتناع: بس انتوا كلكوا عيلة في بعض وأنا مليش لازمة أجيلكم يعني.
ياسين بضيق: إيه اللي انت بتقوليه ده؟ هتيجي معانا دلوقتي وهتقعدي معانا عادي. زمرد صاحبتك، وأنا وخالد كأننا اخواتك، وأنا متأكد إن خالتو هتحبك وهتحب القعده معاكي. إيه المشكلة بقي؟
كانت لسه هتتكلم، قاطعها ياسين بحدة: خلاص، انت هتيجي يعني هتيجي، مفيش كلام تاني. يلا اركبي.
ركبت زهرة العربية وركب ياسين جنبها وزمرد ورا، وخالد ركب عربيته وراح وراهم وهو بيبصلهم بضيق وهو ملاحظ انجذاب ياسين ناحيتها، ودا مخليه مدايق أكتر. أما عن زمرد كانت قاعدة مبسوطة وهي متبعاهم وبتتمني أن زهرة تكون سعيدة وربنا يعوضها بياسين عن اللي شافته عند يوسف.
وصل عند صاحب عمه وهو بيخبط الباب بقوة. فتحه له سعد باستغراب: يوسف، اتفضل يا ابني. إيه اللي حصل؟
يوسف وهو بيزقه وبيفتح أبواب الأوض بعنف: زهرة فين؟ أنا متأكد إنها هنا. انت مخبيها فين؟
سعد باستغراب: زهرة؟! إيه اللي هيجبها هنا بس!!
يوسف بغضب: بقولك إيه، شغل الصعبنيات ده مبيكلش معايا. يا تقولي زهرة فين يا إما هطلع السكينة دي وهأذيك. انطق، زهرة فين؟
سعد بصدمة: انت بتقول إيه؟ والله ما أعرف هي فين. لو أعرف هقولك. دي مراتك، وأكيد لو عارف مكانها مش هخبيها عنك.
يوسف بجنون وغضبه عماه: أه يعني مش هتتكلم؟ تمام، انت اللي جبته لنفسك.
وسعد بيستنجد بيه وهو بيبصله بصدمة، ويوسف كأنه اتجردت منه مشاعر الإنسانية والرحمة، وعلى وشه ابتسامة باردة وهو بيبص لروحه اللي فارقت جسده ببرود تام. سمع صوت خطوات قريبة منه، ارتبك وهو بيبص لسعد المرمي على الأرض وسايح في دمه. بتوتر مكنش عارف يعمل ايه ولا يتصرف ازاي. سحب السكينة بسرعة وخدها وهو بيحطها في جيبه وفتح الشباك ونط بسرعة منه وهو بيجري بخوف. وصل لحد عربيته وانطلق بسرعة وخوف للقاهرة!!
عند سعد كان نايم على الأرض وجسمه بينزف والنفس بيطلع منه بصعوبة. فتح ابنه الباب بالمفتاح ودخل وهو بينده على أبوه بهدوء، لكنه صعق لما لقاه بالشكل ده نايم على الأرض بيأخذ نفسه بصعوبة. جري عليه ماجد بلهفة وهو بيقول بصدمة وخوف: بابا يا بابا، رد عليا. مين عمل فيك كده يا بابا؟ والنبي متسبنيش وتمشي، أنا مليش في الدنيا دي غيرك يا بابا. والنبي رد عليا.
خد التليفون بإيد مرتعشة وهو بيطلب الإسعاف وبيحط ايده على منطقة النبض وبيقسها وحمد ربنا إن في نبض لسه حتى لو ضعيف. فضل قاعد جنبه مستني وهو بيدعي ربنا إنه يقوم بخير وبينظر لوالده بدموع لحد ما وصلت الإسعاف وخدت والده وخدته للمستشفى.
عند ميرنا وباسم كانوا قاعدين مع بعض في كافيه وهما بيضحكوا. وميرنا بتقول بشماته: مين كان يصدق إن يوسف بيه يبقي شحات ومش لاقي يأكل؟
باسم بخبث: ولسه هو شاف حاجة!!
ميرنا باستغراب: ناوي تعمل ايه تاني؟ مش كفاية كده؟




