
ليل ببرود عكس ما بداخله: طيب عنوانها فين؟ عشان هي مؤدبه اوي ومقالتش ليا عنوانها، وأنا اللي شوفتها وقررت أدور عليها. فممكن تقوليلي العنوان عشان مستعجل!!
زمرد بجمود عكس ما بداخلها: معرفش. ولو سمحت اتفضل بقي، مينفعش نتواجد أنا وانت في مكان لوحدنا. قالتها بحدة وجمود وهو ينظر لها بشوق وهو يقول بينه وبين نفسه بكره تعرفي يا زمرد اني محبتش ولا هحب حد قدك، وان اللي عملته دا كان غصب عني.
خرج بهدوء وقفل الباب وهي قعدت علي الكنبه بانكسار وهي بتعيط بوجع وحاطه ايديها علي قلبها وهي مش مصدقه ان ده الشخص اللي حبته وموقفه حياتها عشانه!!
عند زهرة وياسين وصلوا البيت. طلع ياسين ووراه زهرة وقف قدام الباب وهو بيدي لها مفتاح الشقه وبيقول بهدوء: دا مفتاح الشقه خليه معاكي، واقفلي علي نفسك كويس وأنا هقعد هنا.
زهرة بخجل: بس مينفعش، دا بيتك، انت وبعدين هتقعد هنا ليه؟
ياسين بابتسامة: يا بنتي اسمعي كلامي وادخلي يلا، واقفلي علي نفسك واطمني، وأنا هقعد هنا لو عوزتي أي حاجه أنا موجود.
زهرة باعتراض: بس ايه لازمته تقعد هنا؟
ياسين بحنان: أنا عارفه قد ايه انت خايفة دلوقتي بسبب الرجاله اللي دخلوا البيت ومش هتعرفي تنامي، فأنا هقعد برا هنا عشان لو عوزتي حاجه وتبقي في أمان. يلا يا زهرة ادخلي وأنا قاعد أهو، واقفلي علي نفسك كويس وتصبحي علي خير.
زهرة باستسلام، فهو علي صواب. قالت بخجل: وانت من أهله. قالت كلامها وهي بتقفل الباب كويس عشان تستعد للنوم.
وبرا ياسين قاعد برا قدام البيت بخوف عليها وهو بيستحلف لخالد علي اللي عمله!!
عند ميرنا وباسم ومروان كانوا قاعدين مع بعض رجال الأعمال بيمضوا صفقه بكل فلوسهم. مضوا أخيراً. اتفاجؤا بيوسف بيدخل عليهم وهو بيقول بشر كبير باين في عينه: أهلا بيكو في جهنمي!!
نظر له باسم باستغراب وخوف: انت ايه اللي جابك هنا؟
يوسف بخبث: ايه ده؟ هو أنا مقولتلكش ولا ايه؟
باسم وهو بيبلع ريقه بصعوبه: مقولتليش ايه؟
شاور يوسف للرجال وقفوا جنبه بطاعه وهم بيسلموه الفلوس: أنا اللي عملت عليكوا حوار الصفقه ده ورجعت فلوسي ليا مرة تانية. شوفتوا بقي انكوا قد ايه أغبيه.
قال باسم بثقه مزيفه: ما أنا بردو ممكن أرفع عليك قضية تزوير في أوراق رسمية وأرميك في المساءلة القانونية.
ضحك يوسف بصوته كله: لو تعرف تثبت، اثبت.
بلع باسم ريقه بصعوبه وتوتر وهو بيقول: يعني ايه؟
يوسف بخبث: يعني كل الأدلة اللي كانت معاك باحت وراحت.
باسم بصدمة: ودا ازاي بقي!!
يوسف وهو يشير لبعض رجاله الذي قاموا بإخراج وصيه عمه والذي بها امضاء حقيقي من المحامي بانه امضي الوقت الذي طلبه منه عمه بان يمضيه مع زهره وان عليه استلام الورث.
باسم بصدمة أكبر: ازاي عملت كده!
يوسف ببرود: ميخصكش دلوقتي بقي يا حبيبي. تجهز نفسك انت والجماعه بتاعتك عشان هتترموا في المساءلة القانونية بتهمه السرقه والرجاله دول شاهدين. صح يا رجاله؟
أجابه الرجال بخبث وعينهم تلمع بطمع علي الأموال الموضوعه أمامهم: أيوا يا يوسف باشا احنا شاهدين.
مروان بحقد: هجيب زهره وهوصلها ووو.
قاطعه يوسف بضحكه سخريه وهو يقول: أنا وصلت ليها خلاص يا حبيبي، وهي مستحيل تقف ضدي وتنكر اللي أنا قولتوا وترضي اني أترك في المساءلة القانونية مراتي وأنا عارفها.
مروان بضيق: طلقتك!!
يوسف باستفزاز: مراتي، طليقتي، مش هتفرق. كده كده هترجعلي تاني وعمرها ما هتفكر تبص في وشك.
نظر له مروان بحقد وكره وهو يكاد ينفجر منه، وباسم ينظر أمامه بشرود يفكر في حل ليخرج من هذه المصيبة لكنه لا يجد أي حل، وميرنا للفراغ باستسلام كأنها كانت تعرف أن هذا الذي سيحدث. دخلت الجهات المختصة فجأة وهم يحدثون يوسف قائلين: أستاذ يوسف، حضرتك عملت بلاغ بالسرقة وبعتلنا علي هنا.
يوسف بدموع مزيفة: أيوه يا حضرة الظابط، دول صحاب عمري وحبيبتي اتفقوا عليا وسرقوني في بيتي والرجاله دول شاهدين واتعرضوا عليا بالضرب.
نظر الظابط لهم بنظرات غير مفهومة وهو يقول لباقي الظباط: خدوهم. ثم أكمل وهو ينظر ليوسف ورجاله: واحنا مضطرين نأخذكم معاهم عشان نحقق في القضية ونفهم ايه اللي حصل بالظبط.
أومأ يوسف بهدوء وهو يشير لرجاله بالتقدم معه وهم يحملون شنط الاموال ويتجهون لعربه الجهات المختصة لبدء التحقيق!!
عند ليل كان قاعد بيفكر في زمرد بحزن وهو بيفتكر ذكرياتهم سوا أيام ثانوي.
فلاش باك
ليل بمرح: زوزو يا زوز.
زمرد بحب: أيوه يا حبيبي، عايز ايه؟
ليل بحب: عندي ليكي مفاجأه.
زمرد بفضول: ايه؟
ليل بابتسامه وفرح: أنا كلمت أهلي عليكي وهاجي أتقدم يوم الخميس الجاي.
ابتسمت زمرد بفرح وهي تقفز بسعاده: بجد؟ أخيراً هتيجي؟ دا أسعد يوم في حياتي! أنا لازم أمشي عشان أبدأ أجهز نفسي وأشوف هلبس ايه.
ليل باستغراب: من دلوقتي!!
زمرد بفرح: أيوه طبعاً، لازم أشوف هلبس ايه وأنزل أجيب الفستان انهارده. يلا روحني.
ابتسم ليل بحب علي هذه المجنونة المشاغبة وهو لا يصدق انه سيتقدم لها وتصبح له أخيراً. وصلا الي بيتها قال وهو يودعها: مع السلامة، في حفظ الله يا حبيبتي.
ابتسمت له زهرة بحب وهي تجري ناحيه المنزل: باي يا حبيبي، هبقي أكلمك بكره.
ليل بابتسامه: ماشي يا حبيبتي.
نهاية الفلاش باك
فاق من شروده وهو يتذكر كلام خالد له وهو يقول في نفسه بتصميم: كده أحسن ليا وليها، هي تستاهل واحد أحسن مني بكتير. وأكيد هي نستني وفي حياتها واحد تاني غيري. عند تفكيره في هذه الفكره شعر بضيق وكأن قلبه يتمزق ولا يتحمل وجود أحد في حياتها غيره هو فقط!!
عند زمرد كانت قاعده مكانها وهي بتبص قدامها بشرود وحاسة ان قلبها بيوجعها اوي، وقد ايه هي غبية انها رفضت كل اللي اتقدموا ليها عشانه ولسه بترفض وضيعت سبع سنين من حياتها عشانه وهو ميستاهلش.
وصلت هبة من السوق وهو تحمل أكياس كبيرة وتقول لزمرد: قومي يلا يا بنتي رصي الحاجات دي. قالتها وهي بتقعد علي الكرسي بتعب وهي تنظر لزمرد لتقول لها عن سوء الطقس اليوم، لكنها لاحظت حزنها الظاهر عليها. قالت باستغراب وقلق: مالك يا زمرد؟
زمرد بجمود: ماما، أنا موافقه علي العريس اللي متقدملي!!
عند زهرة وياسين قامت من النوم وهي بتفرك عينيها بنعاس وهي مش قادره تصدق انها نامت عادي في مكان غير بيتها، لكن كل لما تفتكر ان ياسين موجود بتحس براحه وأمان عمرها ما حست بيهم قبل كده مع حد غير والدها. قامت وهي بتغسل وجهها ولبست طرحتها وهي بتتوجه ناحيه الباب عشان تشوف ياسين لسه موجود ولا مشي، لكن اتفاجئت بياسين بيخبط عليها. فتحت بهدوء لقيته داخل وباين عليه النعاس وانه معرفش ينام كويس. حست بالذنب وقالت بتأنيب ضمير وضيق: شكلك منمتش كويس بسببي.




