منوعات

يوسف

ياسين بحنان: لا والله، الحمد لله أنا نمت. جبت لك فطار عشان انت أكيد جعانه.

زهرة بابتسامه وهي تقول: أنا فعلاً جعانه. تعالي انت كمان كل يلا.

قعد ياسين معاها وهو بيراقب حركاتها وطريقتها في الأكل الطفولية من غير ما يأكل. وزهرة لاحظت نظراته قالت بخجل: مبتأكلش ليه!!

ياسين بسرعه وقد فاض به إخفاء مشاعره أكثر من ذلك: زهرة، أنا بحبك. تتجوزيني؟

نظرت له وهي عيناها تلمع بفرحه لكن فجأه تذكرت انها مطلقه وانه يستحق الأفضل منها. تحولت ملامحها من الفرح الي الدموع وانهارت باكيه: ياسين.

ياسين بقلق: في ايه يا زهرة؟ مالك؟

زهرة بعياط: أنا عايزه أروح.

ياسين بقلق أكبر: طيب قوليلي بس مالك في ايه؟

زهرة بعياط أكبر: لو سمحت روحني.

أومأ ياسين بهدوء وهو يقف ليوصلها. قامت زهرة وراءه وهي تنظر له بحزن كبير ودموع. رأته يذهب الي مكان آخر غير العربية. قالت باستغراب: انت رايح فين؟

ياسين بابتسامه: معلش، بس نسيت أجيب حاجه هجيبها وأجي. استنيني ثانيه واحده في العربية.

أومأت زهرة بهدوء وهي تجلس في الكرسي الأمامي وهي تقول في نفسها: هو ميستحقنيش. ياسين طيب ومحترم وعمري ما شوفت منه حاجه وحشه، ويستحق انه يحب ويتحب وألف بنت تتمناه. وأنا لو وافقت عليه أبقي أنانية، هو يستحق واحده أحسن مني بكتير، واحده يكون هو أول واحد في حياتها وتكون متجوزتش قبل كده مش مطلقه!! كانت تقول هذه الكلمات وهي تشعر بقبضه تعصر قلبها عند تخيلها انه يتزوج من فتاه أخرى، لكنها نهرت نفسها سريعاً وهي تحاول عدم التفكير بهذا الأمر مرة أخرى.

وصل ياسين وهو يغلق شنطه العربه، جلس بجانبها وهو يقول بحب كبير: يلا بينا.

ابتسمت له بارتعاش وهي تنظر من النافذه بحزن كبير سيطر علي قلبها مرة أخرى.

عند يوسف كان بيكلم ليل بلهفه: بجد يعني انت عرفت مكانها؟

ليل بمرح: أيوه طبعاً، عيب عليك. هي ساكنه في وبتشتغل في.

يوسف بفرح: انت متأكد؟

ليل بهدوء: أيوه طبعاً. هتيجي إسكندرية امتي؟

يوسف باصرار: دلوقتي حالاً، هجهز الشنط.

ليل بهدوء: تيجي بالسلامة يا صاحبي.

يوسف أغلق الهاتف دون أن يسمع باقي كلامه وهو يدور حول نفسه بجنون وفرح: أخيراً يا زهرة، أخيراً هترجعيلي. وحشتيني اوي يا حبيبتي.

عند زهرة وياسين لاحظت انه بيغير طريق البيت بتاعها. قالت باستغراب: انت رايح فين؟

ياسين بابتسامه: هنروح نقعد في كافيه شويه.

زهرة باستغراب أكبر: ليه؟

ياسين بكذب: عادي يا ستي، هنقعد شويه نغير جو بما انك مضايقه.

وصلوا الي احد الكافيهات المطله علي البحر. لاحظت زهرة ان الكافيه فارغ تماماً. نظرت لياسين بخوف: احنا جايين هنا ليه؟

ياسين بابتسامه وهو يدخل دون أن يلاحظ خوفها: ما قولتلك يا ستي، هنقعد شويه نتكلم وتغيري جو. يلا ادخلي.

دخلت زهرة بتردد. كانت تفكر في عدم الدخول لكنها واثقه في ياسين وتعلم ان ياسين لن يؤذيها. دخلت معه وهي تجلس علي احد الكراسي المطلع علي البحر وهو يجلس أمامها وهو يقول بابتسامه وهدوء: أنا جبتك هنا علشان أفهم انك كنتي بتعيطي ليه. بما اني حسيتك مش عايزه تتكلمي في البيت فقولت أجبك هنا تكلميني. يلا اتكلمي، أنا سامعك. وعايز أعرف سبب عياطك دا ليه.

زهرة بحزن دفين ودموع تتساقط من عينيها: انت عارف اني مطلقه ومينفعش أتجوزك. انت تستاهل واحده أحسن مني بكتير يا ياسين وووو.

قاطعها ياسين بابتسامه: أنا عارف كل حاجه عنك ومش شايف ان في أي شئ يعيبك كونك مطلقه. وأنا اللي يشرفني انك تقبلي تتجوزيني يا زهرة وتقبلي بيا. أنا نفسي اتجوزك عشان أعوضك عن كل اللي عشتيه. ووعد مني عمري ما هزعلك وهكون سندك وضهرك ومعاك وعمري ما هخذلك يا زهرة.

زهرة بابتسامه: يعني انت عمرك ما هتخذلني أبداً؟

ياسين بابتسامه: عمري والله، وهكون سندك وضهرك اللي يعتمد عليه.

ابتسمت زهرة وهي تقول بتفكير ثم قالت بخجل: خلاص هسلمك قلبي بقي وأمري لله. موافقه اتجوزك.

نظر لها بفرحه شديده وهو يقول بفرحه: دا أسعد يوم في حياتي. استني ثانيه واحده، هجيب حاجه وهاجي بسرعه.

أومأت زهرة له بخجل وهي تراه يركض للخارج نحو العربه. اخرج منها باقه من الورود وبعض من الشوكولاتة المفضلة لها وعلبه صغيره. جاء لها وهو يعطيها الباقه التي كانت ألوانها غايه في الجمال باللون الأزرق المفضل لها والشوكولاتة المفضلة لها. ابتسمت بسعاده وهي تشم الورود باستمتاع.

جلس علي ركبتيه وهو يفتح لها العلبه الصغيره التي يوجد بها خاتم صغير في غايه الجمال مكتوب عليه زهرة باللون الأخضر كلون عيناها وهو يقول بفرح وحب كبير ينبع من عيناه: أول ما شوفتك قلبي دق لأول مره لبنت وحسيت اني يبقي دائماً مش علي بعضي لما ببقي قدامك. واعترفت لنفسي اني بحبك، وكنت كل يوم بعمل حساب اليوم اللي هتقدملك فيه. فجبت الخاتم ده اتمني يعجبك يا زهرتي وتقبلي تتجوزيني.

هزت رأسها بسعاده وهي ترتدي الخاتم بسعاده بالغه. وهو أيضا اخرج خاتم باللون الأسود له يرتديه وهو يقول بمرح: احنا كده يعتبر مخطوبين. مش مهم حد يعرف بقي غيرنا.

ضحكت زهرة عليه وجلسوا قليلاً مع بعض يتحدثون في أمور عشوائية نحو خطوبتهم، ثم أوصلها الي البيت وهو يشعر بالفرح الشديد لموافقتها عليه، وهي الأخرى فرحتها كانت لا تقل عن فرحته.

عند يوسف كان وصل إسكندرية أخيراً. تنهد بحماس وفرحه وهو يخبر السائق علي عنوان منزلها. أوصله الي المنزل. صعد يوسف الادراج بسرعه كبيره وفرح، خبط علي الباب بسرعه وعشوائية. فتحت له زهرة الباب باعتقاد انه ياسين قائله: انت جيت يا ياسين؟ يلا عشان تصلح الباب ده بقي. ثم أعادت النظر للباب لتتفاجئ بآخر ما كانت تتوقعه وهو يوسف وصل اليها. وقعت المزهريه من يديها برعب وهو تقول بارتعاش وصدمة: يوسف!!

يوسف باشتياق: أخيراً لقيتك يا حبيبتي. متعرفيش أنا دورت عليكي قد إيه؟ أكيد انت كمان كنتي مستنياني صح!!

كانت لسه هتتكلم لكنه قاطعها وهو بيقول بثقه: أنا متأكد من ده وعارف قد إيه انت مبسوطه دلوقتي ومش مصدقه انك شوفتيني. بقولك ايه، احنا بكره هنرجع شقتنا تاني وهكتب عليكي تاني. احنا هنقعد هنا انهارده بس عديني بقي عشان أدخل.

زهرة كانت بتبصله بصدمة ومش قادره تصدق كميه البجاحة والثقة دي جايبها منين. اتفاجئت بيه بيزقها عشان يدخل. وقفته بحدة وهي بتقول: انت رايح فين؟

يوسف باستغراب: أدخل جوا.

في ايه يا زهرة؟

زهرة ببرود: تدخل فين؟

يوسف باستغراب أكبر وضيق: ما قولتلك جوا يا زهرة في ايه؟

زهرة ببرود أكبر: بصفتك ايه تدخل في مكان أنا فيه لوحدي!!

يوسف بتوتر: بصفتي… بصفتي جوزك يا استاذه يا محترمه. يعني أنا جاي من القاهرة للإسكندرية مخصوص وجايبلك معايا مفاجأه ومش راضيه تدخليني!!

زهرة بضيق وبرود: أنا عمري في حياتي ما شوفت واحد بجح زيك. أنا بجد طول عمري كنت مخدوعة فيك. أنا ازاي كنت بحب واحد زيك في يوم من الأيام؟ انت أقذر انسان أنا شوفته في حياتي. طول عمرك مش راجل، عمرك ما اعتمدت علي نفسك. استغليت بنت عمك اللي عمك امانك عليها وخدت فلوسها ومعملتهاش زي ما عمك وصاك. دي الأمانة اللي انت صونتها يا ابن عمي؟ دي الأمانة اللي ابويا سبهالك وهو مطمن انه سايب راجل وراه؟ وللأسف طلع مفكش ريحه الرجوله. كنت فاكره ان كل الرجاله زيك لحد ما قابلت ياسين، بين لي فعلاً انه راجل يعتمد عليه طيب وحنين وأهم من دا كله انه بيحبني وعمره ما عمل حاجه تزعلني أو شوفت منه حاجه وحشه. كنت فاكره ان كل الرجاله زيك كده بس اكتشفت ان في ناس كتير كويسه عادي وسويين نفسيا وبيعرفوا يحبوا عادي. لكن حظي بقي الوحش اني وقعت في ايد واحد مريض زيك، مبيحبش الا نفسه وبس. ومهانش عليه العيش والملح ولا صله القرابه ولا اي حاجه. كأن قلبك ده مليان حقد وسواد كبير ومعبي بس. للأسف أنا كنت غافله عنه، بس دلوقتي أنا فوقت وانت مبقتش تهمني. وزي ما جيت تمشي تاني لاني معتش عايزاك في حياتي ولا عاد لك مكان تاني في قلبي. واتفضل بقي من غير مطرود!!

يوسف بجنون وهو بيمسكها من كتفها وبيهزها جامد بدون وعي: انت بتكذبي! انت بتحبيني! انت لسه في قلبك حب ليا بس انت بتنكري يا زهرة. عمرك ما هتقدري تنسيني أبداً. انت فاهمه؟ انت ملكي. أعمل فيكي اللي أنا عايزه وانت ترجعيلي تاني. انت فاهمه!!

طلع ياسين بسرعه، فهو وصل الي بيت زهره منذ بدايه حديثها بحب، ولكن عندما سمع صوت يوسف جري مهرولاً لأعلي ورأي يوسف ممسك بكف زهره وبيهزها جامد وهي بتبصله بخوف وصدمه ومش قادره تتكلم من صدمتها. جري بسرعه عليهم وهو بيشدها من ايده بضيق وغيرة وبعدهم عن بعض. أخيراً وقفت زهره جنب ياسين وهي بتبص ليوسف بكره، ويوسف لاحظ نظراتها واضايق أكتر.

تابع المقال

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى