
قاطع تفكيره صوت ياسين اللي بيقوله بضيق وضيق: انت ايه اللي جابك هنا!
يوسف باستفزاز: جاي أشوف مراتي يا استاذ ياسين. عندك مشكله؟
ياسين بغيرة وضيق: طلقتك يا حبيبي، وخطيبتي.
يوسف بصدمة: نعم!!
ياسين ببرود: زي ما سمعت. كده ويلا من غير مطرود.
يوسف بخبث: هي لحقت تلف عليك انت كمان؟ تخلص من واحد تروح للتاني. طول عمرك يا زهره مبتحبيش تضيعي وقت.
ياسين بضيق وقد برزت عروقه في وجهه ويداه: دا انت شكلك عايزه تتضرب بقي!!
فر يوسف من أمامه هارباً، فجسده أمام جسد ياسين لا يساوي شيء، واذا دخلوا ضد بعض فسيكون هو الخاسر بالتأكيد. نظر له ياسين بتوعد وهو يراه وهو يهرول للخارج، بينما زهره كانت تتابع كل شئ وهي ترسم علي وجهها الجمود والقوه، لكن عند ذهابه انفجرت في بكاء مرير.
نظر لها ياسين بخوف وهو يقول: في ايه يا زهره؟ اهدي طيب وقوليلي مالك!
زهره بحزن وعياط: بيقول عليا اني بوقع الرجاله، وخلصت معاه وحاولت معاك انت. انا مش مصدقه ازاي كنت بحب واحد زي ده!!
كان ياسين يحاول تهدئتها لكن عند ذكرها بحبها له دق قلبه بعنف وقسوه. تغيرت ملامحه للجمود وهو يقول: يلا يا زهره عشان نمشي!!
عند زمرد كانت قاعده بتتفرج علي التلفزيون كعادتها بملل، وقاطعها صوت هبه الحنون وهي بتقول: زمرد، قومي يا حبيبتي الپسي شويه وانزلي.
زمرد بكسل: لا يا ماما، مليش مزاج.
هبه بحب: يلا يا بنتي بس، اخرجي ساعه كده غير مودك وتعالي. هتخسري ايه يعني؟
تنهدت زمرد باقتناع وهي تتوجه ناحيه الدولاب وترتدي ملابسها وتهم بالذهاب قائله: ماما أنا نازله، عايزه حاجه؟
هبه بود: لا يا حبيبتي، سلامتك.
نزلت زمرد وهي بتمشي قدام البحر بلا هدف وهي كل تفكيرها في ليل وبتفكر ايه السبب اللي خلاه يسيبها فجأه كده من غير اي مبرر. قاطعها صوت تعرفه جيداً وما هو كان الا صوت ليل قائلاً: زمرد يا زمرد.
اسرعت زمرد في خطواتها، جري وراها ليل وهو يقول بلهفه: لو سمحت استني واسمعيني. يمكن الصدفه تكون جمعتنا دلوقتي عشان تعرفي الحقيقه.
زمرد بجمود عكس ما بداخلها: حقيقه ايه؟ حقيقه انك سبتني ومشيت من غير مبرارات ولا اسباب ومن غير حتي ما تسأل عليا؟
ليل بهدوء: طيب اسمعيني وأنا هقولك ليه عملت كده!!
زمرد وهي تستعد للذهاب لتغادر وتتركه: مش عايزه أعرف، لان مفيش سبب مهما كان يخليك سايبني كل الفتره دي وعايش حياتك عادي.
ليل وقد فاض به من اتهاماتها المستمره له قائلاً بسرعه: حتي لو كان السبب ده اخوكي خالد.
زمرد بصدمة واتسمرت مكانها وهي تنظر أمامها وهي في حاله من الا وعي والصدمه الكبيره: خالد!!
لفت وشها تاني ليه وهي بتقول بصدمة: حقيقه؟ انت أكيد بتكذب صح؟ خالد مستحيل يعمل كده. انت أكيد كذاب وعايز توقع بينا مش أكتر.
ليل بحزن: للأسف دي الحقيقه.
زمرد وقد شعرت انها تختنق قائله بصوت متحشرج: ليه؟ ليه يعمل كده؟
ليل بحزن دفين وهو يرجع بذاكرته لسبع سنوات ماضيه: هقولك.
فلاش باك
كان نازل ليل عشان يجيب الطقم اللي هيتقدم بيه لزمرد، لكن خالد اعترض طريقه فجأه وهو بيقول باقتضاب: رايح فين؟
ليل باستغراب: رايح أجيب الطقم اللي هتقدم بيه لزمرد. انت عايزني في حاجه ولا ايه؟
خالد بضيق: كويس اني لحقتك قبل ما تروح. اسمع بقي يا ابن الحلال، احنا معندناش بنات للجواز.
ليل بصدمة: نعم!!
خالد ببرود: دا اللي عندي. شوفلك بنت تانيه ترضي بيك.
ليل بهدوء عكس ما بداخله: ممكن أعرف ليه؟




