
أخذها إلى مكان عملها، كان عبارة عن مكتب صغير وسط مجموعة من المكاتب الصغيرة، والعمال يجلسون يتابعون عملهم بجدية وهدوء تام. جلست زهرة على مكتبها وهي تتفحص الملفات التي أمامها باهتمام وتهم لبدأ عملها، وكان خالد سوف يرجع إلى مكتبه مرة أخرى بعد أن أوصلها مكتبها، لكن قاطعهم صوت مرح هو يعرفه جيداً وما هو إلا صوت أخته الشقيقة زمرد قائلة بمرح كعادتها: حرام عليك كده يا أستاذ خالد؟ كل ده شغل؟ انت معندكش قلب ولا إيه؟
خالد بضحك: ماله الشغل يا أستاذة زمرد؟ مش عاجبك ولا إيه؟
زمرد بمرح: لا مش عاجبني يا أستاذ خالد. أنا تعبت وعايزة آخد أجازة بمرتب.
خالد برفعة حاجب: بمرتب؟
زمرد بغرور مصطنع: أه بمرتب. مش أخت المدير ولا إيه؟
خالد بضحك: أه طبعاً، حضرتك تؤمري. انت تقعدي في البيت معززة مكرمة ومرتبك يجي لغاية عندك. ثم أكمل بحدة: احنا هنهزر ولا إيه؟
زمرد بخوف مصطنع وهي تقول لزهرة التي تكتم ضحكتها على حديثهم: مش أخويا بس بخاف منه، بيتحول فجأة كده. يا ساتر على الأخوات يا جدع. دا الأخوات في أجازة والله.
خالد بتحذير: كلمة كمان وهعملك خصم أسبوعين.
زمرد بضحك: لا وانت جاي على نفسك اوي كده ليه؟ ما تعملي خصم الشهر كله بالمرة ولا يهمك يا سيدي.
خالد بضحك: ماشي يا ستي، هعملك خصم الشهر كله. اقعدي بقي كملي شغلك. شوفي عطلتي كل الموظفين بصوتك المزعج ده ازاي؟
زمرد وهي بتبصلهم بتحذير: بالله عليكوا، أنا عطلتكوا؟ دا أنا اللي عاملة للشركة دي حس، بدل ما هي كئيبة كده.
بصولها بخوف مصطنع وهما بيضحكوا: لا هي معطلتناش ولا حاجة، احنا أصلاً كنا قربنا نخلص شغل انهارده. قالها أحد الموظفين وهو ينظر لزمرد بحب، تجاهلته وهي تقول بمرح: شوفت بقي انك انت الوحيد اللي مضايق مني؟
خالد بضحك: ماشي يا ستي، أنا مفتري. اقعدي كملي شغلك بقي بدل ما أخصملك الشهر كله بجد. ثم أكمل بحدة: احنا هنا مبنهزرش. أنا عايز الشغل بتاعكوا كله يخلص في ظرف ساعة، فاهمين؟!
الموظفين بصوت جهوري: فاهمين.
مشي خالد بهدوء وهو ينطلق إلى مكتبه مرة أخرى ليباشر عمله مرة أخرى، وزمرد تنظر له بغيظ وتقول وهي تكلم نفسها بصوت مسموع: والله أخويا دا عنده انفصام في الشخصية، مش طبيعي بجد. بيضحك ويقلب وشه في نفس الثانية. ازاي بيعمل كده؟ مش طبيعي بجد. والله لما أروح البيت لأوريك يا خالد. قالتها بغيظ.
سمعت صوت ضحكات صغيرة، نظرت بغيظ لترى من يضحك على كلامها، وجدتها زهرة. ابتسمت زمرد بمرح: انت بقي البنت الجديدة؟
زهرة بخجل: أه.
زمرد بمرح: اسمك إيه بقي؟
زهرة بتوتر: زهرة.
زمرد بضحك: مالك متوترة كده ليه يا بنتي؟ أنا هاكلك؟
زهرة بخجل: لا، بس عشان يعني مش متعودة أتكلم مع الناس.
زمرد بمرح: لا متخافيش، بكره تتعودي. شوفتي يا اختي أخويا بيعاملني ازاي؟ يرضيكي كل يوم كاسر بخاطري كده قدام الناس؟
زهرة بضحك: هو بجد أخوكي؟
زمرد بضحك: أه والله. شوفتي؟ أنا عارفة إن محدش يصدق إن الكئيب ده يبقي أخويا، بس النصيب بقي، نقول إيه؟
زهرة بضحك: لا والله مقصدش، أصل بصراحة أنا استغربت ازاي هو المدير وانت مش مديرة شركة زيه.
زمرد بجدية وتواضع: بصي يا ستي، أنا معنديش خبرة إني أدير شركة كاملة لوحدي حتى لو موجود فلوس. المهم الخبرة، وأنا مكدبش عليكي، معنديش خبرة كافية، فقلت أجي هنا أشتغل زي أي موظفة في الشركة وآخد خبرة. ولما ألاقي نفسي عندي خبرة هبقي أفتح شركة. ثم أكملت بمرح: وآخدك معايا، وبالمرة أبقي أكسب فيكي ثواب وأعتقك من أخويا الكئيب ده.
ضحكت زهرة بقوة على كلامها: زمرد، أنا اسمي زمرد. اتشرفت بمعرفتك. شكلنا كده هنبقي صحاب.
زهرة بخجل: أنا اللي اتشرفت بمعرفتك والله.
زمرد بضحك: مبعرفش أرد على الكلام الحلو ده، بس شكراً.
كان قاعد متابع الحوار ده خالد وهو متابع حركات زهرة باهتمام وعينيه متشلتش من عليها.
عند يوسف كان بيكلم ميرنا وهو بيقول بحب: ميرنا، خديلي ميعاد مع أهلك.
ميرنا وهي بتلعب في شعرها وبتقول بحب مصطنع: حاضر يا حبيبي، أخيراً هبقي معاك.
يوسف بحب: متعرفيش أنا مستني اليوم اللي هتبقي في حلالي قد إيه.
ميرنا بخبث: مش أكتر مني يا حبيبي؟ هقفل أنا عشان أكلم أهلي في موضوعنا، وهبقي أبلغك بالميعاد. باي يا حبيبي.
يوسف بحب: باي.
بعد ما ميرنا قفلت مع يوسف، نفخت بضيق وهي بتكلم باسم وبتقول: أيوه يا باسم، عامل إيه يا حبيبي؟
باسم بضيق: الحمد لله يا ميرنا، الحمد لله.
ميرنا بقلق: في إيه يا حبيبي؟ في حاجة حصلت ولا إيه؟
باسم بقلق: فاكرة آخر مرة اتقابلنا فيها؟
ميرنا باستغراب: مالها؟
باسم برعب: كان في حد بيصور اللي كنا بنقوله وسجله كمان.
ميرنا باستغراب: وانت عرفت منين؟
باسم بقلق: قبل ما نمشي لمحته وهو بيقفل التسجيل وبيجري بسرعة، وانت كنت مشيتي جريت وراه ولحقته.
ميرنا بقلق: طيب الحمد لله، مسحت التسجيل وعرفت هو مين؟
باسم برعب أكبر وتوتر: معرفتش أمسح التسجيل لأنه هرب بسرعة، وطلع…
ميرنا وهي بتبلع ريقها بتوتر ورعب والموبايل وقع من إيديها بصدمة: مين؟
ميرنا وهي تبلع ريقها بتوتر ورعب والموبايل وقع منها وهي بتقول بصدمة: مروان!
ثم أكملت بتوتر: وانت هتعمل إيه؟
باسم بخوف: مش عارف، مش عارف.
ميرنا وهي تهرش في شعرها وتفكر في حل: لازم نلاقي أي حل. انت عارف مروان مش هيسكت وهيبوظ علينا خطتنا.
باسم بتفكير: أنا هكلمه ونتقابل في مكان وأشوف هيعوز إيه عشان يمسح التسجيل ده. وازاي أصلاً عرف إن احنا كنا قاعدين هناك؟ أنا عمال أفكر وهتجنن.
ميرنا بتوتر: ما أنا قولتلك تعالي نتقابل في شقتي، قلتلي مش هينفع ويوسف وممكن يطب علينا فجأة. ادينا وقعنا في مصيبة اهو بسبب أفكارك يا عبقري زمانك.
باسم بضيق: ما خلاص بقي، اللي حصل حصل. أنا هكلمه وهنتقابل وأكيد هلاقي حل وطريقة أخليه يمسح بيها الفيديو ده. وهو أصلاً انتهازي ومهيصدق، هيخدله قرشين والموضوع هيخلص.
ميرنا بتوتر: ولو بردو لازم نأخذ حذرنا منه. انت عارف قد إيه هو مش كويس، وأنا خايفة تروح له لوحدك، خدني معاك.
باسم باقتناع: ماشي، هأخدك معايا. هقفل معاكي بقي عشان أكلمه ونتفق على المكان اللي هنتقابل فيه، وهبقي أبلغك.
ميرنا بهدوء: ماشي يا حبيبي، باي.
باسم بسرعة وهو يغلق الخط: باي.
عند زهرة كانت قاعدة مع زمرد وبتضحك جامد من طريقتها الفكاهية ودمها الخفيف، وحست قد إيه هي طيبة وعفوية وحبت الكلام معاها. قالت وهي بتضحك: يا بنتي كفايه بقي، أنا خايفة لاستاذ خالد يشوفنا ويعملنا خصم ولا يزعقلنا ولا حاجة ويأخذ عني انطباع وحش من أول يوم كده.
زمرد بغمزة وخبث: طيب ما هو شايفنا وباصص علينا من أول كلامنا ومقلش حاجة.
زهرة بصت بسرعة لقيته ساند إيده على خده وبيبصلها باهتمام وهو بيدقق في ملامحها وسرحان فيها. وشها احمر من الإحراج والخجل معاً. وخالد أول ما لاحظ أنها خدت بالها نزل عينيه بتوتر عنها وهو بيعمل نفسه منشغل بالاوراق اللي قدامه. وزمرد كانت قاعدة متابعة الموقف ونظرات أخوها ليها وخجلها، وعلى وجهها ابتسامة كبيرة. ردت وهي بتقول بمرح: الله الله، أجيبلكوا اتنين ليمون؟ دا أنا شكل اخويا وقع فيكي يا زهرة ومحدش سمي عليه. شوفتي كان بيبصلك ازاي؟ شكله معجب بيكي. أنا عمري ما شوفت اخويا بيتوتر كده، ده زي الجبلة ما شاء الله. كده نقدر نقول يا دبلة الخطوبة بقي، وننزل نشتري الفساتين، وتبقي مرات مدير الشركة، وتغيري عليه من كل الموظفين، وتسخنيه علي اخته، ده اللي هو أنا يعني. ثم أكملت بتحذير: اوعي يا زهرة تسخنيه عليا، دا أنا غلبانة والله.
زهرة كانت بتسمع كلامه بخجل وضحك، ولكن عندما ذكرت الزواج تغيرت ملامحها للجدية وهي تقول: أنا مينفعش أتجوز يا زمرد، وياريت متجبيش السيرة دي تاني.
زمرد باستغراب: ليه؟
زهرة بهدوء: أنا مطلقة، وجاية هنا عشان أشتغل وبس، ومبفكرش ولا هفكر في حاجة تانية غير كده.
زمرد بزعل: أنا مقصدش، أنا كنت بهزر. بس على العموم أنا آسفة يا زهرة على كلامي معاكي، مكنتش أقصد.
زهرة بهدوء: ولا يهمك، خلينا نكمل شغلنا بقي.




