منوعات

يوسف

أكمل الاثنين شغلهم وسط حزن زهرة من حقيقة أنها مطلقة ولن يصلح لها الزواج مرة أخرى، وزعلها من طريقة كلامها مع زمرد التي كانت تمرح معها بعفوية لا أكثر ولم تستحق هذه المعاملة. وهدوء زمرد وحزنها من معاملة زهرة لها وهي كانت تمزح فقط لا أكثر. وخالد الذي عاود مراقبتهم واستغرب تغير ملامح زهرة للحدّة وشيء من الضيق، وتوقفهما عن الحديث. ناظرهم باستغراب وعاود مكالمة شغله مرة أخرى وهو يختطف النظرات لزهرة طوال اليوم.

عند يوسف كان قاعد بضيق وهو بيفكر في زهرة ومستغرب ازاي مكلمتهوش كل ده. وبيفكر وهو بيكلم نفسه بضيق: هتكون قعدت فين؟ هي معندهاش مكان تروحه غير هنا. هتكون راحت فين يعني؟ معقولة ليها قرايب تانية؟ لا، ازاي؟ هي معندهاش قرايب غيرنا. هتكون راحت فين؟ كانت دماغه هتنفجر من التفكير.

عند باسم ومروان وميرنا كانوا قاعدين في كافيه على النيل وبيتكلموا. قال مروان بخبث: والله زي ما قولتلكوا، يا إما نقسم المصلحة بالنص علينا احنا الثلاثة وأنا آخد نص الفلوس وانتوا الباقي، يا إما هفضحكوا وأبوظ المصلحة عليكوا، وبردو هعرف أطلع بمصلحة. ما هو مش معقول أعرف إن الموضوع فيه فلوس وأسكت ومطلعش بمصلحة.

باسم باستغراب: يا بني مش انت المفروض صاحبه وبتحبه بعض؟ ولا انت عامل علينا فخ؟

مروان بحقد: ولا عامل عليكوا فخ ولا حاجة. أنا عمري ما حبيت يوسف، عيل تنوك وشايف نفسه علينا وهو ولا حاجة. كل العز اللي بقي فيه دي بسبب عمه، غير كده هو ميسواش حاجة. ثم أكمل بحقد أكبر: مش كفايه اتجوز البنت اللي حبيتها؟ أخيراً هيجي الوقت اللي هنتقم منه فيه وآخد حقي منه، سواء بيكوا أو من غيركوا. هأخد حقي.

باسم بضيق: يعني انت عايز ٢ مليون جنيه؟

مروان بخبث: بالظبط كده.

باسم بضيق أكبر: مقابل إيه؟

مروان بضحك: ولا حاجة. هتدوني الفلوس، همسح الفيديو. مش هتدوني الفلوس أو هتفكروا تلعبوا عليا، هوري الفيديو ده ليوسف وأبوظ عليكوا المصلحة، وهعرف بردو آخد منه نفس المبلغ وأكتر كمان. بس أنا خادمكوا أهو، عد الجمايل بقي يا باسم.

باسم بضيق: هما مليون بس.

مروان باستفزاز وهو بيشاور بصوابعه: ٢ مليون، ودا آخر كلام عندي.

باسم بهدوء: ماشي.

ميرنا بخبث: طيب ممكن تقولنا بقي هنمشي المصلحة دي ازاي؟

مروان بهدوء وخبث: هقولكوا. ثم أكمل بحقد: وبعون الله مش هنسيب يوسف اللي على الحديدة، ويا أنا يا انت يا يوسف.

مرت الشهور على هذا اللقاء من تنفيذ باسم ومروان وميرنا خطتهم ونجاحها، وتجهيز ميرنا ويوسف لفرحهم. واستغراب يوسف وجنونه من عدم ظهور زهرة للآن وعدم خضوعها له. وزهرة وزمرد الذين أصبحوا أعز أصدقاء ويعرفون الكثير عن بعض، إلا أن زمرد لم تعرف بعض قصتها وقصة طلاقها لعدم رغبة زهرة في تذكر هذه الأحداث من حياتها مرة أخرى، فهي بدأت أن تعتاد على حياتها الجديدة البعيدة عن يوسف. فهو لم يتحوشها كما كانت تعتقد، بل ارتاحت في عدم وجوده ولم تشتاق له.

وبين خالد الذي زاد إعجابه وتعلقه بزهرة ورغبته في تطوير علاقته معاها، إلى أنه في يوم نوى أن يعترف لها بمشاعره اتجاهها واستدعاها إلى مكتبه. دخلت زهرة وهي تطرق الباب بخفة منتظرة منه أن يأذن لها بالدخول.

قال خالد بهدوء: ادخل.

وعندما رآها انهارت جميع حصونه وأصبح لا يستطيع أن ينطق حرفين أو أن يتفوه بكلمة واحدة.

قالت زهرة بهدوء: حضرتك طلبتني يا فندم؟

خالد بتوتر: اقعدي يا زهرة.

ثم أكمل وهو ينظر لعيناها وينوي أن يعترف بمشاعره اتجاهها الآن قائلاً بحب: زهرة، أنا بحبك. تتجوزيني؟

زهرة بخجل: طبعاً موافقة.

فاق خالد من شروده على صوت زهرة وهي بتخبط الباب. ابتسم لأنه توقع أنها هتعمل كده، وهو بيأخذ نفسه بعمق ومقرر أنه يعمل زي ما فكر من شويه بدون خوف. قال بصوت خرج مهتز رغمًا عنه: ادخلي يا زهرة.

دخلت زهرة بهدوء وهي بتقول بجدية: حضرتك طلبتني يا فندم؟

ابتسم خالد لأنه توقع من قبل أنها هتقول كده وقال بتوتر: اقعدي يا زهرة.

زهرة قعدت بهدوء وهي بتبصله عشان يتكلم ويقول عايزها ليه.

خالد بصوت متحشرج ومتقطع: زهرة، أنا يعني… أنا.

زهرة باستغراب: حضرتك كويس؟

خالد وهو بيحاول أنه يهدي نفسه: أنا كويس. ممكن تروحي تكملي شغلك.

زهرة باستغراب أكبر: طيب حضرتك كنت عاوزني في إيه؟ أنا أخطأت في شغلي ولا حاجة؟

خالد بسرعة: لا، مفيش حاجة، انت شغلك كويس جداً. أنا بعتذر إني عطلتك عن شغلك، اتفضلي كملي شغلك.

زهرة ناظرته باستغراب لكنها قالت له باستسلام: لا ولا عطلتني ولا حاجة، عن إذن حضرتك.

خرجت وأغلقت الباب، وهو يجلس يجمع أنفاسه بصعوبة لا يصدق أنه يضعف أمامها بهذا الشكل ولا يستطيع أن ينطق كلمتين. لم يعرف لماذا لم يريد أن يقول لها، لخوفه من خسارتها لكون الذي تعتبره أخاً لها يفكر بها بذلك الطريقة، أم أنه توتر أمامها لأنه يضعف أمامها حقاً. نفخ بضيق وهو يحاول أن يعاود التركيز في عمله مرة أخرى ولكن دون جدوى، فهو مستمر في التفكير بها دون جدوى.

عند زمرد وزهرة كانوا قاعدين وقت الاستراحة بيتكلموا في مواضيع عشوائية وبيضحكوا بمرح. قالت زمرد وسط الكلام: زهرة، مش أنا صاحبتك؟

زهرة بعفوية: طبعاً، وأكتر من صحبتي كمان. انت متعرفيش معزتك عندي عاملة ازاي.

زمرد بحب: والله وأنا كمان، برغم الفترة القصيرة دي بس أنا اتعلقت بيكي اوي بجد، وبقيتي البيست. فما بأن أنك بتحبيني زي ما بحبك. كنت عايزة أطلب منك طلب بس ياريت متدايقيش مني، واوعديني إنك مش هتزعقي ولا تتعصبي.

زهرة بابتسامة: وعد يا ستي. ها إيه الموضوع بقي؟

زمرد بتوتر: أنا حكيتلك كتير عني، والفضول هيقتلني بصراحة عشان أعرف حكايتك وطلاقك. ممكن تحكيلي؟ ولو مش عايزة خلاص.

زهرة بابتسامة: انت فعلاً صحبتي وأنا بثق فيكي وهحكيلك يا ستي ولا تزعلي.

زمرد بفرح: تعيش زهرة، تعيش.

زهرة بهدوء: بصي يا ستي، الحكاية بدأت من لما كنت صغيرة. ماما رحلت وأنا عندي سنتين، مجربتش إحساس إني أترمي على أمي وأحضنها وأحكيلها على مشاكلي. اتيتمت بدري اوي. بابا هو كان كل حاجة في حياتي، كان بيخاف عليا اوي من كل حاجة. مكنتش بتعامل مع حد غيره هو وعمي ومرات عمي وابنهم يوسف. كانوا هما الأربعة حياتي كلها. عمري ما اتعاملت مع حد غيرهم، كان دائماً مقفول عليا، عمري ما كان عندي صحاب. بابا كان بيخاف عليا، ويوسف كان بيرفض دائماً إني أتعامل مع حد غيره، وإن حياتي تبقي عبارة عن يوسف وبس. كنت الأول بعتبره أخويا اللي مولدتوش أمي.

ظروفنا المادية كانت كويسة، لحد ماما كان عندها مرض في المخ وكان لازم يتعملها عملية وعلاج كل شهر. وبابا كانت ظروفه المادية كويسة، لكن بابا كان بيصرف فلوسه كلها على علاج ماما لحد ما رحلت. وأتأثر اوي برحيلها، ومن كتر ما كان متأثر دخل صفقة ب ١٠ مليون جنيه وخسرها، وحجزوا على شركته عشان مكنش معاه المبلغ كامل بسبب علاج ماما وعمليتها اللي مكنش عدي عليهم أسبوع. وخسرنا كل حاجة، بس بابا عمره ما حسسني بكده، وكان دائماً أي حاجة بطلبها مهما كانت مجابة. لحد ما الظروف اتحسنت بسنتين كده ورجع الشركة ووقف على رجله تاني، وحالتنا المادية رجعت أحسن من الأول.

تابع المقال

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى