
نظر حمزة نحوها ليجدها تسقط على جانبها مغشياً عليها من كثرة ما تعرضت له.
أسرع حمزة نحوها وهو يربت على وجهها برفق: تويا سمعانى تويا.
لم يصله الرد، ولكن ما رآه وجه يحاكى الهدوء الشديد، شحب وجهها والآثار المتفرقة ألمته كثيراً، أمسك بكفها ليجده مثل قطعة ثلج.
صرخ به وهو يحملها: أنت غير متزن، البنت حالتها خطيرة، هستنى إيه أكتر من كده؟ ابعد عنى يا خالد سيبنى ألحقها.
قلتلك مش هتخرج من هنا، مش هسيبها يا حمزة، هخليها هنا في حال سيئة.
يا أخى اتقى الله حرام عليك، انت ايه البنت حالتها تسوء وأهلها مش هيسبوك وهتروح في ستين داهية، افهم بقى.
نادته سميرة بحنق: أهل مين يا سى حمزة؟ ولا حد فيهم يقدر يقرب من ابنى، ده انا امسحهم من على وش الدنيا.
نظر إليها حمزة بسخط: دى لو بنتك مش هتسكتى، اتقوا الله بقى.
ابتعد عن خالد وأسرع بها ليصطدم بأبيها وأمها وإخوتها يقفون أمامه، لتصرخ أمها به وهى تسرع نحوه صارخة: بنتى، عملتوا فيها منكم لله، تويا ردى عليا يا حبيبتى، ردى يا بنتى.
تركهم حمزة يكملوا حديثهم ليسرع بها.
ولكن مالك أخيها لم يغادر مثل الجميع، ليسرع نحو خالد يواجهه بقوة ليتراجع خالد للخلف وتصرخ سميرة جزعاً، ولكن مالك لم يتراجع بل ازداد قسوة في المواجهة، حاول شقيقه الأكبر إياد منعه ولكن مالك كان في قمة غضبه وهو يصرخ به.
حاولت سميرة منع الشقيقين من مواجهة ابنها، ولكنهما كانا في ذروة الغضب والكراهية ولم يتركوه حتى سقط مغشياً عليه.
منهم الصامت وبداخله بركان يغلى، ومنهم من يأخذ الممر ذهاباً وإياباً بغضب، ومنهم من يدعو لتعود إليهم كما كانت.
حتى فتح باب الغرفة وخرج منها الطبيب ووجهه لا يبشر بالخير أبداً.
أسرعوا نحوه بقلق ليعاجله محمود: في إيه يا دكتور طمنى يا ابنى، بنتى كويسة؟
هز الطبيب رأسه بأسف: الحالة مش مستقرة لحد دلوقتى يا حاج، اللى حصلها مش سهل.
وافقه مالك قائلاً من غير ما تقول يا دكتور: أنا بلغت خلاص وزمان أى حد من القسم جاى دلوقتى.
تراجع حمزة للوراء وهو يستمع إليهم ومجبر أن يصمت، يعرف أن خالد تجاوز كل الحدود ولن تهدئهم كلمة يقولها هو.
وجدهم يتراجعون للخلف ليعودوا ويجلسون كما كانوا، حتى رأى ضابط الشرطة متجهاً نحو مالك الذي تحدث معه قليلاً ثم قاده لغرفة الطبيب ليطلعه على الحالة الصحية لتويا.
استفاق خالد من نومه على صوت طرقات الباب القوية وصوت أمه العالى يقلقه، تتجه نحو الباب فتحه بحذر ليجد أمامه قوة من الشرطة تقف أمامه.
نعم في إيه؟
قالها بهدوء حذر ليدفعه الضابط للداخل برفق: أنت خالد شوقى؟
ابتلع ريقه مجيباً: أيوه أنا، في إيه؟
البس هدومك وتعالى معانا، أنت مطلوب في القسم دلوقتى حالا.
صرخت به سميرة: ابنى مش خارج من هنا معاك، اذن نيابة.
التفت إليها الضابط بهدوء: إذن النيابة موجود وابنك مطلوب القبض عليه، ولو مجاش معانا بالذوق هيجى بالعافية، وباللى عليه إيه رأيك بقى؟
تدخل خالد قائلاً: طيب بالراحة يا حضرة الظابط، ممكن افهم في إيه؟
والله أنا معرفش حاجة، اللى أعرفه أنك مطلوب القبض عليك ودلوقتى حالا، ويا تيجى بالذوق يا نأخدك بالعافية.
رفع خالد يده باستسلام: لا وعلى إيه، ثوانى البس واجى معاك.
تراه يقترب ولا مفر.
لتجد أخيراً باباً خشبياً يلوح لها من بعيد، تسرع نحوه وتراه خلفها يجرى ليلحق بها، وتسرع هي لتصل للباب قبل أن يصل إليها، أمسكت بمقبض الباب لتفتحه وبسرعة وتخرج منه هاربة.
لتجد نفسها أمام شاطئ لم ترى بجماله قبلاً، رماله ناعمة كنعومة الحرير، هواءه يشعرها بالحياة وسماءه زرقاء صافية.
لحظات أشعرتها بالراحة والحياة.
تنظر يمينها لتجد أرجوحة معلقة، تسرع إليها بفرحة طفلة، تعتليها بسعادة، أمامها ملامحه لم تكن واضحة بما يكفى حتى هبطت بقدميها تمشى فوق الرمال لتصل إليه، ترى ابتسامته.
ليسأله الضابط بعض الأسئلة الروتينية حتى ألقى إليه بسؤال ينتظره: عاملة مراتك بقسوة ليه يا خالد؟
أخفض رأسه محاولاً السيطرة على انفعالاته، محاولاً تصديق رواية حكاها له أمه.
ابتلع خالد ريقه قائلاً: طبيب شرعي ليه يا فندم؟ واحد يعامل مراته بقسوة يعنى المفروض أنها مسائل عائلية.
ابتسم الضابط بهدوء: لا دى مش مسائل عائلية يا باشمهندس، أهل مراتك قدموا بلاغ ضدك وهتتحول للنيابة، والنيابة طبعاً هتاخد بكلام الطبيب الشرعي اللى هيقول إذا كان فعلاً كلامك مظبوط وهى كذبت عليك أو أن حضرتك كذاب وبتتبلى عليها، وساعتها هتاخد حكم مش هيقل عن ست شهور ويمكن أكتر، ده غير أنهم.
وقف خالد غاضباً: هو حضرتك معايا ولا معاهم؟
أنا لا معاك ولا معاهم، أنا مجرد بوضحلك موقفك القانوني بس، بينى وبينك لو البنت دى أختى ولا بنتى وأنا اتأكدت أنها شريفة أنا مش هرحمك، بس لحسن حظك أنها مش قريبتى، بس القانون مفيش فيه بقى قرابة ولا غيره، القانون قانون يا باشمهندس.
مر أسبوع وبدأت تويا تتعافى تدريجياً، ولكن ألمها النفسى أعظم وأبشع من الألم الجسدي.
أبيها دائماً بجوارها يطمئنها أنه لن يترك حقها يذهب هباءً.
ولكن ما يؤلمها هو موقف شقيقها الأكبر مصطفى الذي طلب من أبيها التنازل عن القضية حتى لا يتأثر مظهره الاجتماعي أمام زوجته وعائلتها ذات الصيت.
لم تنسى كيف صرخ بها: بقولك ايه يا تويا، أنا مش عاوز فضايح، انسى حكاية القضية دى، هو يصالحك وخلاص وترجعى بيتك، ولا من شاف ولا من درى.
صرخت به باكية قلبها يتمزق ألماً: بعد اللى حصلى وعاوزنى اسكت يا مصطفى؟ طب إزاى؟ اهون عليك يجرالى كل ده واسكت؟
اه تسكتى، إحنا مش حمل فضايح، عاوزة الناس تقول إيه؟ ألف مين هيجيب في سيرتك؟ عارفة يعنى ايه؟ يعنى لينا كلنا.
رأت أبيها وأمها يدخلون ويقفون يستمعون لحديث مصطفى، ليصرخ به أبيه: فضايح إيه يا دكتور؟ عاوز أختك تتنازل عن حقها؟ عاوزنى أسيب اللى عمل فيها كده يعيش حياته عادى؟ جربت أنت الألم اللى هي حست بيه؟ لا طبعاً مجربتش، كل همك أن أهل المدام بتاعتك محدش فيهم يعرف حاجة، عاوز ديماً منظرك أودامهم أنك ابن عيلة راقية، مش هو ده اللى بتدور عليه يا مصطفى؟
مسح مصطفى وجهه محاولاً التحلى بالصبر: يا بابا أنت عارف الناس هتقول إيه لما يلاقوها راجعة بيت أبوها وهى مكملتش أسبوع؟
صرخ به محمود: تتحرق الناس، ناس مين دول اللى أنت عامل حسابهم؟ هينفعونى في إيه لو كانت أختك جرالها حاجة؟
طول عمرك مدلعها، لما خليت مفيش حد فينا عارف يكلمها، ودلوقتى بتقويها على جوزها.
صرخت به تويا: مش جوزى ومش هرجعله يا مصطفى، ولو حاولتوا ترجعونى أنا مش هقدر أكمل عشان ترتاح منى.
صاح مصطفى بتأفف: أهو الدلع ده اللى هيخلى محدش يقدر يكلمها، تغلط ومفيش رادع.
جاءه صوت مالك من خلفه قائلاً بسخرية: بقى كل ده عشان مدام حسناء وأهلها المحترمين يا أخى؟ عيب عليك.
التفت إليه غاضباً: احترم نفسك وأنت بتكلم أخوك الكبير يا محترم.
وافقه محمود الرأي: أخوك الصغير وخايف عليها أكتر منك أنت يا مصطفى، بكرة ربنا يرزقك ببنت وشوف أنت هتخاف عليها إزاى، شوف قلبك ساعتها هيحبها إزاى، بتلومنى أنى بحب أختك ومدلعها؟ لا يا ابنى أنت غلطان، كلكم واحد، بس لو البنت.
حكمت المحكمة.




