لفصل الاخير
صوت خبط أختي على الباب كان عامل زي مطرقة حديد بتنزل فوق دماغي في عز الدوخة. خبطات هستيرية مع صوت صريخها اللي سمع العمارة كلها افتح يا أحمد! افتح يا ساتر يا رب، البوليس قالب الدنيا تحت وبيسأل على شقتك بالاسم! افتح قبل ما يفضحونا في المنطقة!
كنت واقف في نص الصالة متسمر في مكاني، الورق اللي طلعته من الظرف بيترعش بين صوابعي كأنه جمر ڼار. عقلي كان مشلۏل تماماً بين الکاړثة المكتوبة في الورق قدامي، وبين صوت الكلاكسات وسراين البوكس اللي بدأت ترن تحت في الشارع فعلاً وتدخل من بلكونة الصالة.
البنتين اتفزعوا. ملك الصغيرة مسكت في ضهري وهي بتترعش زي العصفورة المبلولة، ومريم وشها اصفر وبصتلي بعينين تايهة مش فاهمة إيه اللي بيحصل بابا.. هو في إيه؟ هو إحنا عملنا إيه؟ مين اللي جاب البوليس هنا؟!
بلعت ريقي بصعوبة بالغة، وبصيت للورق اللي في إيدي نظرة خاطفة أخيرة عشان أستوعب اللي قريته قبل ثواني معدودة. الورق مكنش مجرد وصية عادية..
الورقة الأولى كانت إقرار رسمي وتنازل قديم متوثق في الشهر العقاري من أهل جوز المرحومة الأولاني. الناس
اللي قعدوا ١٤ سنة يدّعوا الفقر وإنه ماټ وسابهم على الحديدة، كانوا في الحقيقة من عيلة صعايدة تقيلة في أسيوط، وعندهم أراضي وعقارات بالملايين! بس الچريمة مكانتش هنا.. الچريمة كانت في الورقة التانية شهادة ميلاد مريم الحقيقية وإقرار من المرحومة ومن أخو جوزها المټوفي!
مريم مكنتش بنت جوزها الأولاني أصلاً! مريم كانت بنت أخويا أنا الكبير اللي ماټ في حاډثة من ١٨ سنة وكان متجوز في السر من غير علم أهلي! المرحومة زمان، بعد ما أخويا ماټ ومراته اټوفت وهي بتولد مريم، خدت الطفلة ونسبتها لجوزها الأولاني عشان تحميها من عيلتنا اللي كانت هترميها في الشارع عشان ورث أخويا الكبير، وعشان أختي وأمي زمان مكنوش طايقين جوازة أخويا السرية دي! يعني مريم، البنت اللي ربيتها ١٣ سنة وافتكرتها بنت راجل غريب، طلعت بنت أخويا ومن لحمي ودمي! وملك الصغيرة هي بس اللي بنت المرحومة من جوزها الأولاني، وليها ورث في الصعيد يقدر بملايين الجنيهات متجمد في المحاكم، والمرحومة خبت كل ده عشان تحميهم من طمع عيلتي وطمع عيلة جوزها القديم لحد ما يبلغوا السن القانوني!
الأوراق دي كانت
قنبلة ذرية كفيلة تطيح بعيلتي كلها، وتثبت إن الشقة اللي إحنا قاعدين فيها دي والفلوس اللي في البنك كانت أمانة أخويا لبنته مريم، مش ملكي لوحدي ولا ملك أختي اللي عايزة تطردهم!
افتح يا أحمد يا مصېبتي السودة! افتح هيمسكونا من قفانا!
صوت أختي شق سكوتي. طبقت الورق كله بسرعة وحشرته في جيبي الداخلي للجاكت، وبصيت للبنات بنظرة فولاذية معرفش طلعت منين، حسيت فجأة إن ضعف ال ٤٥ سنة كله اتبخر في ثانية وحل محله ڠضب وحش كاسر ادخلوا الأوضة جوة ومحدش فيكم يخرج ولا يفتح بقه بحرف مهما حصل! فاهمين؟!
دخلوا الأوضة وقفلوا الباب عليهم بالمفتاح وهم بيترعشوا. مشيت لحد باب الشقة، سحبت الترباس وفتحت الباب على آخره.
لقيت أختي واقفة وراها اتنين أمناء شرطة ورائد مباحث لابس مدني، ووراهم في آخر السلم كان واقف حمايا.. أبو نورهان، مراتي الجديدة، ووشه كله غل وتشفي، وواقفة جنبه نورهان لابسة عبايتها وطرحتها ورافعة مناخيرها في السما كأنها جاية تشهد إعدامي!
أختي دخلت تلطم على خدودها شوفت يا أخويا؟ شوفت أخرة طاعتك للبنات اللي مش من صلبك؟ شوفت الڤضيحة اللي جيبتهالنا في
المنشية
