
ومشى إيده على وسطها وقال:
— وعقبال الجسم، لأن مبقاش قدامك غير الاستسلام، انتي في قفص النمر، واللي تدخلوا متخرجش إلا بمزاجه.
قال كده وطلع على عربيته وهو بيلبس نظارته بغرور وانبساط شديد. ابتسمت ابتسامة بسيطة وعضت على شفتها بخجل من اللحظة المجنونة اللي كانت بينهم، بس فاقت لنفسها وقالت بغضب:
— هبلة، هبلة قوي.
بالليل إسراء كانت بتجهز العشا، دخل عندها مصطفى وقال بابتسامة:
— مساء الخير.
إسراء قالت بارتباك:
— أهلًا مصطفى.
قال:
— إسراء، جيت أتكلم معاك شويه.
إسراء ابتسمت له وفضلوا يتكلموا شويه، بس من توترها جرحت صباعها. مصطفى مسك إيدها بسرعة وقال:
— ألف سلامة عليك، استنى هغسلهولك.
وبقى يغسلها على الحنفية وهو ماسك إيدها بيشوف الإصابة. دخل عساف وبص لهم، كانوا قريبين جدًا من بعض ومصطفى ماسك إيدها، مش عارف بيعملوا إيه من بعيد، قرب عليهم وقال:
— الله الله، هنا في المطبخ؟
إسراء اتفاجأت ورجعت لورا بخوف. مصطفى قال:
— يا ابني، خضتنا في إيه؟ هنكون بنعمل صباعها، اتجرح، كنت بشوفه.
قال بضيق:
— يا سلام، بتشوف لها صباعها ولا بتنفخ لها عينها؟
مصطفى بصله بارتباك وقال:
— عينها ليه؟ بقول لك صباعها وبس.
فاجأهم لما مسكه من قميص بغضب وقال:
— وفر سفالتك دي لما تتجوزها، بلاش قلة أدب، احنا في بيت محترم.
مصطفى ضحك بشدة، وإسراء كمان ضحكت معاه في نفس الوقت. عساف بصلهم بارتباك من ضحكهم وخد باله من جملته.
إسراء قالت بضحك:
— بيت محترم؟ على أساس إسراء بأمارة لي لي؟ وبعدين ده ابن خالتك وحافظك، كفاية الموقف اللي شافه من كم يوم.
ورجعت تقطع تاني. عساف قال:
— انتي مش بتقولي إيدك مجروحة؟ سيبي الأكل، أي حد غيرك يعمله، اطلعي فوق ريحي.
إسراء قالت:
— لا، أنا هروح على بيتنا، أطلع فوق ليه؟
مصطفى قال:
— انتي اطلعي ريحي، هتروحي ليه؟ الموضوع مش مستاهل، ارتاحي دلوقتي.
عساف قال بسرعة:
— معاه حق، اطلعي يلا، علشان عايز مصطفى في كلمتين.
إسراء طلعت، وعساف بص لمصطفى وقال:
— لا، شكلك واقع، يلا البت حلوه وتستاهل.
مصطفى ابتسم وقال:
— هي فعلًا تستاهل، بس للي يفهم ويقدر.
قال كده ومشي وسابه واقف بغيظ. طلع من المطبخ وهو متغاظ جدًا، لقى مصطفى راح الجنينة يقعد مع خالته، فطلع على فوق بسرعة ورا إسراء. إسراء من الأوض ونامت على السرير نومة مريحة جدًا، حست كأنها هتنام خلاص، بس دخل عساف وقفل الباب بالراحة من غير ما تاخد بالها، وراح جنبها على السرير. إسراء حست بحد جنبها، لسه يتفتح عينها اعتلاها بسرعة وقال:
— كنتي بتعملي إيه في المطبخ؟
إسراء قالت بخوف:
— كنت بشتغل عادي.
بص لها جامد نظرات مرعبة وقال:
— ومصطفى؟
قالت بارتباك:
— عادي، كنا بنتكلم، ولما اتجرحت ساعدني.
عساف ضغط على ذراعاتها وقال بضيق:
— ليكون بيساعدك زي ما كنت أنا بساعدك؟
قالت بضيق:
— أظن انت فاكر إن أنا ما كنتش أحب مساعدتك دي أبدًا. ويلا اطلع، احسن حد يجي، بلاش جنان.
حط إيده على خدها وقال بضيق شديد وهو بيحاول يداري:
— ليه الباشا بيغير عليك ولا إيه؟ أنا محدش يمنعني عنك، وحتى لو اتخطبتي أو بقيتي في عصمته، محدش له حق يغير عليكي مني. أنا استثنائي، وانتي لازم تتعاملي على الأساس ده.
إسراء بصتله بذهول شديد من كلامه وقالت:
— ليه بقى؟ تفرق في إيه؟ يعني انت راجل زي أي راجل، وعيب الوضع ده.
عساف قال بسرعة:
— لا، أنا عادي، إنما هو عيب تكوني معاه غلط ومش مقبول، ما حدش يلمسك غيري يا إسراء، سمعتي؟ ما حدش يلمسك غيري.
ضحكت على كلامه بخفة وقالت:
— يا ابني، انت شارب حاجة النهارده ولا إيه؟
عساف حط إيديه ورا رقبتها وسند جبينه على جبينها وقال:
— لا ميمسكيش يا إسراء.
وبصلها بضعف وقال:
— ما تتجوزيش يا إسراء، أرجوكي ما تتجوزيش، مش هستحمل، أرجوكي.
ابتسمت وحطت إيدها على رقبته بلمسات رقيقة جدًا وقالت:
— ولو ما اتجوزتش، إيه اللي هيحصل؟ ما أنا برده مش هكون ليك.
قال بسرعة:
— هنفضل زي ما احنا، مش شرط تكوني ليا، بس ما تخليش حد يلمسك ولا حد يكلمك، ماشي يا إسراء؟
داست على شفتها وهي بتبصله بابتسامة جميلة وقالت:
— انت واقع قوي يا باشا، بس للأسف مش هقدر أنفذ طلباتك المرة دي.
ودفعته وقامت بسرعة وقالت:
— أنا بنوته صغيره وقمر زي ما انت شايف، عايزة أتجوز، أحب وأتحب، كفاية مرمطة بقى.
قرب منها وقال:
— طيب لو بقى من غير مرمطة، مش هخليكي تتمرمطي أبدًا، هاديكي كل الفلوس اللي انتي عايزاها، بس ما تتجوزيش.
ضحكت جامد وقالت:




