
— والله انت غريب قوي النهارده بجد.
عساف قال بسرعة:
— أنا عايزك يا إسراء، وانتي عارفه كده كويس.
قالت:
— آه، أنا كنت عارفه كده، بس مفتكرش إنك اتجننت خالص كده. طب يعني هنفترض معادلة نص 1% إن أنا وافقت، أسيبو بعد كده أتجوز عادي واحد ثاني ولا هترهبن؟
قال بسرعة وهو بيغطي على ذراعها:
— لا برده.
ضحكت جامد وقالت:
— شوف يا باشا، انت عنيد قوي، بس اللي في القلب مش محتاج لسان، بس اعذرني، طلباتك المرة دي مش هنفذها.
بص لعيونها وحط إيده على شعرها وقال:
— اوعي يا إسراء تتجوزي، أنا مش هستحمل أبدًا أبدًا، والله من الصبح مش قادر أتخيل إنك تكوني لغيري، أرجوكي متعملهاش، قلبي وجعني قوي.
ابتسمت بسعادة من جواها وقالت بهمس:
— ووجعني أكتر منك يا عساف.
عساف بصلها بذهول لثواني بسيطة، وإسراء خافت خوف سريع جدًا وهي حاطة إيديها على وشه، وقبل ما يلحق يتمادى أكثر، خرجت منو وقالت عند الباب:
— اعتبرها وداع يا باشا، لازم تعرف إن دي آخر مرة هتلمسني فيها، عن إذنك.
قالت كده ونزلت، وهو كان واقف باصص لطيفها بذهول، اترمى على السرير وبقى ياخد نفسه وقلبه هيطلع من صدره، غمض عينيه بضيق شديد.
تحت كان مصطفى قاعد مع أخته وقال:
— تفتكري هيعمل إيه لما نقول له دلوقتي إن احنا حددنا الفرح بعد أسبوع؟ تفتكري هيتكلم ولا هيفضل ساكت؟
نوال قالت:
— هو بيحب البنت وأنا متأكده إنه مش هيسبها، بس لو متكلمش، دي وقتها تبقى مصيبة.
ابتسم وقال:
— أكيد هيتكلم، ما تقلقيش، أنا كمان عارفه ومتأكد إنه بيحبها، يلا بينا.
وبالفعل استنوا عساف لحد ما نزل، وقالوا قدامه قاصدين. مصطفى قال:
— أنا معايا شغل ومضطر أسافر، وعايز أسفرك معايا، إيه رأيك يا إسراء؟
إسراء بصت له بذهول وقالت:
— الأسبوع ده؟
مصطفى قال:
— أنا مضطر أمشي، ومش عارف ممكن أرجع امتى.
بصت لعساف برجاء ومستنياه يتكلم، بس أغمض عنيه بغضب ومردش. اتنهدت ونزلت عينيها في الأرض بضيق وقالت:
— اللي تشوفوه.
عساف وقف بغضب أول ما قالت كده، وطلع على أوضته بعصبية شديدة. وكانت هنا اللحظة اللي نوال ومصطفى اللي افتكروه هياخد موقف.
مصطفى طول الأسبوع بقى يقرب من إسراء قدامه قاصد، حاول يحرك غيرته، وكان عساف هايجنن من التصرفات دي ومش طايق نفسه، بس ما كانش يتكلم أبدًا. إسراء كانت متضايقة منه جدًا على بروده وسكوته، وبطلت تتكلم معاه أبدًا طول الأسبوع ده ولا تشوفه، مع إنه كان هيتجنن ويتكلم معاها حتى كلام.
جه يوم الفرح، كانت المعازيم بره وإسراء جهزت ومستنية مصطفى يجي ياخدها. نوال نادت لعساف وقالت:
— عساف يا ابني، روح طلع العروسة وهاتها هنا عند المعازيم.
عساف قال بخنقة:
— ليه؟ فين المحروس؟
نوال ضحكت وقالت:
— المحروس معاه جماعة أصحابه، ووافقوا إنه يلبس عندهم، وبعد شويه هيجي.
عساف اتنهد بضيق وراح يناديها، وكان نفسه جدًا يشوفها وهي عروسة. دخل وكان معاها شوية بنات ومرات أبوها، عساف حمحم وقال:
— استنوا بره، معلش، حابب أتكلم مع إسراء كلمتين.
الكل طلع بارتباك، وإسراء وقفت وقالت بضيق:
— وأنا مش عايزة أتكلم معاك.
ولسه هتمشي، مسكها من إيدها وقفل الباب وقال:
— مش عايزة تكلمي معايا ليه؟ ده حتى انهارده آخر يوم أشوفك فيه. انتي بجد هتسافري؟
إسراء قالت بضيق:
— أيوه هسافر معاه، وأسافر لآخر الدنيا، إنسان محترم واشتراني.
عساف قال بغضب شديد:
— ومعاه فلوس كمان.
إسراء ضحكت جامد وقالت:
— انت عارف إن الفلوس آخر همي، وكنت بتمنى من قلبي ألاقي اللي يعوضني حرماني.
نزل عينيه في الأرض، ما كانش قادر يكتم وجع قلبه أكتر من كده وقال:
— أنا مش قادر، مش قادر، حاسسك بتبعدي قوي.
بصت له بدموع وقالت:
— أنا بعدت أصلًا، مش هبعد. والبركة فيك.
لسه هتمشي، شدها عليه بقوة وحاوطها بإيديه وقال:
— هتصدقيني لو قلت لك إني تخيلتك بالشكل ده، بنفس الطلة القمر دي؟ تخيلتك وأنا شايلك وطالع بيكي أوضتنا، تخيلتك وانتي مراتي، حلمت بيكي كمان.
إسراء بصتله بدموع وقالت:
— وإيه اللي منعك؟ إيه اللي منعك يا عساف؟ كنت مستنياك، نفسي تتخلى عن الأفكار غير المناسبة دي اللي عندك، باني أبقى عشقتك، لما أني اتولدت لقيت نفسي خدامة، عمرك ما هتشوفني غير كده، خدامين عندكم، وعساف باشا أعلى من كده. سيبني في حالي، أتمنى لك تلاقي واحدة تكون بنت باشا أو وزير أو سفير، بس تحبك قد ما حبيتك.
قالت كده بدموع ولسه هتمشي، شدها وبص لعيونها بقوة وذهول وقال:
— بتحبني زي إيه؟
قالت بتوتر:
— اعتبرني ما قلتش حاجه.
ولسه هتمشي تاني، بس شدها بقوة تاني وقال:
— مش هسيبك تطلعي، مش هسيبك تروحي مني يا إسراء.
نزلت عينيها في الأرض وهزت راسها بيأس وقالت:
— انت غبي قوي.
حط جبينه على جبينها وهو مغمض عينيه وقال بهمس قدام شفايفها:
— قوي غبي، قوي، وأكبر غباء كنت هعمله إني كنت هسيبك تروحي لغيري. إذا انتي بتحبيني، فأنا بعشق كل حاجه فيكي من أول يوم شوفتك فيه، وأنا متأكد إنك بتاعتي، انتي ليا أنا وبس، وحتى لو هتخلى عن أفكاري اللي كنت بقولها لكل الناس، وإن كل واحد يتجوز من طبقتو، بس لا، انتي غيرت القوانين، وقلب النمر لأول مرة يدق.
بصت لعيونه جامد وقالت:
— قلب النمر تعبني قوي.
عساف قال:
— بس هيداويكي وينسيكي، أنا الكام يوم اللي أخدتيهم بعيد عني فهمت إن أي فلوس في الدنيا مش هتجيبلي السعادة اللي كنت بحس بيها وأنا مستنيك كل يوم تيجي علشان أضايقك شويه وأمسك شويه، زي الطفل المراهق، جنتي بين إيديكي، انتي ليا يا إسراري مش لأي حد تاني.
ابتسمت وقالت بسعادة:
— طب هنوقف الفرح؟
عساف ابتسم وقال:
— لا، هتجوزك فيه، وأهو ما نعملش التكاليف دي تاني.
ضحكت وقالت:
— والله معاك حق.
ابتسم لها بحب، بس اختفت ابتسامته وقال:
— بس لازم أكلم مصطفى.
وإسراء قاطعته وقالت بضحك:
— مصطفى مش هيزعل، متقلقش، لأنه عارف كل حاجه، كان متفق مع والدتك على الموضوع ده من الأول. لأني من أول يوم قلتله إني بحبك، أنا ما كنتش أتخيل إن ممكن أبقى لحد غيرك.
عساف بصلها بذهول شديد وقال:
— انتي بتقولي إيه؟ انتو كنتوا بتشتغلوني؟
ابتسمت وقالت:
— حاجه زي كده يعني، هما كانوا عايزين يوقفوا الفرح من أول ما انت طنشت وقلت مبروك، بس أنا موافقتش، كنت حاسه إنك هترجع لي، وقلتلهم هنعمل الفرح حتى لو هتتفضح فيه ويقولوا العريس سابها ومشي.
عساف قال بسعادة:
— يعني مصطفى مش عند أصحابه دلوقتي؟
ضحكت وقالت:
— مصطفى زمان وصل من زمان، وقت ما طلع من هنا كانت الطيارة بتاعته فاضل لها نص ساعه.
عساف شالها من فرحته وبقى يلف بيها وقال:
— يخرب عقلك على عقله ده، أنا كنت هتجنن، هقول له ازاي؟
ضحكت وقالت:
— أنا ما أقدرش أتجوز غيرك، حتى لو انت تقدر.




