
زهرة وهي بتمسح دموعها وبتشدد على احتضانها أكثر وهي بتقول: أنا بجد مش عارفه من غيرك كنت هعمل إيه. انت الوحيدة اللي وثقت فيكي ومخذلتنيش. ثم نظرت لها بدموع: اوعي يا زمرد انت كمان تخذليني.
زمرد وهي بتضربها على كتفها بهزار: بس يا هبله، انت بتقولي ايه؟ وبعدين خالد بيعزك على فكرة. أنا مش بدافع عنه، بس عشان أنا عرفاه، هو دبش بس قلبه أبيض والله.
زهرة بضيق: لو سمحتي متجبليش سيرته.
زمرد بمرح وهي تحاول تضحكها: يا ستي، هم كلهم رجالة، ميجيش من وراهم غير الهم والكآبة. فرفشي كده، بتعيطي على إيه؟
ضحكت زهرة على زمرد التي تحاول دائماً أن تخرجها من مودها السيئ. أكملت زمرد وهي تسحبها: يلا عشان نروح.
زهرة باستغراب: نروح؟! انتي مش رايحة الشغل؟
زمرد: انت هتروحي!!
زهرة بضيق: لا طبعاً.
زمرد وهي تقول بمرح: وأنا كمان مش هروح تاني خالص.
زهرة بضحك: زمرد بطلي هزار وروحي كملي شغلك ونبقي نتكلم بليل.
زمرد بجدية: أنا مش بهزر. أنا الشركة دي مش هدخلها تاني بجد.
زهرة باستغراب: ليه؟
زمرد بمرح: رجلي على رجلك، هتمشي نمشي سوا، هترجعي هنرجع سوا، يا نعيش عيشة فل يا نموت. احنا الكل.
زهرة بضحك: انت بتهزري!!
زمرد بمرح وهي تمسك يديها: والله ما بهزر. أنا فعلاً مش رايحة الشركة تاني، وهندور على شغل تاني نروحوا سوا لو عايزة، وبيتنا كمان مش هدخله تاني إلا لما خالد يعتذرلك وانت تسامحيه.
زهرة باستغراب: زمرد انت بتقولي ايه؟ انت هتسيبي بيتك وشغلك عشاني؟
زمرد بضيق: وانت مستهترة بنفسك كده ليه؟ أه هسيب الشغل والبيت.
زهرة بطيبة: يا زهرة، أنا كده بوظتلك الدنيا خالص، وأنا خلاص مسامحه خالد، روحي بقي.
زمرد بتصميم: لا مش هروح الشركة تاني إلا بيكي، ولو مش هتروحي والله ما أنا دخلاها، والبيت ده أنا مش هدخله تاني إلا لما خالد اللي يعتذرلك وتقبلي اعتذاره، وأنا كمان أقبله، لأن زعلك من زعلي، ساعتها بقي أقدر أرجع البيت تاني وأسيبك.
زهرة بحب: طيب وانت هتباتي فين علي كده؟
زمرد بمرح: عندك. هروح أجيب شنطة هدومي وأجي.
زهرة وهي بتضحك وبتقول: والله انت مجنونة. انت هتسيبي بيتك وشغلك عشاني بجد؟
زمرد بمرح: أه، وبطلي كلام بقي عشان ألحق أجيب هدومي قبل ما استاذ خالد الكئيب ده يرجع البيت وأجيلك، عشان هنعمل حاجات كتير انهارده.
زهرة باستغراب: حاجات ايه؟
زمرد وهي تتركها وتذهب مهرولة: هقولك لما أجي. روحي يلا وخلي بالك من نفسك.
ابتسمت زهرة لزمرد بامتنان وهي توقف بعض التاكسيات لتذهب لبيتها، وهي تحمد الله على وجود زمرد في حياتها، ولا تصدق حتى الآن أنها فعلت هذا لأجلها.
عند ميرنا كانت بتكلم باسم بضيق وهي بتقول: بقولك ايه يا باسم، لازم ترميه زي الكلاب في الشارع في أقرب وقت. دا ضربني الحيوان ده، ضربني ضرب.
ميرنا نور الدين باسم بملل، فهي تتحدث معه منذ أكثر من ثلاث ساعات، قائلاً بضيق: ما خلاص بقي يا ميرنا، بقالك ثلاث ساعات بتكلميني في نفس الموضوع. والله يا ستي هخدلك حق. اقفلي بقي عشان صدعت.
ميرنا بغيظ: بقي كده تمام يا باسم؟ مع السلامة.
باسم بملل: مع السلامة.
وقفت ميرنا وهي رايحة جاية في الأوضة بضيق وبتكرر باستمرار بجنون وحقد: والله لأندمك يا يوسف!!
عند يوسف كان قاعد برا وهو سارح بشرود وبيفكر في زهرة وبيقول بجنون: هتكون راحت فين؟ يعني هي ملهاش مكان غير هنا. أنا هتجنن. هتكوني روحي فين بس يا زهرة؟ أنا حياتي من غيرك وحشة اوي. ارجعيلي وأنا هعوضك عن اللي فات، دا وعد يا حبيبتي!!!
عند ياسين كان قاعد في الشركة بيشتغل، دخل عليه باسم وهو بيحكيله عن اللي عملوه في يوسف ومستنيه أنه يشمت فيه معاه.
ياسين بضيق: أنا زهقت منكوا ومن حوارتكوا الكتير ديه. انتوا بجد مش بني آدمين وبتحسوا زينا. أنا سايب ليكوا الشركة باللي فيها.
باسم وهو ينظر لياسين الذي نهض من مكتبه بضيق وهو يقول بضيق: في داهية.
ثم أكمل وهو يتذكر يوسف الذي حان موعد مقابلته الآن، وهو ينهض ليذهب لمقابلته وعلي وجهه ابتسامة خبيثة.
عند ياسين خرج من مكتبه بضيق وهو مش مصدق أن في ناس زيهم كده. تنهد وهو بيخبط على باب مدير الشركة أحمد.
مدير الشركة: اتفضل.
ياسين بهدوء: السلام عليكم.
أحمد: وعليكم السلام يا ياسين، خير؟
ياسين بهدوء: لو سمحت يا أحمد، أنا عايز أنقل شغلي لفرع إسكندرية.
أحمد باستغراب: اشمعنا يعني!!
ياسين بتصميم: لو سمحت يا أحمد احترم رغبتي ووافق على النقل بتاعي عشان أبدأ في الإجراءات.
أحمد بهدوء: خلاص يا ياسين زي ما تحب، اعتبر نفسك في إسكندرية.
ياسين بابتسامة: دا العشم يا صاحبي، شكراً.
عند زمرد وزهرة، زهرة وزمرد كانوا قاعدين يأكلوا فشار بعد ما جابت زمرد شنطها ووضعتها في الدولاب وغيرت هدومها، وقرروا يقعدوا يتفرجوا على فيلم سوا وهما بيضحكوا بسعادة، وزمرد كل شويه تهزر مع زهرة عشان تتأكد أنها مش زعلانة.
عند يوسف وباسم ومروان وميرنا كانوا قاعدين في كافيه وبيتكلموا.
يوسف بضيق: احنا كان اتفاقنا على ٤ مليون، بقوا خمسه ليه؟
مروان ببرود: أنا حاسس إن صوتك بقي بيعلي كتير. ده اللي عندي يا حبيبي، يا إما هنرفع عليك قضية تزوير وآخد الفلوس كلها بطريقتي، وانت تقضي كام سنة في المساءلة القانونية وتطلع شحات مش معاك ولا جنيه. إيه رأيك بقي تدينا الفلوس بالذوق ولا نحبسك ونآخد الفلوس بردو بس بقلة ذوق؟
يوسف باستسلام وتعب: موافق.
مروان بشماته: أخيراً وقعت تحت إيدي يا يوسف الكلب، وبقيت زي الكلب تحت رجلي.
يوسف بصله بضعف. وميرنا وباسم ومروان بيبصوا له بشماته، ويوسف بيقول في نفسه بضعف: اكتشفت متأخر اوي إن محدش حبني قدك يا زهرة.
عدي ثلاث أيام. يوسف خدوا منه الخمس مليون جنيه وبقي معاه مليون واحد بس، جاب بيه شقة صغيرة عايش فيها، ونفسه زهرة ترجع له تاني بعد ما اكتشف متأخر إن محدش حبه قدها. ميرنا اتطلقت من يوسف واتخطبت هي وباسم وبيجهزوا لجوازهم. مروان شمتان في يوسف وفرحان فيه وبيفكر في مكيدة تاني ليه.
زمرد وزهرة قاعدين مع بعض ودوروا على شغل وراحوا سوا وقاعدين مع بعض، وزمرد رافضة ترجع تاني إلا لما خالد يعتذر. ياسين نقل شغله إسكندرية. خالد ندمان على كلامه مع زهرة وعايز يعتذر بس كبرياؤه مانعه.
عند ياسين قرر يروح يعمل مفاجأة لخالد ويروح له الشركة ويفاجئه بوجوده. ياسين دخل فجأة مكتبه وهو بيقوله: مفاجأة صح؟
ابتسم خالد بفرحة وهو بيحضنه وبيقول بفرحة: وحشتني اوي يا راجل.
ياسين بفرحة: والله وانت كمان. عامل إيه؟
خالد بابتسامة باهتة: الحمد لله. انت عامل إيه وجيت هنا ازاي؟
لاحظ ياسين ابتسامته الباهتة قاله باستغراب: هبقي أقولك بعدين. مالك في إيه؟
خالد وهو بيحاول يضحك: مفيش حاجة.
ياسين بعتاب: أنا أكتر واحد عارفك، متخبيش عني. مالك يا خالد؟
حكي له خالد كل حاجة ما عدا جزء أنه يحبها، لأن كبرياؤه لم يسمح له أن يقول هذا.
قال ياسين بضيق وعتاب: انت متخلف يلا. إيه اللي انت عملته دا؟ هي ذنبها إيه إنها مطلقة؟ انت إيه تفكيرك عقيم بالشكل ده؟
خالد بحزن: خلاص بقي يا ياسين، المهم أعمل ايه دلوقتي؟
ياسين بهدوء: تعتذر لها طبعاً.
خالد بتفكير ثم قال له برفض: لا، هي أكيد لسه مضايقة مني.
ياسين بتفكير ثم قال: خلاص يا سيدي، أنا وانت هنروح. انت هتستني برا بعربيتك، وأنا هدخل أهدي الدنيا وأفهمها وأكلمك تدخلي. اتفقنا؟
خالد براحة: تمام اتفقنا.
كلم زمرد بقي.
ياسين باستغراب: وإيه علاقة زمرد بالموضوع؟
خالد بضيق: ما هي بعد لما حصل الحوار ده قالتلي مش داخله الشركة تاني ولا راجعه البيت إلا لما تصالحها وتقبل اعتذارك، أصلهم صحاب اوي.
أومأ ياسين بتفهم وهو يضحك على تصرفات زمرد. كلمها واتفق معها على مقابلتهم. نهض ياسين وخالد معاً وصلا إلى أحد الكافيهات المطلة على البحر.




