منوعات

يوسف

يوسف بغضب وقربتي مني ليه طالما مبحبنيش؟

ميرنا بتلقيح: بتسلي حد يلاقي تسلية وميتسلاش!!

انقض عليها وهو يصفعها بقوة على وجهها وهي تنظر له بغضب: شوفت بقي انك مش راجل؟ عشان تبقي تصدق كلامي. محدش هيحبك يا يوسف، انت انسان أناني وبشع ومتتحبش. غيرت من زهرة عشان كانوا بيعاملوها كويس، عشان يتيمه، عشان انت مريض. حقدت عليها عشان شوفت ان والدها بيعطف عليك، وانك ولا شئ، وكنت بتكرهها وعايز تنتقم من إحساس الذل اللي انت عايشه بسبب عطف باباها عليك. هي كانت بتحبك وبتتمنالك الخير، وانت بتحقد علي بنت يتيمه مجربتش طفولتها. طول عمرك أناني ومريض، وأهي سابتك وهتحب وهتشوف حياتها بعدك، وبعدك مش مأثر فيها.

كان بيسمع كلامها وهو بيضغط على باطن كفيها بقوة حتى سمع صوت صراخها العالي. قال بحقد وجنون: أنا محدش يسبني. هي أكيد متأثره دلوقتي بعدم وجودي وهترجعلي تاني. وانت بتحبيني وبتنكري. أنا مفيش بنت ترفضني، انت فاهمة!!

ميرنا بضحك: أنا مشفقة عليك بجد. هي سيباك بقالها سبع شهور ومسألتش فيك ولا رجعلتك، وده وهم انت بتقنع بيه نفسك وبترضي بيه غرورك ونرجسيتك يا مريض. أما بالنسبة ليا، انت كنت مجرد وسيلة معتمدة عليها عشان أتجوز أنا وحبيبي باسم، يعني انت كنت مجرد كوبري ووسيلة للتسلية مش أكتر.

سمع كلماتها وهو يثور بداخله وكأنه بركان يكاد ينفجر في أي لحظة. لم يشعر بنفسه إلا وهو يسحبها على الفراش ويصفعها على وجهها صفعات متتالية دون توقف، وهو لا يرى أمامه سوى كلماتها: إنها كانت تتسلي به فقط، كان هو مجرد وسيلة!! فاق على إحساسه بتوقف صراخها تدريجياً. نظر لها ولوجهها المتورم من الصفع بقوة وجدها فقدت وعيها. نظر لها بغضب وهو يتركها ويخرج ويصفع الباب خلفه بقوة. نزل إلى الشارع أمام البحر وهو يقول بصراخ وبكاء: حقك عليا يا زهرة، أنا آسف، أنا ندمان اوي. ارجعيلي عشان خاطري. اللي فضلتها عليكي طلعت متجيش جمبك حاجة. انت فراقك مأثر فيا اوي. فين اهتمامك وحبك ليا؟ ارجعي، ومش هعملك حاجة تانية. انت بتحبيني وأنا متأكد إنك هترجعيلي تاني!!

عند زهرة راحت هي وزمرد يشتروا فساتين كتير وميك اب تحت اعتراض زهرة وتصميم زمرد. انتهوا من شراء الملابس وودعوا بعض وكل واحد متجه لمنزله.

صباح يوم جديد استيقظت زهرة على صوت رنين هاتفها. بصوت للهاتف بانزعاج لقيته زمرد. ردت بنعاس: الو يا زمرد.

زمرد باستعجال: أيوه يا زفتة، افتحي الباب أنا واقفة قدام الباب بقالي ساعة.

قامت زهرة وهي بتجري على الباب، رأتها واقفة قدامها بضيق. قالت وهي بتزقها وبتدخل البيت تقعد على الكنبة بمرح: بقالي ساعة واقفة برا عمالة أرن عليكي. دا انت نومك تقيل اوي.

ضحكت زهرة عليها ثم ردت وهي بتقول باستغراب: انت ايه اللي جابك؟

زمرد بحزن مصطنع: أخس عليكي يا زهرة. هو ده كرم الضيافة؟ بدل ما تقوليلي نورتي البيت.

زهرة بإحراج وسرعة: والله ما أقصد، أنا بس استغربت.

زمرد بمرح: ماشي يا ستي، مقبولة منك. يلا عشان أجهزك.

زهرة باستغراب: تجهزيني؟!

زمرد وهي بتزقها لجوا الأوضة وبتفتح الدولاب تختار منه فستان أزرق تلبسه وهي رايحة وبتقول باستعجال: سيبيلي نفسك خالص وأنا هظبطك.

عند يوسف قامت ميرنا وجسمها متكسر وبتص حواليها بصداع رهيب. بدأت تفتكر أحداث البارحة. قالت بغضب وحقد: أقسم بالله لأندمك. مسكت موبايلها بغضب وهي بترن على باسم عشان تحكيله اللي حصل!!

وصلت زمرد وزهرة الشركة وهو متوترة من النظرات اللي بتلاحقها من ساعة ما وصلت، وبتقعد في مكتبها بيكون مراقبها خالد بإعجاب لكنه بينفض الفكرة دي من قدامه، فهو نوى إنه يشيل الفكرة دي من دماغه. هو معندوش استعداد يتجوز واحدة مطلقة. طلب من السكرتيرة تستدعيها في مكتبه.

راحت زهرة وهي بتخبط على الباب وبتدخل وبتقول باحترام: حضرتك طلبتني يا فندم؟

خالد بضيق ونبرة لما تعتاد عليها منه: انت جايه متأخر ليه يا أستاذة؟ ولا هي كانت شركة أبوكي وأنا معرفش؟

زهرة وهي بتبصله بصدمة وعينيها دمعت وبتقول بتقطع: يا فندم يعني أنا…

خالد بضيق أكبر: هتفضلي تقطعي في كلامك كده كتير؟ عملالي نفسك فيها محترمة اوي وبتوتري وبتتكسفي وانت مقضياها ما شاء الله.

زهرة ودموعها نزلت بصدمة وبتقول بقوة مصطنعة: لو سمحت يا فندم، أنا مسمحلكش إنك تكلمني كده. أنا محترمة ومتربية كويس اوي ومش فاهمة حضرتك بتتكلم على إيه.

خالد بسخرية: بقي بذمتك في واحدة محترمة تلبس اللي انت لبساه ده وتعمل في نفسها اللي هي عملاه ده، إلا لو كانت عايزة تلفت الانتباه وتوقع واحد تقيل من اللي في الشركة، واللي أنا كنت واحد منهم بأسلوبها وطريقتها. وهي مطلقة ومش محترمة اللي كانت متجوزاه ولا عدتها. شكل كل الكلام اللي سمعته عنك كان حقيقي فعلاً، وطلعتي زيهم للأسف، رخيصة!!!

كانت زهرة بتسمع كلامه بصدمة ودموعها بتنزل، مش مصدقة أنها بتسمع الكلام ده من الشخص اللي اعتبرته أخوها. قالت بقوة وهي بتبصله ودموعها بتنزل وبصوت عالي نسبياً: انت شخص مش محترم، وأنا مسمحلكش إنك تتكلم عليا كده وتقول عليا رخيصة. أنا أشرف منك. وبعدين طليقي مين اللي احترمه وعدت إيه اللي احترمها؟ أنا فات على طلاقي ٧ شهور، وانت أصلاً مين إداك الحق إنك تتكلم على طلاقي وتقول عني إني بوقع الرجالة؟ أنا عمري صدر مني أي تصرف يدل على إني بوقع الرجالة!! أنا بجد مصدومة فيك. اعتبرتك زي أخويا، بس للأسف اتخدعت فيك. والشركة دي أنا مش هقعد دقيقة فيها دقيقة زيادة.

دخلت زمرد على صوتها العالي اللي سمع معظم الموظفين وهي بتقول بخضة: في إيه يا زهرة؟ انت بتعيطي ليه؟ إيه اللي حصل؟

خرجت زهرة من غير ما ترد عليها وهي بتعيط وجرت على مكتبها خدت شنطتها وخرجت برا الشركة كلها جري بانكسار، وهي مش مصدقة أن كل لما تثق في شخص يخذلها بالشكل ده!!!

عند زمرد كانت بتبص لزهرة اللي جرت برا الشركة باستغراب وخضة وبتقول لخالد بضيق: عملت ايه يا زفت؟

خالد بضيق ومازال كلام زهرة بيرن في دماغه بدون توقف: زمرد اسكتي بقي، هي مش ناقصاكي.

زمرد بضيق: أنا مش هسكت قبل ما أعرف في إيه، وزهرة كانت بتعيط وصوتها عالي. إيه اللي حصل؟ انجز حكالي.

خالد اللي حصل بضيق تحت نظرات زمرد المصعوقة، تحولت ملامحها إلى الضيق وهي تقول: انت متخلف؟ يلا لسانك ده بينقط دبش. انت ازاي تقولها كده؟ زهرة محترمة وعدتها فات عليها سبع شهور، وطليقها ده أصلاً من أقذر الناس اللي ممكن تقابلهم، وانت جاي تقولها عدتك واحترمي طليقك وبتوقعي الرجالة؟ إيه اللي انت هببته ده؟ انت ايه مبتفكرش في الكلام قبل ما تقوله خالص؟

خالد بضيق: خلاص بقي يا زمرد، أنا بحكيلك عشان تقطميني، خلاص الموضوع خلص.

زمرد بضيق أكبر: لا مخلصش. زهرة سابت الشركة ومش هتدخلها تاني، وأنا كمان مش دخلاها.

خالد باستغراب: يعني ايه؟!

زمرد ببرود: يعني زعل صحبتي من زعلي، وأنا مش هرجع الشركة دي تاني غير لما هي ترجع، ولو مرجعتش أنا مش راجعه، وبيتنا ده أنا مش هدخلوا.

خالد بضيق: نعم؟ وهي زهرة أغلي عندك من أخوكي؟

زمرد بتحدي: أه، أغلي من أخويا. البنت مغلطتش ومعملتش حاجة غلط، انت اللي غلطت، وأنا مع الحق. وزعلها من زعلي، أنا مش داخله الشركة ولا البيت تاني طول ما انت موجود فيه لحد ما زهرة تسامحك.

خالد بضيق: انت اتجنيتي.

زمرد ببرود وهي تستعد للخروج: حاجة زي كده.

خرجت زمرد وهي بتأخد شنطتها وخرجت برا الشركة وهي ناوية تروح لزهرة. لقتها قاعده في جنب وهي بتعيط بحرقة. جرت عليها بلهفة وهي بتقول: انت بتعيطي عشان اخويا الأهبل ده؟ محدش يستاهل دمعة منك يا زهرة، انت غالية اوي، فهماني؟

زهرة بعياط وهي بتحضنها: جرحني اوي يا زمرد. هو شايفني كده؟ بتاعة رجالة وبوقعهم؟

زمرد بضيق: لا طبعاً، إيه الهبل اللي انت بتقوليه ده؟ انت أنضف واحدة أنا عرفتها في حياتي، وأنا عارفه انك مش كده. اوعي حد يهزك، فاهمه؟

تابع المقال

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى