منوعات

يوسف

كان حنين اوي علي العيلة، من كتر حنيته كان بيدي ليوسف ابن عمي مصروف زي مصروفي بالظبط بدون تفريق. كان بيعمله زي ابنه وبيحبه اوي، ولأن حالتهم المادية كانت مش كويسة خالص فكان بابا ملتزم بكل مصاريفهم.

بالنسبة ليوسف، كان طول عمره أخويا الكبير، لغاية ما تصرفاته بدأت تتغير معايا: الپسي ده، متلبسيش ده، متحطيش روج، لأضربك، متصاحبيش حد، متكلميش ولاد غيري، متلبسيش قصير، مترجعيش بعد الساعة ستة البيت. كلامه دا كان بيحسسني قد إيه هو مهتم بيا، وفهمتها على أنها غيرة. كنت الأول مضايقة من تصرفاته ومستغرباها، بعد كده بدأت أستجيب له وأخضع له، لحد ما اتأكدت إني حبيته. اتغير معايا ١٨٠ درجة، معاملة مش كويسة، يتريق عليا. ولأن هو الولد اللي كان في حياتي كنت متعلقه بيه، ومهما يجرحني بكلام عادي.

مرات عمي اللي كانت بتقف في صفي كنت بصعب عليها وبتعاملني كويس. أه صحيح، عمرها ما حضنتني ولا طبطبت عليا، عمرها ما علمتني ازاي أتكلم زي البنات ولا ألبس ازاي، عمرها ما ضفرتلي شعري زي الأطفال اللي في سني، بس كانت حنينة عليا. كبرت وحبي ليوسف زاد. مات عمي ومراته في حادثة، ودا خلي بابا يشفق عليه أكثر وبدأ يديله اهتمام أكبر مني، بس عمري ما حسيت بغيرة لمعاملة بابا ليه. كنت دائماً بشجع بابا إنه يعامله أحسن.

لحد ما كبرت وحبي له زاد واتعلقت فيه بجنون، وبابا لاحظ ده. كنت بتزوق أول ما ألاقيه جاي من برا وأحط ميك اب وألبس حلو وأطمن عليه. كنت بنزله الغدا على طول. وفي يوم بابا عرض عليا إني أتجوزه وأنا زي المغفلة وافقت، ورضيت بيه من غير شقة، وفرح بفلوس بابا، ومن غير مهر ولا غيره. خدته بشنطة هدومه، مدفعش في الجوازة جنيه، وأنا عشان كنت بحبه وافقت، وبابا معترضش بناءً على رغبتي. واتجوزت، ومن أول يوم معاملة زي الزفت، أكتر من قبل ما نتجوز. أنا كان لازم ألاحظ ده الأول، بس أنا كنت زي المغفلة. كام حبيبته يوم فرحنا، وكسرني وقال عليا رخيصة. كان متجوزني عشان الورث اللي بابا كتبهوله، مجرد إنه يرضي يتجوزني، كأني معيوبة أو نقمة. وسمعت كلامه ليلة الفرح بكلام مينفعش يتسمع وكلام بشع: انت رخيصة، أنا اتجوزتك عشان آخد الورث وبس.

وبعد مرور خمس شهور على جوازتنا، أكون بحاول بكل طاقتي إن أخلي العلاقة تستمر، بس هو كان مصمم يجرحني ويكرهني ومستحمل وجودي بالعافية. كان المفروض ياخد الورث بعد ٦ شهور جواز، مكنش قادر يصبر. وفي مرة قررت إني أعمل زي ما بيعمل وأتجاهله كأنه نكرة، قمت لقيته جنبي، ولما اعترضت ضربني. وعند هذه النقطة مستحملتش، وكرامتي وجعتني اوي، وطلبت منه الطلاق، وهو وافق بدون ما يعرف أسباب، وقالي: أخيراً جت منك، متعرفيش كنت مستني اللحظة دي قد إيه. ورمي عليا يمين الطلاق على طول، واتطلقنا، وهو مهموش. وزور شهادة الورث بتاعه أبويا عشان ياخد الـ٤ مليون بتوعه، وأنا خدت حاجتي وسافرت هنا إسكندرية في شقة كنا بنصيف فيها أنا وبابا، وقاعدة فيها حالياً وبشتغل وبصرف على نفسي. وهو مفكرش يسأل عليا من باب إني بنت عمه حتى. بس يا ستي، فعشان كده أنا رافضة فكرة الجواز والكلام الفارغ ده. شوفتي بقي قصة حياتي.

وانهارت في بكاء مرير. كانت تسمعها زمرد ودموعها تنزل واحدة تلوي الأخرى، ولا تصدق ما تسمعه هي الأخرى من ندالة ابن عمها هذا اليوسف ويتمها وكل شيء حدث لها. بحزن قالت زمرد وهي تحاول التخفيف من حدة الموقف: انت أبوكي اسمه عدنان ولا إيه؟ انت طالع من المسلسل التركي ده، العشق الممنوع ده؟ حتى يوسف شبه.

ضحكت زهرة من وسط دموعها وهي تقول: انت كل حياتك ضحك كده؟

قالت زمرد بمرح: يا ستي اضحكي، احنا واخدين منها ايه؟ وبعدين يارتني ماسألتك، نكدتي عليا وعلي نفسك.

ضحكت زهرة وهي تنظر لها بامتنان. أكملت زمرد بمرح: وبعدين فيها إيه؟ متعلمتيش أمور البنات، أعلمهالك أنا. البنات لبعضها بردو.

زهرة باستغراب: قصدك ايه؟

زمرد بمرح وهي تسحبها: هتفهمي قصدي لما نروح.

كل هذا الكلام تحت أذن خالد الذي كان يسمع الحوار منذ بدايته بصدمة، وهو يقول بصدمة أكبر: مطلقة!!!

عند يوسف كانت انتهت مراسم زواجه من ميرنا. قال بفرحة حقيقية وحب: أنا لغاية دلوقتي مش مصدق إنك بقيتي ملكي، وفرحنا كان انهارده.

ميرنا بضحكة مزيفة: ولا أنا والله يا حبيبي. انت متعرفش أنا مستنية اليوم ده بقالي قد إيه.

يوسف بفرحة: طيب ادخلي غيري هدومك عشان تأكلي، مكلتيش حاجة من الصبح.

ميرنا ابتسمت بهدوء ودخلت الغرفة وهي بتتأكد إن يوسف في المطبخ بيجهز الأكل، فتحت موبايلها بتوتر وبتتكلم باسم وبتقول: أيوه يا باسم، أنا مش عايزة يوسف يلمسني، اعمل إيه؟

باسم بخبث: يا بنتي كله عشان خاطر المصلحة.

ميرنا بضيق وضيق: بقولك مبحبوش، بكرهه. اعمل ايه واتصرف ازاي؟

باسم بخبث أكبر: وأنا اللي هقولك تعملي ايه.

كادت أن ترد عليه بضيق لكن وقع الهاتف من يديها فجأة وهي ترى يوسف يدخل الغرفة وهو ينظر لها نظرة أرعبتها. وهو يأخذ الهاتف الملقي على الأرض ويرى أنها كانت تكلم باسم، وأنه مازالت المكالمة مستمرة، ويقول: بصي يا ميرنا، لازم تتصرفي، احنا مش عايزين المصلحة تبوظ. اتصرفي، أنا عارف إنك مش بتطيقيه، بس كله عشان خاطر الفلوس اللي أنا وانت هنتجوز بيها يا حبي. الو الو يا ميرنا، انتي سمعاني!!!

ميرنا برعب: يوسف، انت… انت فاهم غلط والله.

بص هو يعني باسم؟ هو بيبلع ريقه بتوتر: يوسف، هو انت اللي معايا على الخط؟

يوسف بصدمة: بتستغفلوني يا ولاد الكلب؟ عاملين عليا عصابه وعايزين تسرقوني؟!!!

باسم بتوتر: يوسف، انت فاهم غلط.

يوسف بغضب: فاهم غلط؟! دا أنا سامعك بوداني وانت بتقولها. أنا لا يمكن كنت أصدق إنكوا تعملوا كده لو حد حكالي، وكنت هكذبوا، بس أنا للأسف سمعتكوا بوداني وشفت دا بعيني ومحدش قالي. أنا عايزة أعرف ليه؟ ليه تأذوني كده؟ ليه أنا عملتلكوا إيه؟ دا أنا حبيتك يا ميرنا ومحبتش حد قدك!!

ميرنا بسخرية: بقولك ايه يا يوسف، احنا مش هنضحك على بعض. انت مبتعرفش تحب وعمرك ما هتعرف. انت أناني ومبتحبش إلا نفسك وبس. بلاش تضحك عليا والنبي، ده أنا عارفه اللي فيها.

يوسف بصدمة: أنا عملتلك إيه عشان تقولي عليا كده؟!

ميرنا بسخرية وهي بتبصله باستحقار: عملتلي إيه؟!! يا شيخ انت ايه معندكش دم؟ مبتحسش!! ده انت هان عليك العيش والملح، وعمك اللي نضفك وعملك قيمة وصرف عليك، وبنت عمك اليتيمة اللي ذلتها وكسرتها وطلقتها ورمتها في الشوارع، ومهانش عليك وصية عمك ليك، ومفكرتش تسأل عليها حتى من باب القرابة. وعايزني آمن على نفسي معاك وانت عملت كده مع قرايبك اللي من لحمك ودمك؟ وعايزني أثق فيك؟ دا انت جبلة!! أنا منكرش في الأول اني كنت بدأت أنجذب ليك، بس لما سمعتك وانت بتتكلم على بنت عمك اللي بتهينها وتجرحها كأنها حاجة عادية ومش مراعي وصية عمك، نزلت من نظري اوي. لأن اللي يعمل كده مع بنت يبقي مش راجل، وأنا بصراحة بحب الرجالة، ولقيت في باسم صفات الراجل بجد، مش اللي مكتوب له ذكر في البطاقة اسم وبس. اللي خلاني أوافق عليك فلوسك اللي هنتجوز بيها أنا وباسم، بعد ما آخد منك القرشين وأبيعك اللي وراك واللي قدامك. بس عادي، أهي جت بدري.

يوسف باستغراب: يعني ايه؟!

باسم بخبث: يعني زي ما دخلنا بالمعروف نخرج بالمعروف، وتديلنا الفلوس. طالما اللعب بقي على المكشوف.

يوسف بغضب: وأنا إيه اللي يجبرني على كده؟!

باسم بخبث أكبر: لا يا حبيبي، فوق معايا كده. دا أنا اللي مزورلك شهادة الورث بتاع عمك وجايب لك الفلوس، يعني تتعدل معايا كده في الكلام.

يوسف: فين دليلك؟

باسم بضحكة سخرية: لا يا حبيبي، وانت فاكرني مش واخد احتياطاتي من واحد زيك؟ أنا معايا المحامي اللي كان معانا وقت ما استلمت الفلوس، ومسمعه ريكورد كنت مسجله ليك وانت بتقولي إنك هتطلق زهرة وهتزور الشهادة، مع إن معاد استلام الفلوس لسه مجاش. وهو معاه الدليل ومجهزه معايا. دا غير يا حبيبي كمية الأدلة اللي بتثبت معاملتك لزهرة، واللي كفيلة تحرمك من كله اللي انت فيه ده وترميك في الشارع زي الكلاب. ها يا حبيبي، تديني الفلوس بالذوق ولا آخد منك الفلوس كلها في المحاكم والقواضي اللي هتترفع عليك؟ تحب ايه؟

يوسف بضيق: انت بتدهددني!!

باسم بخبث: اعتبره زي ما تعتبره، ده اللي عندي. رأيك ايه بقي؟

يوسف بضيق أكبر: عايز كام؟

باسم بفرحة: ٤ مليون.

يوسف بضيق: نعم؟!

باسم بخبث: ده اللي عندي، موافق ولا لا؟

يوسف باقتضاب وهو ينظر لميرنا التي تبتسم بخبث بحقد: موافق.

باسم بشماته: كده نكون اتفقنا يا يويو، أشوفك بكره بقي. ثم أكمل وهو يقصد استفزازه: تصبحي على خير يا ريري.

ميرنا بدلع: وانت من أهله يا حياتي. هانت يا حبي، خالص.

باسم بكره ليوسف: فعلاً هانت. باي يا قلبي.

ميرنا بضحكة مايعة: باي يا حبي.

أغلق معه يوسف المكالمة وهو يضغط على زر الإغلاق يكاد يكسر الهاتف من يديه.

ميرنا بضحكة شماتة: مالك يا حبيبي؟ إيه اللي مضايقك؟ متزعلش، ولاد الحرام كتروا كتير الأيام دي.

يوسف بحزن: ليه يا ميرنا؟ دا أنا حبيتك.

ميرنا بسخرية: وانا محبتكش. هو الحب بالعافية؟!

تابع المقال

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى