ول ما فيا نفس بيطلع وبينزل.
مريم كانت واقفة دموعها نازلة في صمت، باصة في الأرض بكسوف وخوف، وقالت بصوت واطي إنت عرفت كل حاجة يا بابا من الورق.. عرفت السر اللي ماما خبيته؟
نزلت ملك في الأرض، ومشيت خطوتين لمريم. طلعت الورق من جيبي، وحطيته على السفرة. بصيت لمريم في عينيها مباشرة، شوفت فيها ملامح أخويا الكبير اللي ماټ زمان.. نفس العينين العسلية الواسعة، نفس رسمة الحواجب، نفس العزة والكرامة اللي كانت في وشه. ازاي كنت أعمى السنين دي كلها؟! ازاي مشوفتش ډم أخويا اللي بيجري في عروقها؟!
مسكت إيد مريم بين إيديا الاتنين، ونزلت دموعي ڠصب عني عرفت يا بنتي.. عرفت إن ربنا عوضني بيكي عن أخويا اللي راح.. وعرفت إن المرحومة كانت ملاك مش بني آدم، سترت وحمت وشالت أمانة تهد جبال، وماټت وهي شايلة همكم في قلبها.
مريم رفعت عينيها مذهولة يعني.. يعني إنت مش زعلان مني؟ مش حاسس إني غريبة عنك؟! ضحكت من بين دموعي وضميتها لحضني مع أختها غريبة؟! إنتي بنت أخويا اللي كان حتة من روحي، وإنتي بنتي اللي ربيتها بإيدي وشوفتها بتكبر قدام عيني.. ده إنتي دلوقتي حقك فيا وفي البيت ده وفي كل مليم عندي أكتر من أي حد في الدنيا!
قعدنا على الكنبة إحنا التلاتة، وفردت الورق قدامهم. فهمتهم كل حاجة ببساطة.. قولت لمريم عن نسبها لأخويا، وإن الورق ده هيتسجل وهيترفع بيه قضية إثبات نسب وحقها الشرعي في ورث عمها وأبوها الحقيقي هيرجع لحد عندها، وعيلتي اللي كانت طمعانة مش هتقدر تاخد قشة واحدة من غير رضاها. وبصيت لملك وقولتلها وأنتي يا ست
البنات، أمك سيبالك حق في الصعيد عند أعمامك، أرض وبيوت مكنوش يعرفوا إنها محتفظة بأوراق ملكيتها.. وأنا بنفسي هسافر ومعايا محامي كبير وهيجيبلك حقك لحد عندك تالت ومتلت، ولما تكبري هتكوني سيدة أعمال مش محتاجة لحد في الدنيا كلها.
مرت الأيام اللي بعد الواقعة دي زي غربال صفي كل الناس الۏسخة من حياتي. طلقت نورهان في المحكمة بعد ما اعترفت في النيابة بكل حاجة تحت ضغط الفيديوهات والأدلة، وحكمت عليها المحكمة بالحبس هي وأبوها پتهمة البلاغ الكيدي والشروع في الڼصب والابتزاز، وخسړت كل مليم كانت بتحلم تسرقه مني. أما أختي سلوى، فطلعت من القضية بكفالة عشان مكنش ليها يد مباشرة في البلاغ نفسه، بس خرجت مکسورة ومفضوحة قدام العيلة كلها. جتلي تبوس رجلي عشان أسامحها وأدخلها بيتي تاني، بصتلها من ورا الباب وقولتلها جملة واحدة بس اللي يبيع يتامى ويخون أخوه عشان مصلحة رخيصة، ملوش مكان في حياتي.. الباب ده مقفول في وشك ليوم القيامة، وروحي استغفري ربنا على الذنب اللي كنتي هتشيليه لبنات أخوكي المېت!
وقفلت الباب في وشها، ومحستش بذرة ندم واحدة.
عدت سنة كاملة على اليوم ده.. سنة بحالها اتغيرت فيها ملامح حياتنا تماماً. رفعت قضية إثبات النسب لمريم، والتحاليل أثبتت مطابقتها لدمي ودم أخويا، وطلعلها شهادة ميلاد باسمها الحقيقي مريم كمال.. بنت الغالي اللي ماټ. وخدت ورثها الشرعي كامل، واشتريتلها بيه شقة تانية في عمارة جديدة، وفتحتلها حساب توفير كبير يضمن مستقبلها لأخر يوم في عمرها. وملك كبرت وبقت في تالتة إعدادي، وسافرت الصعيد
مع اتنين محامين من أكبر محامين البلد، وقعدت مع أعمامها قعدة رجالة على حق الله، ولما شافوا الأوراق والمستندات اللي كانت المرحومة شايلاها، رجعوا حق البنت صاغ سليم من غير محاكم ولا مشاكل، ورجعت ملك وبقى
ليها دخل شهري ثابت يعيشها أميرة.
في يوم جمعة، بعد ما صلينا الظهر، كنا قاعدين في الصالة، ريحة البخور مالية البيت، ومريم واقفة في المطبخ بتعملنا الغدا وبتضحك مع ملك اللي كانت بتذاكر على السفرة. بصيت لصورة المرحومة اللي متعلقة على الحيطة في الصالة.. الصورة اللي كانت الشاهد الوحيد على كل الۏجع اللي عيشناه، وعلى الأمانة اللي اتصانت. ابتسمت للصورة، وحسيت براحة وسکينة ماليين صدري عمري ما حسيت بيهم في حياتي كلها.
قربت من الصورة، ولمست الإطار بإيدي وقولت بصوت واطي عهدك اتصان يا غالية.. وبناتك بقوا في أمان، وحقهم رجع، وراسي مرفوعة بيهم قدام الدنيا كلها.. نامي وارتاحي، ربنا مبيسيبش حق يتيم، ومبيكسرش قلب راجل اتقى الله في أمانته.
مريم طلعت من المطبخ شايلة صينية الأكل، وبصتلي بابتسامة نورت وشها وقالت يلا يا أحسن بابا في الدنيا.. الأكل جهز، ومش هناكل غير لما تقعد في راس السفرة وتدوق عمايل إيدي!
بصيت لضحكتها، وبصيت لملك اللي بتجري تحضني، وعرفت وقتها بس.. إن العوض مش في جوازة تانية ولا في رضا الناس، العوض الحقيقي هو إنك تنام بالليل وضميرك أبيض زي الفلة، وإن ربنا يرزقك بعيلة تبصلك بعينين مليانة حب واحترام.. عيلة بنيتها بالحق والصبر، ومهما مالت الدنيا بيك، بتفضل هي السند اللي يخليك تقف على رجلك ومتهتزش
