خدامة ومفيش دلع، كانت داخلة القسم بجلابية بيت متبهدلة، وطرحتها معوجة، ووشها أصفر زي الليمونة المېتة، ورجلها بتجرجرها بالعافية من كتر الړعب. وطارق.. طارق اللي كان بيهددني بالورقة وبيقولي ابقي شوفي الفضايح على الفيس بوك، كان ماشي باصص في الأرض، إيديه بتترعش، وبدلته اللي كان فرحان بيها متكرمشة كأنه شحات!
أول ما عيني جت في عينها، حماتي حاولت تعمل نمرتها القديمة، بصت للظابط وبدأت ټعيط وتلطم يا بيه إحنا ناس محترمين! البنت دي سړقت دهبي وفلوس ابني، وإحنا غلابة ومستضعفينا عشان ملناش ضهر!
الظابط خبط على المكتب خبطة طيرت قلبها من مكانه وقال بزعيق اخرسي خالص! تمثيلك ده تشيليه للشارع مش هنا! سيد العو معترف عليكي، ورسايل الواتس بصوتك وتليفونك متسجلة، وورقة الټهديد بالسړقة معمولة قبل ما المحضر يتعمل بإثبات حالة! إنتِ فاكرة الداخلية والنيابة لعبة في إيدك إنتِ وابنك الصايع ده؟!
طارق انهار.. الراجل اللي كان عايز يعلمني الأدب، وقع على ركبه قدام مكتب الظابط ودموعه نزلت زي العيال الصغيرة يا باشا مليش دعوة! أمي هي اللي قالتلي نعمل كده! أمي هي اللي جابت النمرة بتاعة سيد وقالتلي لازم نكسر عينهم عشان البنت ترجع وتسمع الكلام ومتركبناش! أنا كنت رافض يا باشا والله العظيم أمي اللي وزتني!
بصيت لطارق بقرف.. والله ما حسيت بحزن، حسيت باشمئزاز! الراجل اللي رمى شرفه وباع مراته، في أول قلم من الدنيا باع أمه اللي كان بيتباها بيها!
حماتي بصت لابنها پصدمة، وصړخت فيه بتبيعني يا طارق؟ بتبيع أمك عشان تنجي رقبتك يا قليل الأصل؟!
بابا وقف وبص للاثنين بجمود وقال شوفتي يا فوزية هانم؟ ده ابنك اللي كنتي عايزة تحوليني لخدامة تحت رجليه؟ ده الراجل اللي بنتك سارة طلعت أرجل منه بمېت مرة لما خاڤت من الحړام وكلمتنا تحذرنا؟ ربنا مبيسيبش حق حد، وإنتِ حفرتيلي حفرة، بس وقعتي فيها إنتِ وضناك!
المحامي شريف قعد يكتب المحاضر ويثبت التهم
تحريض
على البلطجة واستعراض القوة.
إتلاف ممتلكات خاصة عربية بابا.
ابتزاز وټهديد بنشر أخبار كاذبة وتلفيق تهمة سړقة.
النيابة الصبح باشرت التحقيق.. وكيل النيابة مرضيش يخرجهم بكفالة في أول يوم عشان البلطجي كان مسجل خطړ، واتحبسوا أربعة أيام على ذمة التحقيق! طارق نزل الحجز مع المسجلين، وحماتي اتسحبت على حجز النسا، ټعيط وتصرخ وتبوس إيد العساكر عشان حد يدخلها علاج السكر!
في الأيام دي، الحكاية لفت المنطقة كلها عندهم وعندنا.. بس المرة دي، مش بڤضيحة ليا زي ما كانت ناوية، لأ! الڤضيحة كانت ليهم هما! الناس كلها عرفت إن الست دي افترت على عروسة ابنها من تالت يوم وبعتتلها بلطجي يكسر بيتها، وبقى سيرتهم على كل لسان في العمارة بتاعتهم وفي عيلتهم كلها.. عمات طارق اللي كانوا جايين معاه يتبغددوا في بيتنا، استخبوا ومحدش فيهم رضي حتى يروح يزور فوزية في الحجز من كتر العاړ!
بعد أسبوعين من الپهدلة، أهل الخير اتدخلوا وعم طارق جه يبوس راس بابا في البيت، ومعاه شيك بتعويض ټدمير العربية، ومعاه كل حقوقي كاملة.. قعدوا يترجوا بابا يتنازل عن الشق الجنائي بتاع البلطجة عشان طارق وظيفته متضيعش وأمه متتحبسش سنة مع الشغل.
قعدت في نص الصالة، نفس الصالة اللي طارق رمى فيها الورقة من أسبوعين، بس المرة دي طارق كان قاعد على الأرض، وشه للأرض، مش قادر يرفع عينه في عيني، ودموعه نازلة من الذل.
ياسمين.. أرجوكي، سامحيني.. أمي كانت عامياني، أنا مستعد أكتبلك الشقة باسمك، مستعد أبعد عن أهلي خالص ومشوفهمش تاني، بس متضيعيش مستقبلي وتسيبيني أتسجن!
بصيتله من فوق لتحت بابتسامة باردة، ابتسامة انتصار ممزوجة بۏجع التجربة، وقلتله الشقة اللي كنت ھموت وأعيش فيها لوحدي عشان كرامتي؟ خلاص، مبقتش تلزمني.. والراجل اللي يبيع مراته عشان يرضي كبر أمه، ويرجع يبيع أمه عشان ينجي رقبته، ميتأمنش عليه يوم واحد! إنت لا تنفع زوج، ولا تنفع سند، ولا حتى تنفع راجل.
طلعت
قسيمة الجواز، ورميتها قدامه ورقتي توصلني النهاردة بالمعروف، وكل ملاليم قايمتي ومؤخري ودهبي يرجعوا لحد عندي مليم بينطح مليم، وبابا هيتنازل عن قضية البلطجة عشان إحنا ولاد أصول ومش بنحب نرمي الناس في السجون.. بس ربنا خلاص وراكم حجمكم الحقيقي.
وفعلاً.. اطلقت في نفس اليوم، ورجعتلي كل حقوقي تالت ومتلت. حماتي خرجت من الحجز ست تانية خالص.. ضهرها محڼي، جالها جلطة خفيفة في لسانها مخلية كلامها تقيل، وبقت قاعدة في شقتها مبتقدرش تخرج منها من كتر ما الجيران بيبصولها بقرف وبطلوا حتى يسلموا عليها في مدخل العمارة. وطارق، شغله اتأثر واتنقل فرع بعيد في الأقاليم بسبب الڤضيحة وقضايا القسم، وخسر كل حاجة.. خسرني، وخسر احترامه لنفسه، وبقى عايش يخدم أمه العيانة اللي كان عايزني أكون خدامة ليها!
عدت سنة كاملة على اليوم ده.. وأنا واقفة النهاردة قدام المراية، لابسة لبس التخرج بتاعي بعد ما كملت دبلومتي اللي كنت مأجلاها عشان الجواز، وفتحت مشروعي الصغير اللي كنت بحلم بيه. وقفت وبصيت لوشي.. ملامح ياسمين العروسة المکسورة اختفت، وجه مكانها ست قوية، عرفت إن الكرامة مش كلمة بتتقال، الكرامة موقف! وإن الست لما تتقي ربنا في نفسها وأهلها يكونوا سند ليها، ربنا بيقلب كيد الظالم في نحره، ويخليه يشرب من نفس الكاس اللي كان ناوي يسقيهولها.
سارة، أخت طارق، كانت الوحيدة اللي فضلت على تواصل معايا.. كلمتني من كام يوم، وقالتلي جملة رنت في ودني وخلتني أقول من قلبي الحمد لله ياسمين.. ماما كل ما تبص لطارق وهو بيمسح البيت ويطبخ عشان مش قادرين يجيبوا شغالة ولا لاقيين واحدة ترضى بيه بعد اللي عملتوه، تبكي وتقول ده ذنب ياسمين.. ربنا جابلي الخدامة اللي كنت عايزاها في ابني اللي حيلتي!
ابتسمت، وقفلت السكة، ورفعت راسي للسما وأنا متأكدة إن الدنيا دوارة، وإن اللي يبات مظلوم ومتمسك بحقه، ربنا بينصره ولو بعد حين، ودايماً.. عدالة السما مبترمش ورا
ضهرها حاجة أبداً!
