لكنبة الجلد، وحطيت رجل على رجل وفردت ضهري، وبصيتلهم كأني بتفرج على مسرحية هزلية في الصف الأول لأ يا كريم، متقولش مش كده بالظبط… خليك راجل وقول الحقيقة قدام أهلك اللي إنت واعدهم بقصور في الهوا. قولهم إن أبويا الله يرحمه هو اللي دفع النص التاني من تمن الشقة دي كاش من مكافأة نهاية خدمته، وإن النص الأولاني اتدفع بقرض تمويل عقاري من البنك بضمان مرتبي أنا في شركة الاتصالات! قولهم إن العقد النهائي المسجل في الشهر العقاري برقم ٤١٢ لسنة ٢٠٢٠، مكتوب فيه اسم واحد بس… منى أحمد السيد! وإن سيادتك مكنتش أكتر من مندوب بتنزل كل أول شهر تاخد الفلوس من حسابي البنكي وتروح تورّدها في البنك بوصل إيداع باسمي عشان كنت بكسل أقف في الطوابير!
الصالة اتقلبت في ثانية لمقپرة، السكون اللي نزل عليهم كان تقيل لدرجة إن صوت تكتكة الساعة اللي على الحيطة
كان مسموع بوضوح.
حماتي وشها احمر وډمها فار، وبصت لكريم كأنها شافت شيطان، وقربت منه وضړبته على كتفه بقبضة إيدها الكلام ده صح يا كريم؟! انطق يا مسهوك! الشقة دي باسم البت دي؟ وإنت عايش معايا طول السنين دي بتتفشخر وتقول أنا وأنا، وأنا صاحب ملك وسايبني أنا وأبوك متبهدلين في شقة أخوك وعياله عشان في الآخر أطلع ساكنة في بيت باسمها هي؟!
كريم مسك راسه بإيديه الاتنين وزعق بقلة حيلة يا أمي ما هي مراتي! مراتي وحاجتنا واحدة! وبعدين أنا دافع معاها، كنت بدفع مصاريف البيت والأكل والشرب وهي بتدفع الأقساط! إحنا واحد، مفيش فرق بين اسمي واسمها!
لفيتله وشي ورديت بصوت قاطع زي السيف لأ يا حبيبي، في فرق كبير جداً… الفرق هو القانون والشرع والورق الرسمي اللي بيحمي المغفلين من أمثالك. زمان، لما كنت بتعامل معاك بأصلي وبقول بيتنا وحياتنا ومستقبلنا،
كان الكلام ده ليه معنى… لكن لما تصحى من النوم وتقرر تطردني من بيتي اللي تعبت فيه سنين عشان ترضي غرور أمك اللي عمرها ما طيقتني ولا شافتني بني آدمة، يبقى القانون هو اللي يتكلم. إنت ملكش هنا ولا شبر، والبيت ده بيتي أنا، وأنا اللي بقرر مين يدخله ومين يخرج منه!
حماتي رمت طرحتها لورا بعصبية، وراحت ناحية المطبخ وطلعت براد الشاي ورزعته على الترابيزة وقالت بصوت مفحوح مليان غيظ أعلى ما في خيلك اركبيه يا بت السيد! شقة باسمك مش باسمك، احنا قاعدين هنا، وابني هيفضل هنا، والشرع بيقول الراجل هو اللي يقعد في بيته ومراته تطيعه ورجلها فوق رقبتها! وريني بقى هتطلعينا من هنا إزاي؟ هتروحي تشتكي للبوليس وتفضحوا نفسكم في العمارة؟ ده إحنا نجرسك في الشارع كله ونقول الست اللي بتطرد حماتها وحماها الراجل العجوز!
ابتسمت، وكنت مستنية الجملة دي بالذات.
