مهندسين شايلين أجهزة ليزر وشنط جلد كبيرة، ووراهم على طول عربية بوكس صغيرة وقف منها اتنين أمناء شرطة ومعاهم محضر المحكمة اللي نيفين اتفقت معاه.
لفيت وشي لحماتي وقلتلها بمنتهى البرود حصير على البلاط؟ لا يا حبيبتي، متتعبيش نفسك وتشتروا حصير، عشان البلاط ده ذات نفسه مش هتلحقوا تلمسوه برجلكم بعد عشر دقايق من دلوقتي.
كريم اتنفض من مكانه وجرى على الشباك يبص تحت، وأول ما شاف عربية البوكس والمحضر والراجل اللي لابس بدلة، رجع خطوتين لورا وركبه خبطت في بعضها مين دول يا منى؟! مين الناس اللي نازلين من العربيات دول؟! نيفين المحامية جابت بوليس بجد؟!
البوليس مش جاي عشانك يا روح
قلبي… رديت عليه وأنا بفتح باب الشقة على مصراعيه. البوليس جاي حماية للمالك الجديد اللي اشترى الشقة دي رسمي من تلات أسابيع فاتوا، وجاي يستلمها النهاردة الساعة اتنين الضهر بالدقيقة والثانية!
الكلمة نزلت على التلاتة زي الصاعقة اللي شقت سقف البيت. حمايا وقف على رجليه فجأة من غير ما يحس بۏجع ضهره، وحماتي لطمت على صدرها بإيديها الاتنين وشهقت شهقة مسموعة اشترى إيه؟! بعتي الشقة لمين يا نهارك أسود ومنيل؟!
كريم مسكني من كتفي وهزني پعنف وجنون بعتي الشقة؟! بعتي شقتنا يا منى؟! إنتِ مچنونة؟! إزاي تبيعيها من غير ما تقوليلي ومن غير ما أعرف؟! ده ڼصب! ده تزوير! إنتِ مش من حقك
تبيعي حاجة!
زقيت إيده بقرف وبصيتله باحتقار عمري ما حسيته لبني آدم ڼصب؟! وتزوير؟! مش إنت بنفسك اللي لسه قايل الصبح قدام أهلك إنك مش معترف بوجودي ولا برأيي؟ الشقة دي مسجلة باسمي ملكية خالصة مخلصة، ومعايا عقد بيع نهائي مسجل في الشهر العقاري من ست سنين، والتوكيل اللي كنت عاملاهولك اتلغى، وبصفتي المالك الوحيد، من حقي أبيعها لأي حد وفي أي وقت وبالتمن اللي يعجبني! وأنا بعتها للباشمهندس طارق الدسوقي، صاحب شركة المقاولات اللي بتبني الكومباوند اللي في أول الشارع، بعتهاله بتمنها التجاري كامل، والفلوس كلها اتحولت على حسابي البنكي المقفول اللي ملكش فيه توقيع ولا مليم واحد!
في اللحظ
دي، خطوات تقيلة وقفت قدام باب الشقة المفتوح.
دخل الباشمهندس طارق، راجل في الخمسينات من عمره، هيبته تملى المكان، ومعاه المحضر ومعه أمين الشرطة اللي كان ماسك في إيده دوسيه أزرق رسمي. الباشمهندس طارق بص في الصالة الفاضية اللي مفهاش غير حيطان وبلاط، وبصلي بابتسامة احترام وقال السلام عليكم يا مدام منى. ألف مبروك، وشكراً لالتزامك بالميعاد المتفق عليه في العقد، إحنا جينا ومعانا أمر التسليم الرسمي ومعانا القوة المرافقة عشان المعاينة وتغيير الكوالين واستلام المفاتيح زي ما بنود العقد بتقول.
المحضر خطى خطوة لقدام، وطلع كارنيه المحكمة وبص لكريم وحمايا وقال بصوت جهوري محضر تنفيذ محكمة الجيزة
الابتدائية. بناءً على عقد البيع المسجل رقم ٨٩٠ لسنة ٢٠٢٦، وبناءً على محضر التسليم الرضائي المقدم من المالك السابق السيدة منى أحمد السيد، بننذر أي شاغل للعقار بإخلائه فوراً لتسليمه للمشتري الجديد، وأي محاولة للبقاء في المكان هتعتبر جناية ڠصب حيازة واقټحام ملك الغير والتعدي على حرمة ملكية خاصة يعاقب عليها القانون بالحبس الفوري.
حماتي وقفت في نص الصالة، عينيها بتدور زي المچنونة بين الباشمهندس طارق والمحضر وأمين الشرطة، وبصت لكريم وصړخت فيه بصوت هستيري شق ودان العمارة اعمل حاجة يا خايب! اتكلم يا بن بطني! البيت بيضيع مننا قدام عينك وإنت واقف زي خيال المآتة! قوله دي شقتي! قوله دي شقة
ابني وهو اللي متجوز فيها!
كريم صوته كان بيرتعش، ودموعه نزلت على خدوده من الذل والكسرة، قرب من المحضر وقال بصوت مهزوم يا فندم دي مراتي… إحنا متجوزين، وفيه بيننا خلافات عائلية، وهي بتعمل كده كيد نسا عشان ټنتقم مني!
أمين الشرطة بصله بجمود ومسافة خلافات عائلية تحلوها في محكمة الأسرة يا أستاذ، احنا قدامنا عقد بيع مسجل ومطابق لأصل الملكية، وحكم تسليم واجب النفاذ. الشقة مبقتش بتاعتها ولا بتاعتك، الشقة بقت ملك الباشمهندس طارق، ومعاك عشر دقايق بالظبط تلم كراتينك اللي في المطبخ دي وإنت وأهلك وتنزلوا بالذوق، بدل ما نضطر ننزلكم احنا بمعرفتنا ونعملكم محضر تعدي في القسم، وساعتها مش هتخرجوا
منها إلا
