رعد: حاليًا مش بفكر في الموضوع ده، وانتي وشطرتك بقى حببيني فيكي.
ملاك بعدت عنه وقالت: انت كداب، بتقولي كده علشان تكسب رضايا، إنما مفيش حاجة من الكلام ده هتحصل. أنا أصلًا مش عايزة غير إنك تسبني في حالي وأعيش براحتي.
رعد: ممنوع يا ملاك، انتي فاهمة؟ ممنوع. وقومي كده خدي دش علشان نقعد مع بعض شوية، وإلا هعمل فيكي اللي ما يعمل، وانتي عارفة، وانتي عارفة محدش يقدر يمنعني من حاجة واحنا هنا لوحدنا، ما تخلنيش أتصرف بشكل غير مناسب.
نزلت دموعها وقامت غصب عنها نفذت كلامه. وعدت الأيام وهي على النظام ده.
وفي يوم كانوا قاعدين بيفطروا، وقامت بسرعة دخلت الحمام، وهو قام راح وراها وقال: ملاك، في إيه؟ اخرجي طمنيني عليكي.
مردتش عليه، وخرجت وكان وشها شاحب ومش قادرة تمشي، فأخدها في حضنه وسندها بهدوء وقال: في إيه بس؟ على مهلك، انتي كويسة؟ إيه اللي حصل؟ قوليلي.
ملاك بدموع وألم: مش عارفة، تقريبًا واخدة دور برد ولا حاجة.
رعد: طب تعالى معايا وغيري هدومك ونروح لدكتور.
بصت له بشك وقالت: أنا بقالي تلات شهور معاك ومخرجتش من هنا ولا مرة.
رعد: الموضوع ده في صحتك، وأنا مقدرش أشوفك تعبانة وأسكت، انتي بقيتي غالية عندي أوي يا ملاك.
مردتش عليه وبعدت عنه ودخلت أوضتها غيرت هدومها بدرس بسيط، وكان هو جايب لها هدوم كتير تناسبها. ومسك إيدها وأخدها ونزلوا لدكتورة باطنة، وأول ما كشفت عليها قالت:
الدكتورة: متقلقش يا رعد باشا، المدام معندهاش أي مشكلة، والأعراض اللي فيها دي كلها طبيعية جدًا لأنها في بداية الحمل.
برقت ملاك بصدمة هي ورعد، وكانت صدمته أكبر، وقال: إيه اللي انتي بتقوليه ده يا دكتورة؟ أنا عندي مشاكل ومبخلفش.
الدكتورة: مشاكل إيه؟ الحمل سليم والمدام صحتها كويسة. هي حامل في 6 أسابيع، يعني شهر ونص، ولازم طبعًا تاخد بالك منها الفترة دي علشان صحتها وصحة البيبي تبقى كويسة، والأحسن إنها تتابع عند دكتور نساء.
ابتسم رعد وقال: إن شاء الله يا دكتورة. يلا يا حبيبتي.
قامت ملاك مع رعد وهي مش مستوعبة إنها بقت حامل منه، وكانت قاعدة جانبه في العربية وهي مضايقة منه جدًا، فبص لها رعد وقال بهدوء: مالك يا ملاك؟ في إيه؟
ملاك بغيظ: وليك عين تسأل؟ انت ليه بتعمل فيا كده؟ ليه بتلعب فيا بالشكل ده؟ قلتلي إنك هتجوزني يوم وتسبني بعده، وقلتلي بعده إن هنا شهرين تلاتة وهتطلقني، وإنك مبتخلفش، كل ده طلع كدب. انت عايز مني إيه بالظبط؟
وقف رعد العربية على جنب وبص لها بهدوء وقال: مقدرش أطلقك، ده أولًا. أما موضوع الخلفة، أنا والله اتفاجئت زي زيك، شكله كده مراتي الأولى كانت بتضحك عليا وبتداري المشكلة فيا، بس انتي معاكي كل حاجة بتتحقق يا ملاك.
ملاك: أنا مش عايزة أخلف منك، مش هقدر أعيش معاك بالطريقة دي.
رعد: كل حاجة هتتغير، وهتعيشي معانا في بيتنا الكبير مع أمي وسلمى، وهخليكي تكملي دراستك، وهتعامل معاكي بطريقة مختلفة، وقدام الناس كله هتبقى مراتي وأم ولادي، بس أنا مش هسمحلك تبعدي عني ولا تنزلي ابني إلا لما أصدق إنه جيه.
سكتت ملاك، وهو أخدها وراح بيت أهله وقال لمامته وسلمى على كل حاجة، وزعقت فيه سلمى وقالت: انت اتجننت؟ يعني كل ده كنت خاطف ملاك؟
رعد بعصبية: يا غبية بقولك كانت مراتي.
سناء: هو الجواز ده من امتي؟ وأنا قلتلك لو عاوز تتجوزه أنا موافقة، ليه بتعمل فينا كده؟ وليه عملت فيها كده؟
رعد: كنت غلطان وخلاص، هصلح كل حاجة.
سلمى: هو أنا مبسوطة إن ملاك بقت مرات أخويا؟ أنا بحبها أوي وهي صاحبتي الوحيدة، بس صعبانة عليا. انتي شوفتيها يا ماما وهي داخلة علينا بقت عاملة إزاي؟
سناء: شوفتها يا بنتي، اتغيرت وخست أوي، دي كانت عاملة زي الوردة المفتحة.
رعد: ما هي لازم تتغير علشان حامل جديد.
بصت سناء وسلمى لبعض بصدمة، ورعد قال: أيوة زي ما بقولكم كده، هي حامل، ولسه عارف الموضوع ده انهاردة. أقسم بالله لو مكنتش بقفل عليها وقدام عيني مبتخرجش كنت هشك فيها إنها بتخوني، بس ملاك لا، أنا مع الوقت والعشرة اللي بيني وبينها حبيتها وعايز أكمل باقي حياتي معاها.
سناء: ربنا يسعدك يا حبيبي. اطلعي يا سلمى عند مرات أخوكي وقوليلها محدش زعلان منها، وإننا مبسوطين بالخبر ده، وخلاص بقت واحدة مننا.
ملاك حاسة، وأنا فاهمة اللي بتفكر فيه دلوقتي. سمعت سلمى كلامها وطلعت عند ملاك، فلقتها بتعيط، فقربت منها وقالت: إيه يا ملاك؟ في إيه مالك؟
ملاك مسحت دموعها وقالت: لا لا، مفيش حاجة.
قعدت سلمى جانبها وقالت: أنا مبسوطة أوي بجد إنك خلاص هتعيشي معانا هنا علطول، رعد كمان طاير من الفرحة.
ملاك بحزن: والله العظيم يا سلمى، اللي حصل ده كله كان غصب عني.
سلمى: اللي حصل ده مفيهوش حاجة غلط، مفيش غير حاجة واحدة بس اللي غلط، إن الموضوع كان في السر، والغلط ده يشيله أخويا لوحده، إنما بعد كده لا، في حاجة عيب ولا حرام.
ملاك: الحمد لله على كل حاجة.
سلمى: قوليلي بقى، رد فعل رعد لما عرف إنك حامل؟
ملاك: والله ماخد بالي، أنا كمان كنت مصدومة زي زيه، إن إزاي ده حصل.
