جي جي بانفعال: لا بقولك اي، شلني من نفوخك ياعامر، ومتتدخلش بحياتي خالص، فاهمه؟
عامر: لا مش فاهمه، لما تروحي لندن هناك ابقى اتزفتي، اعملي الللي انتي عاوزاه، انما هنا بالبيت ده لأ، انتي فاهمه؟ وامشي قدامي غيري اللي لابساه.
جي جي بسخرية: ليه بقى ان شاء الله؟ فاكر البيت ده بيتك؟ وقف بصدمه من حديثها لتكمل بسخرية: متنساش انت مين يابابا، انت باباك رماك علينا وسابك عاله على بابا وعمو منصور، انت ولا حاجه، حتى باباك سابك واتخلى عنك، متنساش.
لم تكمل كلمتها حتى شعرت بكلمة قويه تلقتها لتسقط لو لم تسندها شوق بصدمه ورعب من هيئة زوجها الجديده التي تراها لأول مره.
مهران بغضب: انتي فعلا ناقصك تربيه يابنت عمي، بس على مين؟ انا اللي هربيكي.
جي جي بدموع: انت بتعاتبني على شانه؟ مش..
لم تكمل كلمتها ليجتذبها من شعرها بقوه: صوتك ده مش عايز اسمعه، وطلعي اوضتك عشان مش طايق اشوفك.
دفعها الى الباب، امتلئت عينيها بالدموع وهي ترى مهران يعاتبها امام شوق ويهينها هكذا، وصعدت الى غرفتها بسرعه.
