٥ و٦ نزلت من بيتها تبحث عن عمل لتجده أمام البيت ينتظر بسيارته الفارهة ….
يوسف باشتياق: بقالي ٤ ساعات ملطوع هنا.
إسراء ببرود: ومين قالك تستنى حد؟ امشي، الناس بدت تلاحظ، سيبني في حالي.
يوسف: اطلعي يا إسراء، لازم تفهمي إني بحبك، والله بحبك، وندمان أوي أوي، اعطيني فرصة بس.
إسراء بغيظ: قولتلك لو آخر واحد في العالم مش هوافق عليك.
تقدمت للأمام وأوقفت سيارة وذهبت تبحث عن وظيفة. دخلت مصنع كان منزل إعلان أنه يريد محاسب، فقالوا لها أن تضع اسمها وهاتفها. دخل المصنع بعدها.
يوسف: فين مدير المصنع؟
الأمن: يوسف باشا، أهلًا أهلًا، فوق في مكتبه.
مشى برفقة الأمن وأخبر صاحب المصنع أنه هنا.
علي: يوسف القاضي باشا عندنا، أؤمر يا باشا.
يوسف: في بنت جت قبل وقت إنها عايزة وظيفة وشكلها ما تقبلتش.
علي: اسمها إيه يا باشا؟
يوسف بابتسامة، كان اسمها كافي ليرقص قلبه: إسراء شاهين. إن كانوا خدوا رقم تليفونها عايز تكلموها وتتقبل بالشغل هنا.
علي: بس كدة؟ اعتبرها خلصت.
يوسف: ومش حوصيك، ممنوع أي حد يدوس لها على طرف، ممنوع حد يضايقها، لأنها إن زعلت حزعل جامد، وانت عارف.
علي: لا يا باشا، ربنا ما يجيب زعل.
يوسف: عايز راتبها يكون بالدولار ومبلغ ما خدوش حد في المصنع.
علي: علم وينفذ. المهم ساعدتك تكون مبسوط مننا.
يوسف: إن كانت مبسوطة هنا، ساعدتها الخير اللي جايلك ما فيش زيه.
علي بسعادة كأنها مصباح علاء الدين: واحنا مش حنعمل حاجة غير نسعدها.
يوسف: مش عايزها تعرف إني أنا اللي توسطت لها.
مشى يوسف ناحية الباب ثم استدار وقال: واعتبر صفقة الخشب رسيت عليك، عربون محبة، وبالسعر اللي انت كنت مقدمه.
كاد يرقص ويغني من شدة سعادته، فصفقة لم يحلم بها. خرج من المكتب بسرعة وذهب للمكتب الذي يقدم به المتقدمون للوظيفة السي في بتاعهم.
علاء: علي باشا، أمرنا.
علي: بالنسبة لوظيفة المحاسب.
علاء: أيوة يا باشا، اخترنا واحد كفء.
علي: لا لا، في واحدة اسمها إسراء شاهين قدمت طلب النهاردة.
علاء: إسراء شاهين، إسراء شاهين… أيوة أيوة، دي عندها شهادة ثانوية عامة، حضرتك، بس مش واخدة بكالوريوس.
علي: ولو معها ابتدائية، كلمها تيجي حالًا وأنا اللي حعمل العقد ليها.
علاء بعدم فهم: ازاي يا فندم؟
علي: انت تسمع اللي بقول عليه، كلمها حالًا، دي حتكون أهم مني هنا.
سامع من محل لمحل ومن شركة لشركة، لم تجد وظيفة. رن هاتفها لترد بتنهد.
إسراء: ألو.
علاء: حضرتك إسراء شاهين؟
إسراء: أيوة.
علاء: حضرتك قدمتي النهاردة بمصنع رامتان لوظيفة محاسب.
إسراء بسعادة: أيوة حصل.
علاء: حضرتك إذا قدرتي النهاردة أو بكرة تيجي تستلمي الشغل.
إسراء بفرحة: مسافة الطريق حكون عند سيادتك.
علاء: تمام.
ذهبت إليهم بسرعة. كان بانتظار أن يراها، شاهد ابتسامتها وهي داخلة المصنع، كأنه امتلك الدنيا.
يوسف لنفسه: حعمل المستحيل يا إسراء، لو حادفع عمري كرمال يوم في حضنك يا أغلى ناسي.
دخلت المصنع ليخبرها علاء أن تذهب لمدير المصنع.
إسراء بقلق: السلام عليكم.
علي: أهلًا أهلًا، تفضلي يا بنتي.
إسراء: حضرتك أنا قبلوني بوظيفة…
علي: بالظبط، وده العقد عشان تمضي، تفضلي اقري.
أمسكت العقد وبدأت بقراءته لتشهق بفرحة حينما قرأت الراتب.
إسراء باستغراب: حضرتك المبلغ ده راتبي ولا في خطأ في الطباعة؟
علي: هو يا بنتي إن مش عاجبك نزوده؟
إسراء بسعادة: لا لا طبعًا، ده حلو جدًا.
تنهد علي بارتياح.
علي: تقدري تروحي على شغلك، حخلي إيمان تفهمك شغلك ازاي، وإن أي حد أي حد زعلك أو داس لك على طرف تبلغيني أنا شخصيًا.
إسراء بسعادة: ميرسي أوي أوي يا فندم.
أمسك هاتفه واتصل به.
علي: حضرتك، اتبسطت جدًا وبدأت الشغل، واعتبرها مديرة المصنع من النهاردة.
يوسف: وانت بعد كدة اعتبر كل الصفقات ماشية طول ما إسراء مبسوطة يا علي، وإياك في يوم تزعل.
علي: حضرتك لو عايزة مكتبي أنا ما عنديش مانع.
/////// #يتبع اضغطو على اسمي لقراءة الفصول السابقة في المجموعة نفسها.
٦ أحبها بجنون، سيفعل المستحيل لأجلها… هي فقط من سلبت عقله وروحه. يوسف ناصر القاضي، اسمه وحده فقط يسبب أزمة… لقد ندم على كل لحظة أحزنها بها.
أغمض عينيه لتهبط دموعه بألم شديد وهو يتذكر دموعها في كل مرة يحزنها. أرجع رأسه للخلف ونام على الكرسي وأغمض عينيه يتنهد بألم شديد.
يوسف: فرصة واحدة بس يا إسراء، وحدة، وأوعدك لأجبلك الدنيا كلها تحت رجلك… أعمل إيه يا ربي أخليها توافق.
أمسك هاتفه واتصل على أحد الأشخاص للتنفيذ.
ـ السلام عليكم.
شاهين: وعليكم السلام، أهلًا يا ابني.
ـ حضرتك ده بيت شاهين عز الدين؟
شاهين: أيوة يا ابني، أنا شاهين.
ـ حضرتك احنا جمعية العمل الحر، وتم أخذ أسماء عشوائية من ضمنها اسمك، إحنا نفتحلك مشروع.
شاهين بفرحة: وتكلفته والدفع ازاي؟
ـ لا حضرتك، دي ناس بتتكفل بكدة.
شاهين لنفسه: يا ما انت كريم يا رب.
ـ حضرتك احنا عاينا البيت ده ولقينا في محلات ليك تحت.
شاهين: أيوة يا ابني، بس دي تعبانة وعايزة شغل كتير.
ـ حضرتك ده شغلنا احنا، يومين حنرتبهم ونفتح لحضرتك سوبر ماركت يكون كبير في كل حاجة.
شاهين بذهول: كل حاجة متكلفة منكو…
ـ أيوة، وحنبدأ شغل من دلوقتي اذا أمكن.
شاهين بلهفة: أيوة أكيد، تفضل.
بدأ العمال في دهن وترميم المحلات وتغيير أبوابه.
يوسف: أيوة، إيه الأخبار؟
ـ تمام يا باشا، زي ما حضرتك أمرت، بكرة حتنزل الثلاجات وباقي الحاجات.
يوسف: ما تبخلش، لو حتقلبوا مول ما يهمكش.
ـ اعتبروا حصل يا باشا.
يوسف بابتسامة: تمام يا رجالة.
أغلق هاتفه وفتح صورها يقلب بها، التقطها لها في كل مكان، ضم تليفونه بشدة لقلبه وهو يهمس: مش حتبعدي عن حضني أكتر من كدة.
خرجت من المصنع وهي سعيدة للغاية، فجميع من في المصنع يعاملونها أحسن ما يمكن، حتى مدير المصنع يطمئن عليها ثلاث مرات يوميًا… لتختفي ضحكتها حينما شاهدت سيارته مقبلة عليها.
إسراء: أوووف، بختنق لما بشوفه.
